Share on facebook

මැරුණත් විප්ලවවාදියෙක් ලෙස මිහිදන් වූ අබේ අයියා

 

abeartiවිප්ලවවාදීන් මැරෙන්නේ නැත. යනුවෙන් කියමනක් ඇත්තෙ ඔවුන් මිය ගියද නාමය සදා ජීවත්ව සිටින බවට වන ජීවන ආදර්ශයන් තබා යන බැවිනි. 71 අරගලයෙන් ජීවය උපන් මේ බිම සමාජවාදය කැදවීම සදහා පුරෝගාමී වූ සුවහසක් මිනිසුන්ගේ බලාපොරොත්තු ක්‍රමිකව බිද වැටෙන්නේ 89 දීත් එකී අරගලය ධනෙෂ්වර බයිනෙත්තුවෙන් පගා දමා එයට මූලික වූවන් සමූල ඝාතනය කිරීමත් සමගය. එහෙත් එකී සමුල ඝාතනයෙන් විප්ලවවාදී සමාජවාදී ආකල්ප දැරූ මිනිසුන්ගේ හෘදය සාක්ෂිය මරා දැමිය නොහැකි විය.

අරගයට මුල් වූ කොටු පවුරු හෙවත් පක්ෂය ධනේෂ්වර කදවුරට අවනතවීමත් සමග 71 අරගලකාමීන් කලකිරීමට පත්වුවක් ඔවුන්ගේ සිතුම් පැතුම් මරා දැමීමට හෝ කලකිරවීමට එකී මඩගොහොරු ආදර්ශයන්ට නොහැකි විය.

සමාජය වෙනස් කිරීම සදහා වූ ප්‍රතිපත්තියක පිහිටිය උන්ට තම ජීවිතයද ඒ සදහා සකස් කර ගැනීමට 71 වකවානුවේ අධ්‍යාපනය ලබාදුන්නේ එය හුදු අධ්‍යාපනයක් පමණක්ම නොව ජීවිතයද එයම බව කියා දෙමිනි. ඒ අනුව ජීවිතය එක් එක් වකවානුවන්හිදී වෙනස් නොවී ජීවිතය නම් විප්ලවවාදී ජීවිතයම බව ඔවුන් ජීවිතාදර්ශයෙන්ම පෙන්නුම් කොට සිටියේය. එවැනි ජීවිත හිමි වූවෝ බහුතරයක් නැතත් කිහිප දෙනෙකු හෝ ඉතිරි වී සිටීම ලංකාවේ සමාජවාදී විප්ලවවාදී ඉතිහාසය පෝෂණය කිරීම සදහා පිටුවහලක් වන්නේය.
තම ජීවිත සමාජවාදී හා විප්ලවාදී යැයි කියා ගන්නා සමහර විප්ලවවාදී මහතුන් කලින්කලට වන දේශපලාන කුණාටූන් විසින් ධනේෂ්වර සුළං ප්‍රවාහයන්ට ගසා ගෙන ලොස් අවසානයේ එය සමාජවාදය ගොඩනැගීම සදහා හෝ ප්‍රතිසංස්කරණ සමාජවාදයේ න්‍යායචාර්යවරුන් විසින් අනුදැන වදාළක් බව පවසා අත් පිසදා ගැනීමට සමර්ථ වූවෝය.

එසේම විප්ලවයට දර දිය ඇද මහළු වියට පැමිණි පසු එකී මහළු බව පිටුවහලක් කොට ගෙන එමගින් අනෙකුත් සමාජිකයන්ගේ කරමතින් වියපත් නායකත්වයට ගරු බුහුමන් ලැබිය යුතු බවට වන පොරත්වයක් ආරෝපණය කොට වැජඹෙමින් ඉන් ද සතුටු නොවු තැන ධනේෂ්වරයට අරගලය පාවාදුන් වන්දි භට්ටයන් මත යැපීමට සැහැසි වූ මහත්වරුන්ගෙන්ද මෙකී අරගල ඉතිහාසය පෝෂණය වී ඇත.

