පාරිසරික

සකුරා එනර්ජි පෞද්ගලික සමාගමට අත්වැල්තොට බිළිදෙයි.

01-jඅපූර්ව පරිසර පද්ධතියක ප්‍රධාන අංගයක් හා ප්‍රදේශයේ ග්‍රාමීය ප්‍රජාවගේ ආර්ථිකයට ශක්තියක් සැපයූ සංචාරක ගමනාන්තයක් වන අත්වැල්තොට දියඇල්ල විනාශ කිරීමට මධ්‍යම පරිසර අධිකාරිය හා වන සංරක්ෂණ දෙපාර්තමේන්තුව විසින් පෞද්ගලික කොම්පනිකරුවෙකුට අවසර ලබා දී තිබේ. අත්වැල්තොට දිය ඇල්ල හරස් කරමින් කුඩා ජල විදුලිබලාගාර ව්‍යාපෘතියක් ක්‍රියාත්මක කිරීම සඳහා සකුරා එනර්ජි නමැති පෞද්ගලික සමාගම විසින් ඉදිරිපත් කර ඇති ව්‍යාපෘති යෝජනාවකට අවසර ලබා දීම මගින් මෙම විනාශය සිදුකර ඇත. මෙම කුඩා ජල විදුලිබලාගාර ව්‍යාපෘතිය මගින් මෙගා වොට් 1.5 ක ජල විදුලියක් නිපදවීමට අදාල පෞද්ගලික සමාගම බලාපොරොත්තු වේ. නමුත් ඒ හේතුවෙන් එතෙක් පරිසරයට හානියක් නොවන පරිදි ප්‍රදේශයේ ග්‍රාමීය ජනතාව විසින් සිදුකරගෙන ගිය සංචාරක කර්මාන්තය ඇනහිටීමෙන් ඔවුන් කබලෙන් ලිපට විසිවන අතර ඔවුන්ගේ ජල අවශ්‍යතා ඉටුකරගැනීමේදී ද ගැටළු ඇතිවන බව පරිසර යුක්ති කේන්ද්‍රය මාධ්‍ය නිවේදනයක් නිකුත් කරමින් පෙන්වා දෙයි.

කළුතර දිස්ත්‍රික්කයේ පාලින්දනුවර ප්‍රාදේශීය ලේකම් කොට්ඨාශය හරහා ගලා බසින කුකුළේ ගඟේ අතු ගංගාවක් වන පැලන් ගඟ මගින් අත්වැල්තොට දිය ඇල්ල හටගනී. නමුත් මෙම ව්‍යාපෘතිය සඳහා සිදුකර ඇති මූලික පරිසර විමසුමේ මෙම ජල විදුලි බලාගාරය ඉදිකරනු ලබන්නේ දිය ඇල්ලක් අවහිර කරමින් බව හෙළි කිරීම ව්‍යාපෘති කරුවන් විසින් සිතා මතාම මගහැර ඇති බවට චෝදනා එල්ලවේ. එසේම එය ප්‍රදේශයේ අහිංසක දුප්පත් ගම්වැසියන්ගේ ආර්ථිකය ශක්තිමත් කිරීමට ඉවහල්වන සංචාරක ගමනාන්තයක් බවද සඟවා ඇත. ඒ කෙසේ වෙතත් කිලෝමීටර් 30 - 40 දුර ගෙවමින් මෙම ස්ථානය රස විඳින්නට සංචාරකයන් පැමිණෙන අතර මෙම දිය ඇල්ල ග්‍රාමීය ප්‍රජාවගේ එදිනෙදා ජල පහසුව සපයන ඔවුන්ගේ ජීවිතයේ මූලික අංගයක් බවට පත්වී ඇති බවද අප කල විමසීමකදී පරිසර යුක්ති කේන්ද්‍රයේ විධායක අධ්‍යක්ෂ හේමන්ත විතානගේ මහතා පැවසීය. තමන් උපන් මොරපිටිය ගම්මානය පිහිටා ඇත්තේ ද මෙම දිය ඇල්ලේ සිට කිලෝමීටර් දෙකක් පමණ දුරකින් වන අතර කිසිවකු විසින් මෙම සොබාදහමේ අපූර්ව නිර්මාණය වනසා දැමීම කිසිසේත්ම අනුමත කල නොහැකි බව ඔහු වැඩි දුරටත් පැවසීය.2-j

