0 Comments

කොරියානු අර්ධද්වීපයේ උද්ගතව පවතින ගැටුම්කාරී යුද උණුසුම සමහන් කර ගැනීමේ සංවාදයකට එක්වන්නැයි, චීන නායකත්වය ඉල්ලා සිටියි.

බේජිං නායකයන් එවැනි ඉල්ලීමක් කළේ , චීනයේ සංචාරයක නිරත වෙමින් සිටින ඇමෙරිකානු රාජ්‍ය ලේකම් ජෝන් කෙරී (John Kerry) සමඟ පැවැත්වූ සාකච්ඡාවලදීයි.

ඇමෙරිකා එක්සත් ජනපදයෙන් සිදු කෙරෙන බලපෑම් සම්බන්ධයෙන්, යුදමය තර්ජනයක් මගින් ප්‍රතිචාරය පළකරන සිය උතුරු කොරියානු සගයා, එවැනි ක්‍රියා මාර්ගයකින් වළක්වා ගන්නැයි වොෂින්ටන් බලධාරීන් චීනයෙන් ඉල්ලා සිටියේය.ගැටුම්කාරී තත්වයක් උත්සන්න වෙමින් පැවැතීම කිසිවකුගේ උවමනාව නොවන බව කියා සිටි චීන විදේශ ඇමති වැන්ග් යී (Wang Yi), සාමය සහ න්‍යෂ්ටික නිරවිකරණය සඳහා පියවර ගන්නා මෙන් ඉල්ලීමක් ද කළේය.

චීනය පෙන්වා දෙන්නේ, සාමය සහ ස්ථාවරභාවය සහතික කර ගැනීම සියලු පාර්ශ්වයන්හි වගකීමක් වන බවයි.

උතුරු කොරියාවට එරෙහිව කලාපීය හවුළක් ගොඩ නඟා ගැනීමේ ප්‍රයත්නයක නිරත වෙමින් සිටින ඇමෙරිකා එක්සත් ජනපදය පවසන්නේ, "පියෝන්ග් යැන්ග්" පාලනය, ඔවුන්ගේ න්‍යෂ්ටික වැඩ සටහණ අත්හැර දැමුවත් පමණක් සාකච්ඡා සඳහා එකඟ වෙන බවයි.

BBC මාධ්‍ය ජාලයෙන් උපුටා ගන්නා ලදී.
මේ පිළිබද විස්තරාත්මක ලිපියක් පසුව බලාපොරොත්තු වන්න. 

0 Comments

විකිලීක්ස් වෙඞ් අඩවි ජාලයේ නවතම හෙළිදරව්ව වශයෙන් ලෝකයේ සෑම රටකටම අදාළවන රහසිගත ලියැවිලි මිලියනයක් නිකුත්කරන්නට විකිලීක්ස් වෙබ් ජාලය සූදානම් බව එහි නිර්මාතෘ ජුලියන් අසාන්ජ් පවසයි.

අසාන්ජ් රැකවරණ ලබා සිටින බි‍්‍රතාන්‍යයේ ඉක්වදොර් තානාපති කාර්යාලයේ සඳලුතලයේ සිට මෙම නිවේදනය ජනමාධ්‍ය වෙත ඉදිරිපත් කෙරිණි. ඔහුට විරුද්ධව ලිංගික අපචාර චෝදනා විභාගකරමින් ස්වීඩනයට පිටුවහල් කිරීමේ නියෝගයක් හය මසකට පෙර බි‍්‍රතාන්‍ය අධිකරණය ලබාදුන් අතර එය වැලකී ඇත්තේ ඉක්වදෝර් තානාපති කාර්යාලයේ රැකවරණ ලබාගන්නට හැකි වීම නිසාය. ගෙවී ගිය කාලය තුළ අසාන්ජ් එහි සිට ජනමාධ්‍ය ඇමතූ දෙවන අවස්ථාව මෙයයි. මේ අවස්ථාවේ රැස්ව සිටි අසාන්ජ් හිතවාදීන් විසින් නත්තල් බැති ගී ගායනා කරමින් සහයෝගය පළ කරන ලදී. දැන් තමාගේ නිවස, රැකවරණ ස්ථානය හා කාර්යාලය වන්නේ ඉක්වදෝර් තානාපති කාර්යාලය බව පැවැසූ ඔහු ඒ වෙනුවෙන් ඉත්වදෝර් ආණ්ඩුවටත්, පොදුවේ තමන් වෙනුවෙන් පෙනී සිටින ලොව පුරා ජනයාටත් කෘතඥතාව පළ කළේය.

‘‘ඊළඟ අවුරුද්දත් අපට කාර්ය බහුල එකක් වේවි. ලෝකයේ හැම රටකටම අදාළ රහස් ලියැවිලි මිලියනයක් නිකුත් කරන්න අපි දැන් සූදානම් කරමින් ඉන්නවා. හැම රටක්ම, ලෝකයේ හැම රටක්ම ඊට අදාළ වෙනවා. විකිලීක්ස් කණ්ඩායමට එල්ල වී ඇති තර්ජන හමුවේ පවා අපි දණ නමන්න සූදානම් නැහැ. ඒක මේ අලුත්ම හෙළිදරව්ව කිරීම්වලින් පෙන්නුම් කරාවි.’’

අසාන්ජ් ජනමාධ්‍ය වෙත කතා කළ මිනිත්තු 15ක කතාව අවසානයේ මෙසේ ප‍්‍රකාශ කළා.

‘‘ධවල මන්දිරයේ ඇත්ත ප‍්‍රජාතන්ත‍්‍රවාදයක් නැහැ. කැන්බරා පාලකයන් ළඟත් ඒක නෑ. සත්‍යයෙන් සන්නද්ධ වූ ජනතාව විසින් ඇත්ත ප‍්‍රජාතන්ත‍්‍රවාදයක් බිහි කරනවා ඇති’’