පාරිසරික

අම්මාවරුන් මරා දරු පැටවුන් පැහැරගෙන යාමේ අහස පොළොව නුහුලන අපරාධය

3පහත පලවන්නේ රට තුළ සිදුවෙන අලි පැටවුන් කොල්ලය පිලිබදව මහානායක ස්වාමීන්වහන්සේ දැනුවත් කර පරිසර වේදීන් විසින් යවනලද ලිපියේ පිටපතකි

අති ගෞරවනීය
මහානායක ස්වාමීන්වහන්සේ වෙතල

අලි අම්මාවරුන් මරා දරු පැටවුන් පැහැරගෙන යාමේ අහස පොළොව නුහුලන අපරාධය මැඩලීම ස`දහා මැදිහත්වන ලෙස කරනු ලබන කාරුණික ආයාචනයයි.

අතීතයේ සිට බුදුදහමෙන් පෝෂණයවූ, ”ධර්මද්විපය” යන විරුදාවලිය ලද අපගේ මාතෘභූමියේ දැනට කලක සිට සිදුකරනු ලබන අලි අම්මාවරුන් මරා දරු පැටවුන් පැහැරගෙන යාමේ අහස පොළොව නුහුලන අපරාධය මේ වනවිට ඉතා භයානක වනජිවී ජාවාරමක් බවට පත්වී ඇතිබව ඔබ වහන්සේද දන්නවා ඇති බව සිතමු.

ධන ලෝභයෙන් අන්ධ වූ අපායගාමී පාපතරයින් පිරිසක් විසින් සිදු කරනු ලබන මෙම මනුශ්‍යත්වයට නිගා දෙන අපරාධය සාධාරණීකරණය කිරීම ස`දහා මේ වන විට තතාගතයන් වහන්සේ විසින් අනු දැන වදාල බුදුදහම අනුව ගිය ඇතැම් ප‍්‍රකට භික්ෂුන් වහන්සේද ඉදිරිපත්වී තිබිම කණගාටුවට කරුණකි.

දුර අතීතයේ සිටම බෞද්ධයින්ගේ නොමද ආදරය හා ගෞරවයට පාත‍්‍රවූ අලි ඇතුන් ශ‍්‍රි ලංකාවේ ජෛව විද්‍යාත්මක අගය කියාපාන සුවිශේෂී සත්ව විශේෂයක් බව නොකිවමනාය. සෙසු වන සතුන්ට සාපේක්‍ෂව ඉතා ශක්තිමත් බුද්ධිමත් මෙන්ම අතීශය සංවේදී සත්ත්ව විශේෂයක්ද වන අලි ඇතුන් ගේ ජිවිත ආරක්‍ෂාව වෙනුවෙන් කැපවීම අවිහිංසාවේ ප‍්‍රථි මුර්ථය බ`දු බුදු රජානන් වහන්සේ සරණ ගිය අප සැමගේ පරම යුතුකමක් හා වගකීමක් වන බව යලි යලිත් කිව යුතු නැත.

නමුත් අති ගෞරවනීය මහානායක ස්වාමින්වහන්ස,

අප මේ ගෙවා දමමින් සිටින මොහොතක් මොහොතක් පාසාම එම අසරණ අලි ඇතුන් මේ පොළෝ තලය මත අත්වි`දිමින් සිටිනා දුක් ගැහැට මෙතෙකැයි කියා නිමකල නොහැකි තරම් වීම කොතරම් අභාග්‍යක්ද? මාතෘ ධාරක ස්නේහය මහා ඉහලින් අගය කරන මව් කිරිවලින්ම පෝෂණය වන සත්ව විශේෂයක් වන අප බලාසිටියදීම අප වැනිම මාතෘ ධාරක ස්නේහය අගයන කිරි බී වැඩෙන වෙනත් සත්ව විශේෂයක් වෙත පාපකාරී නොමිනිසුන් විසින් අති අමානුෂික ආකාරයෙන් කෘරත්වය මුදාහරිමින් සිටියදී නිහඩව සිටීම යුක්ති යුක්ත නොවන බව අවධාරණය කල යුතුව ඇත.