පැලන් ගඟ දිගේ ගලා එන ජලය මෙම දිය ඇල්ලට ඉහලින් පිහිටි ස්වභාවික ජල තඩාගයට එක්රැස්වී පසුව පහලට වැටී අඩි දොළහක් පමණ උස දිය ඇල්ලක නිර්මාණය කරන අතර සොබාදහම මගින් නිර්මාණය කල ගැඹුරු ගල් කුහරයක මෙම ජල කඳ සැඟවී යාම අත්වැල්තොට දිය ඇල්ලේ ඇති සුවිශේෂීතත්වයකි. තාක්ෂණික අර්ථදැක්වීමට අනුව දියඇල්ලක උස මීටර් තුනක් ඉක්මවිය යුතු බැවින් මෙම අත්වැල්තොට දියඇල්ල, දියඇල්ලක් නොවන බව කෙනෙකු ප්‍රකශ කල හැකි නමුත් ප්‍රදේශයේ ජනතාවට මෙය සදා තම පැන් පහසුව සලසන අත්වැල්තොට දියඇල්ල ම ය. අත්වැල්තොට දිය ඇල්ල වටා ගෙතී ඇති පුරාවෘත්ත බොහොමයක් ඇති අතර ඉන් එකකින් කියවෙන්නේ 16 වැනි සියවසේදී පාලින්දනුවර රජකම් කල වීදිය බණ්ඩාර කුමරු මෙම ස්ථානයේ ස්වර්ණාභරණ හා මැණික් සඟවා ඇති බවයි. මෙම ස්ථානය ප්‍රදේශයේ ග්‍රාමීය ජනතාවගේ ස්නානය හා ජල පහසුව සැපයීමය සඳහා ප්‍රමුඛ කාර්ය භාරයක් ඉටුකරන බව ඉහතද සඳහන් කල අතර විශේෂයෙන්ම වියලි කාලයේදී මේ වෙත පැන් පහසුව සඳහා විශාල ජනතාවක් රැස්වෙන බව ප්‍රකට කරුණකි. නමුත් එසේ තිබියදී පාලින්දනුවර ප්‍රාදේශීය සභාව විසින් මෙම ව්‍යාපෘතියට අවසර ලබා දී ඇත්තේ මෙම ස්ථානය ස්නානය සඳහා අනාරක්ෂිතව හුවාදක්වමිනි.

මේ පිළිබඳව අදහස් දක්වමින් පාලින්දනුවර පරිසර සංරක්ෂණ සංගමයේ ජනක විතානගේ ප්‍රකාශකලේ මෙය ඉතා පැහැදිලි ලෙසම සංවර්ධන ව්‍යාපෘති වලදී කොතෙක් දුරට අප අපේ සොබා සෞන්දර්යාත්මක දර්ශනයන්ගේ වටිනාකම අගයකරනවාද යන්න වටහා ගැනීමට මග පාදන අවස්ථාවක් බව ය.

පරිසරවේදීන් පවසන්නේ තමන් මේ පිළිබඳව ජනාධිපති මෛත්‍රීපාල සිරිසේන මහතා ලිඛිතව දැනුම්වත් කර ඇති අතර පරිසර විෂය භාර අමාත්‍යවරයාද වශයෙන් ඔහු අගතියට පත් ග්‍රාමීය ප්‍රජාවගේ හා තමන්ගේ හඬට කන් දෙනු ඇතැයි තමන් විශ්වාස කරන බවය.

කුඩා ජල විදුලි බලාගාරකරුවන්ගෙන් අපේ ඇළ දොළ ගංගා ආරක්ෂා කරගන්නට අදාල බලධාරීන් විධිමත් වැඩපිළිවෙලක් සකස් කලයුතු බවට පරිසරවේදීන් විසින් යෝජනා කරනු ලබන්නේ බොහෝ කලක සිටය. මෙවැනි අක්‍රමවත් කුඩා ජලවිදුලි බලාගාර නිසා විශේෂයෙන්ම තෙත්කලාපීය පරිසර පද්ධතීන්ට එල්ලවන අහිතකර බලපෑම නිසා මෙන්ම ආශ්‍රිත ප්‍රජාවට එල්ලවන අවහිරතාද සලකූ විට ඒවායින් ජාතික විදුලිබල පද්ධතියට විදුලිය සැපයුනද ලැබෙන යහපත් ප්‍රතිපලයක් නොමැති තරම්ය. බොහෝ විට සිදුවන්නේ කොම්පනිකරුවන් පරිසරය වනසා අසරණ ගැමියන්ද පීඩාවට පත්කර තම මඩිය තර කර ගැනීමය. එමගින් ආශ්‍රිත ප්‍රජාවට සිදුවන බලවත් අසාධාරණය පිළිබඳව කතාකරන්නට සොයාබලන්නට කිසිවකුත් නැත. මෙවැනි පසුබිමක අත්වැල්තොට දියඇල්ලේ මග අහුරන්නටද මධ්‍යම පරිසර අධිකාරිය මගින් අවසර ලබා දීමෙන් පෙනී යන්නේ පාරිසරික ප්‍රජාතන්ත්‍රවාදය හා යහපාලනය තව දුරටත් මහා පොළොවේ යථාර්තයක් බවට පත්වී නොමැති බව නොවේද.

