Thursday, 19 April 2012 14:24

0 Comments

මේ දවස්වල අකුණු ගහනවා. ඊයේ දවසට විතරක් අකුණු සැර නිසා මිනිස්සු 4 දෙනෙක් මැරුණා. අපි මේ කියන්න හදන්නෙ අකුණු ගැන කතාවක් නම් නෙවෙයි. අකුණු ගැන අපේ මිනිස්සු දැනගෙන හිටිය දේ ගැනයි. අකුණු ගැසීමෙන් සිදු වන හානිය අවම කිරීම සඳහා දැනට භාවිතා කරන්නෙ අකුණු සන්නායක. විද්‍යාත්මක පසුබිමක් තියෙන අකුණු සන්නායකය මුලින් ම නිර්මාණ කළේ බෙන්ජමින් ෆෑන්ක්ලීන් කියන විiාඥයා. ඒ 1749දි.  ඒක තමයි ලෝකය ම පිළිගන්න සත්‍ය. ඒත් අපේ මිනිස්සු අකුණු සන්නායකය හොයා ගත්තෙ ඊට ගොඩක් කලින්.

 අකුණු සන්නායක සවි කරන්නෙ උස ගොඩනැගිලිවල. ඉතින් අද ලෝකයේ උසම ගොඩනැගිලි නිර්මාණය කරන්නෙ යුරෝපාකරයේ වුණත් මීට සියවස් ගණනකට ඉස්සර මේ දෙවල් කළේ අපේ මිනිස්සු. මහසෙන් රජතුමා ජේතවනාරාමෙ හදන කාලෙ ඒක ලෝකෙ තිබුණු 3 වන විශාලතම ඉදිකිරීම වුණා. ඒකට වඩා උස නිර්මාණ දෙකයි ලෝකෙ තිබුණ. ඒ මිසරයේ විශාල පිරමීට දෙක. ඉතින් මේ වගේ ඉදිකිරීම් කළ අපේ මිනිස්සු අකුණු සන්නායක ගැන මේලෝ දෙයක් දන්නෙ නැතුව හිටිය ද? ඒකට උත්තරය නෑ කියන එකයි.

 අකුණු සන්නායකයක් ගැන ඉතිහාසයේ පැහැදිලිවම සඳහන් වෙන්නෙ ක‍්‍රිස්තු වර්ෂ 1වන සියවසේ දී අනුරාධපුර අගනුවර කරගෙන රජ කළ භාතිකාභය තිස්ස රජුගේ සමයේ දී. භාතිකාභය තිස්ස රජු දුටුගැමුණ රජු විසින් ඉදි කළ රුවන්වැලි සෑය අකුණු සන්නායකයක් මගින් ආරක්ෂා කළා කියල මහාවංශය සාක්ෂ දරනවා. භාතිකාභය රජු කියන්නෙ රුවන්වැලි සෑයට අප‍්‍රමාණ ලෙස ගරු කළ කෙනෙක් විදිහටයි හැඳින්වෙන්නෙ. එහෙම නම් අකුණු සන්නායකයක් මේ සෑයට සවි කරන්න කළින් අකුණු සන්නායකය කියන එක මීට කලින් අත්හදා බලල තියෙන්න  ඕනෙ. ඒ කියන්නෙ නිලවශයෙන් මහාවංශය මේ අකුණු සන්නායක භාතිකාභය රජතුමාට අදාළ ව ලිවුවට ඊට පෙරත් මේ අකුණු සන්නායක භාවිත කළා කියල අපට හිතන්න පුළුවන්. එහෙම නම් ලෝකෙ මුලින් ම අකුණු සන්නායකය හොයා ගත්තෙ අපේ මිනිස්සු වෙන්නත් පුළුවන්. ඒ කියන්නෙ අකුණක් කියන්නෙ මොකක් ද කියල විiාමකව සොයා ගත්තෙ නැතත් අකුණකින් ආරක්ෂා වෙන්න පුළුවන් විදිහ අපේ මිනිස්සු දැනගෙන හිටය කියන දේ ඉතා පැහැදිලියි.