පෙරකල සිට පැවත එන ආගමික පෙරහැර කර්ම ආදී සංස්කෘතික කටයුතු ස`දහා හීලෑ අලි ඇතුන් අවශ්‍ය බව සැබැය. ( ඒ වෙනුවෙන් හීලෑ අලි ගහනයක් රටතුල පවත්වාගෙන යාම පිළිබ` අපට කිසි`ගැටඵවක් නැත.) ඒ ස`දහා පින්නවල අලි අනාථාගාරය හෝ ජාතික සත්වෝද්‍යානය වැනි ආයතන වලින් නිත්‍යානුකූලව රාජ්‍ය අනුග‍්‍රහය යටතේ අලි ඇතුන් ලබා ගැනීමේ හැකියාව ඇත. එසේම මෙරට තුල දැනට සිටින හීලෑ අලින්ට දාව පැටවුන් බිහිකර ගැනීමේ වැඩ පිළිවෙලක් සකස් කර ගැනීම ම`ගින්ද රටට අවශ්‍ය හීලෑ අලි ගහනය දිගු කාලීනව පවත්වාගෙන යාමට හැකියාව ඇත.

නමුත් අති ගෞරවනීය මහානායක ස්වාමින් වහන්ස,

ඒ සියල්ල පසෙක තබා රටේ පවත්නා නීතිය නොසලකා හරිමින්, මනුශ්‍යත්වයටද නිගාදෙන ආකාරයෙන් මෙරට වනාන්තර වල වෙසෙන අලි අම්මාවරුන් ඝාතනය කර හෝ වෙනත් එවැනි අධම ක‍්‍රම ම`ගින් අලි පැටවුන් අල්ලාගෙන විත් රුපියල් කෝටි ගනන් වලට විකිණිමේ ජාවාරමක් රටතුල ක‍්‍රියාත්මක වීම කිසි`දු ලෙසකත් සාධාරණීකරණය කල යුතු නොවේ. බුදු දහමද දඩමීමා කරගෙන මෙසේ අල්ලාගනු ලබන කුඩා අලි පැටවුන් බොහෝමයක් දැඩි මානසික ආතතිය හා හීලෑ කිරීම ස`දහා ලබාදෙන ඉතා කෘර වධ බන්ධන ඉවසාගත නොහැකිව මරණයට පත්වෙති. එයින් ඉතිරි වන අලි ඇතුන්ද සදාකාලිකවම මිනිසුන්ගේ සිර කරුවන් බවට පත්ව දැව ජාවාරම වැනි නීති විරෝධී ක‍්‍රියාවලීන් ස`දහා හෝ සැ`දල යොදාගෙන විදේශිකයින් පිටමත තබාගෙන යාම (සෆාරි* වැනි කටයුතු වල අසීමාන්තිකව යෙදවීම ම`ගින් අපා දුක්වි`ද අකාලයේ මරණයට පත්වෙති.
මෙම මහා පරිමාණ නීති විරෝධී ව්‍යාපාර තුල ජනනය වන අති විශාල ධනස්කන්ධය විසින් මෙම සාපරාධී ක‍්‍රියාව මැඩලීම ස`දහා ක‍්‍රියාත්මක විය යුතු දේශපාලන අධිකාරිය , අධිකරණ පද්ධතිය මෙන්ම, වන ජීවී සංරක්‍ෂණ දෙපාර්තමේන්තුව හා පොලීසිය වැනි රාජ්‍ය ආයතනයන්ද අකර්මනය කරනු ලැබ ඇත. ඒ හේතුවෙන් තවදුරටත් මෙම අපරාධය අපගේ මාතෘ භූමිය තුල කිසි`දු බාධාවකින් තොරව එළිපිටම සිදුවෙමින් පවතී.

එබැවින් අති ගෞරවනීය මහානායක ස්වාමින් වහන්ස,

අප උදක්ම මෙසේ ඔබ වහන්සේගෙන් ආයාචනා කරණු ලබන්නේ වසර 2500කට එහා ගිය නිර්මල බුදු දහම තවදුරටත් නොනැසී පවතින රටක මෙවැනි විනාශයක් තවදුරටත් සිදු නොවීම ස`දහා ඔබවහන්සේ් සක‍්‍රීයව මැදිහත්වන ලෙසය. අපගේ මාතෘභූමිය තුල යම්කිසි නොමනා ක‍්‍රියාවක් සිදුවන සෑම අවස්ථාවකදීම එය වැලැක්වීම ස`දහා පාලකකාරකාදීන්ට අනුශාසනා පවත්වමින් අපගේ මාතෘභූමිය රැුකගැනීමට ජාතියේ මුරදේවතාවුන් ලෙස ඔබ වහන්සේ කටයුතු කල බව අප සිහිපත් කරණුයේ අප‍්‍රමාණ ගෞරව බහුමාණයෙන් යුක්තවය. එසේම මෙම විනාශයෙන්ද මෙරට අලි ඇතුන් සම්පත ආරක්‍ෂාකරගෙන රටට සිදුවන බරපතල අපකීර්තියෙන් අපගේ මාතෘභූමිය ගලවා ගැනීම ස`දහා ඔබ වහන්සේගේ නායකත්වය අත්‍යාවශ්‍යම මොහොත, ඔබ වහන්සේගේ අනුශාසනා පාලක කාරකදිීන්ට ලබාදීමට සුදුසුම මොහොත මේ බව අප සිතමු. එබැවින් ඒ ස`දහා ඉතා කඩිනමින් සක‍්‍රීයව මැදිහත්වන ලෙස ඉතා ගෞරවයෙන් නමස්කාරපුර්වකව අයැද සිටිමු.