[සුපුන් ළහිරු ප්‍රකාශ්]

3-j

විශේෂාංග පුවත්

Audio - ප්‍රතිසංස්කරණ වලින් ආස්වාදයට පත්…

Audio - ප්‍රතිසංස්කරණ වලින් ආස්වාදයට පත්විය යුතු නැහැ  සුමිත් චාමින්ද

ගැටළුව තියෙන්නේ ප්‍රතිසංස්කරණ අවශ්‍යද  නැද්ද කියන එක තුළ නෙවෙයි , කවුරුත් කියන්නේ නැහැ ප්‍රතිසංස්කරණ අවශ්‍ය නැහැ කියලා .ඇත්තටම ප්‍රජාතන්ත්‍රවාදී ප්‍රතිසංස්කරණය කියන්නේ මොකක්ද ඒ පිළිබඳවයි විවාදය තියෙන්නේ .. වාමාංශිකයන් විසින් මතුකළයුතු   වන්නේ... Read more

විල්පත්තුවට මුවා නොවී නැවත පදිංචිවීමට මු…

විල්පත්තුවට මුවා නොවී නැවත පදිංචිවීමට මුවාවී උතුරු නැගෙනහිර  වනාන්තර වනසන දේශපාලන අම්බරුවන් බැඳ දමනු ...

විල්පත්තු ජාතික වනෝද්යා නයට උතුරින් පිහිටි විල්පත්තු උතුරු අභයභුමිය හා වන සංරක්ෂණ දෙපාර්තමේන්තුව මගින් පාලනය වන කල්ලාරු  වනාන්තරය අශ්රි තව සිදුවන වන විනාශයන් හා නීතිවිරෝධී ඉඩම් අල්ලා ගැනීම් මේ වන... Read more

කම්කරුවන්ගේ කම්කරු දිනයදා ........

කම්කරුවන්ගේ කම්කරු දිනයදා ........

අද මැයි 01වෙනිදා. ජාත්‍යන්තර කම්කරු දිනය. ලෝකවාසී කම්කරුවන් තමන්ගේ අයිතීන් වෙනුවෙන් පෙනී සිටින දවස. සතුට නැත, නිදහස නැත , වැටුප් නැත , ජීවිතය නැත,වෙනසක් නැත හැරෙමු වමට තේමාව යටතේ ඉතාලියේ... Read more

alut-vivara

රනිල් - මෛත‍්‍රී පාලනයත් කරන වෙනස මොකක්ද?

පෞද්ගලික විශ්වවිද්‍යාල ආරම්භ කිරීම සඳහා පසුගිය වසර 35ක පමණ ඉතිහාසය පුරා විවිධ ආණ්ඩු උත්සාහ කළා. 1981 දි උතුරු කොළඹ පෞද්ගලික වෛද්‍ය විද්‍යාලය ආරම්භ කරන්න මුල්ගල තිබ්බෙත් එජාප ආණ්ඩුවක්. එදා උසස් අධ්‍යාපන ඇමැති හිටියේ රනිල් වික‍්‍රමසිංහ මහත්තයා. රාජපක්ෂ පාලනය තුළත් ඒ දේම කරන්න උත්සාහ කළා. ඒ සඳහා ගත් එක් ප‍්‍රවේශයක් තමයි දකුණු ආසියාතික තාක්ෂණික හා වෛද්‍ය ආයතනය කියල කියන්නෙ.

cast-obama

කවුරුද කාවද මේ රවටන්නේ
දුන් අත කවුරුද හපන් කන්නේ
මිතුරන් වෙන්නද මේ දගලන්නේ
සමාජවාදය හෙට කොයි යන්නේ

vivara-fm

vivara-tv

Piya-Luogo

Femen ස්ත්‍රී ක්‍රියාකාරිනියන් ''නාසි ආචාරයක '

Marine  Le  pen  ගේ  සහ ඇයගේ  පියාගේ මැයි  1 වනදා පැවැත්වූ  සාකච්චාව බාදා කරමින් femen  ස්ත්‍රී ක්‍රියාකාරිනියන්  උඩු කය නිරුවතින් ...