ඒ අනුව අපගේ ප්‍රශ්තුත චරිතය වන කලවානේ අබේ අයියා නැමැති විප්ලවවාදියා මෙකී සියලු සුළං හමුවේ මුල් විප්ලවවාදී ගතිකත්වයම අවසන් හුස්ම පොද වැටෙද්දී පවා තබාගත් සහෝදරයෙකි. කලින් කලට වන පීඩාවන් ජීවන ගැටළු අභිමුවේ චලනයන්ට ලක්වීම පුහුදුන් පුද්ගල ස්වභාවය වුවත් විප්ලවවාදීන්ට එසේ නොවිය හැක්කේ එය වෙනස් ජීවන අත්දැකීමක් වූ නිසාවෙන්මය. (ප්‍රතිපත්ති ගැටළු මත අරගලය සිත්හි රදවා ගනිමින් භුමියෙන් ඉවත් වූ ලියුම්කරුද මෙකී චලනයන් අභිමුවෙහි චලනයට ලක්වූවෙකි )
එහෙත් අබේ අයියා නමින් 71 අරගල කරුවන් විසින් හැදින්වූ මේ වියපත් මිනිසා අවසන් මොහොත දක්වාම සෘජුව තම මතය වෙනුවෙන් පෙනී සිටියෙකි.
මේ කවරාකර පුද්ගලයෙකු වුවත් මිය ගිය පසු ඔහුට අවශ්‍ය පරිදි අවසන් කටයුතු සිදුවේද යන්න සම්බන්ධයෙන් සැකයක් ඇති අතර එසේ වන්නේ මිය යන්නා තුළ තබා ඇති අන්‍යයන්ගේ විශ්වාසයේ ප්‍රමාණයට සාපේකෂවය.

අබේ අයියා විප්ලවවාදී පෞරුෂයක් සහිතව සමාජයේද නිවසේද ගමේ ද ජීවත් වූවෙකි. එබැවින් එවැනි මිනිසුන් මිය ගියද අවට සිටිනුන්වුන්ට මිය ගිය පුද්ගලයාගේ පෞරුෂත්වය මරා දැමිය නොහැකි පරිදි ජීවත් වීම අතිශය අමාරු කාර්යයකි. අබේ අයියා ජීවත්ව සිටියදී මෙන්ම මිය ගිය පසුද ඔහු ඉදිරියේ අනෙකා දණ නැමීමට තරම් ආත්ම විශ්වාසයකින් ජීවත් වූවෙකි. එබැවින් ඔහු අවසන් වශයෙන් කියා තැබූ පරිදිම ලෝක වාමාංෂික ධජය තම මිය ගිය සිරුර වසා දැමීමටත් කිසිදු ආගමික වතාවතක් සිදු නොකිරීමට මෙන්ම 24පැයකට නොවැඩිව මිය ගිය සිරුර තබා නොගැනීමටත් වූ අවශ්‍යතායන් ජීවත් වන්නන් විසින් නොපිරිහෙලා ඉටු කළේය.

ඒ අබේ අයියාගේ විප්ලවවාදී පෞරුෂත්වයේ අරුමයය. කාලයකට පසු රතු ධජයකින් වැසි විප්ලවවාදියෙකුගේ දේහයක් මිහිදන් වීම දැකීමමද විප්ලවීය ගුණය මිය ගිය පුද්ගලයන්ගේ සිරුරට ඩා බිදු කිහිපයක් එක් කිරීමට සමත් වන දසුනක් වන්නේය.

එබැවින් විප්ලවවාදීන්ගේ ජීවිතය මඩේ සිටවූ ඉන්නක් නොව විප්ලවවාදීම බව පසක් කොට මිය ගිය සහෘද අබේ අයියාට සුබ ගමන් පතන්නෙමු.

- තුසිත පතිරණ

Prev Next