මීට විශ්වාසී,
සුපුන් ළහිරු ප්‍රරකාශ් - ශ්‍රී ලංකා ජෛවවිවිධත්ව සංරක්ෂණ හා පර්යේෂණ කවය
සුජීව ජාසිංහ - පාරිසරික හා සංස්කෘතික අධ්ය න මධ්ය ස්ථානය
සුදර්ශනී ප්‍රරනාන්දු - වනජීවී අපරාධ වලට එරෙහි මුරකාවලුන් සංවිධානය

විශේෂාංග පුවත්

Video - අයිතියක් ලෙස කුමාරට ලංකාවේ පුරවැ…

Video - අයිතියක් ලෙස කුමාරට ලංකාවේ පුරවැසිකම ලැබියයුතුයි  ආචාර්ය  නීතිඥය ජයම්පති වික්‍රමරත්න

"කුමාර් ගුණරත්න ලංකාවේ ඉපදුණු කෙනෙක් ...එනිසා ලංකාවේ පුරවැසිකම ඔහුට ඕනෑම වෙලාවක ලබාගැනීමේ අයිතියක් තියනවා . කුමාර් ගුණරත්නම්  ඔස්ට්‍රේලියන් පුරවැසිකම අයින් කරගන්නවානම් ශ්‍රී ලංකාවේ නිතිය අනුව ඔහුට මුල් පුරවැසිභාවය  අයිතියක් ලෙස... Read more

මෛත්‍රී වෙනුවෙන් පෙනීහිටලා ලංකා ඉතිහාසයේ…

මෛත්‍රී වෙනුවෙන් පෙනීහිටලා ලංකා ඉතිහාසයේ පළමු වතාවට දේශප්‍රේමින්ගේ රෙදි ගලවුනා

මම හිටන්නේනැහැ මේක ලංකාවේ ජනතාවට ප්‍රජාතන්ත්‍රවාදය ලබාදීමක් කියලා .චන්ද්‍රිකා ආණ්ඩුවේ පළමු බිල්ල වගේම මේ ආණ්ඩුවේත් පළමු බිල්ල කම්කරුවෙක් ..මේවිදිහට බැලුහමමේ ආණ්ඩුවලට ජනතාවට ප්‍රජාතන්ත්‍රවාදය දෙන්න බැහැ . මෙහෙම කියන්නේ ප්‍රවීන මාධ්‍යවේදී ශාන්ත... Read more

Video - අයවැයට විරුද්ධ වුණේ ඇයි? අජිත්ගෙ…

Video - අයවැයට විරුද්ධ වුණේ ඇයි? අජිත්ගෙන් අහමු!

පසුගිය දා පැවති අයවැය දෙවන වර කියවීමේ ඡන්ද විමසීමේදී අයවැයට පක්ෂව ඡන්ද 164ක් ලැබුණ අතර විපක්ෂව ලැබුණේ එක් ඡන්දයක් පමණි. ඒ පෙරටුගාමී සමාජවාදී පක්ෂයේ පාර්ලිමේන්තු මන්ත්‍රී අජිත් කුමාරගේ ඡන්දයයි. අනිත්... Read more

World-Cup-2015-Live-Online

20150216

කුමාර් ගුනරත්නම් සහෝදරයාගේ දේශපාලන අයිතිය උදුරා ගැනීමට එරෙහිව

vivara-fm

vivara-tv

Piya-Luogo

අපි ජීවත්වෙන ලෝකයේ මිනිස්සු ජීවත්වෙන තැන්

ලොව පුරා ජනගහනයෙන් 50 % ක් එනම් බිලියන තුනකට වඩා ජීවත්වන්නේ නාගරික හා අර්ධ නාගරික ප්‍රදේශවලය. ඉන් සෑම මිනිසුන් තිදෙනකුගෙන්ම...