Share on facebook

විදේස්

මාලදිවයිනේ හිටපු ජනපති අපරාධ අධිකරණයට ඇදගෙන යයි

 

mala prsiත‍්‍රස්තවාදී චෝදනා යටතේ අත්අඩංගුවට ගැනුණු මාලදිවයිනේ හිටපු ජනපති මොහොමඞ් නෂීඞ්,  23 දා එරට අපරාධ අධිකරණය වෙත ඉදිරිපත් කෙරුණා. හිටපු ජනාධිපතිවරයා අධිකරණ භූමියට රැගෙන ඒමට ආරක්ෂක භටයන් විශාල පිරිසක් එක්වූ අතර තමාට තනිව අධිකරණය වෙත යා හැකි බව මොහොමඞ් නෂීඞ් ප‍්‍රකාශ කර තිබෙනවා. බලහත්කාරයෙන් රැගෙන යාම වැළැක්වීම සඳහා හිටපු ජනාධිපති නෂීඞ් බිම පෙරළී ඔහුගේ කමිසය ඉරා දමනු ලැබූව ද ආරක්ෂක භටයන් ඔහු ඔසවාගෙන අධිකරණය තුළට රැගෙන ගිය බව විදෙස් වාර්තා වැඩිදුරටත් සදහන් කළා. මීට වසර 3කට පෙර ජනාධිපති ධුරය හොබවන සමයේ අපරාධ අධිකරණයේ ප‍්‍රධාන විනිසුරුවරයා නීතිවිරෝධී ලෙස රදවා ගැනීමේ චෝදනාවයි මොහොමඞ් නෂීඞ්ට එල්ල වී ඇත්තේ.

මෝදි ඇඳුමට කෝටි හතරක්

 

modi1ඉන්දීය අගමැති නරේන්ද්‍ර මෝදි ගේ වෙන්දේසියට තැබුණ ඇඳුම ඩොලර් හත්ලක්ෂයක ලන්සුවකට අලෙවි විය.
වෙන්දේසිය පැවැත්වුනේ බටහිර ඉන්දියාවේ ‘ගුජරාත්’ ප්‍රාන්තයේ.
මෙය ඉන්දීය මුදලින් රුපියල් හාරකෝටි තිස් ලක්ෂයක් පමණ මුදලකි.
අගමැති නරේන්ද්‍ර මෝදි ඇමෙරිකානු ජනාධිපති බරක් ඔබාමාගේ පසුගිය ඉන්දීය සංචාරයේ දී ඔහු හමු වුනේ මෙම විශේෂ ඇඳුම් කට්ටලයෙන් සැරසෙමිනි.

අගමැති මෝදි ගේ නම රන් පැහැයෙන් එක පෙළට වියා ඇති අන්දම
නිල් පැහැති එම ඇඳුම් කට්ටලයේ විශේෂත්වය වන්නේ අගමැති මෝදි ගේ නම රන් පැහැයෙන් එහි සිත්තම් කර තිබීමයි.
අගමැතිවරයා එවැනි ඇඳුමකින් සැරසීම එම දිනවල ඉන්දියාව තුළ සාකච්ඡාවට ලක් වූ මාතෘකාවක් විය.

ඇඳුම් කට්ටලයේ සැබෑ වටිනාකම ඩොලර් 16,000 ක්
සිය නම ඇතුළත් එවැනි විශේෂ ඇඳුමකින් සැරසීම අගමැතිවරයා සිය මාන්නය සඳහා සිදු කළ ක්‍රියාවක් ලෙසයි ඉන්දීය විපක්ෂය විසින් විග්‍රහ කරන ලද්දේ.
එම ඇඳුම වෙන්දේසියේ විකිණීම මගින් උපයා ගත් මුදල යොදවනු ලබන්නේ බරපතල මට්ටමින් අපවිත්‍ර වී අති ගංගා නම් ගංගාව පවිත්‍ර කිරීමටයි.
ව්‍යාපාරික මිතුරකු විසින් අගමැති මෝඩි වෙත තෑගි කරනු ලැබුණ ඇඳුම් කට්ටලයේ සැබෑ වටිනාකම ඩොලර් 16,000 ක් පමණ වෙන බවත් පැවසෙයි.

ද.අප්‍රිකාවේ පාර්ලිමේන්තුවට පොලිසිය කැඳවයි

 

soth parlimentදකුණු අප්‍රිකාවේ ජනාධිපති ජේකබ් සූමා ජනතාව අමතා පවත්වන වාර්ෂික දේශනය පැවැත්වීමට උත්සාහ කළ අවස්ථාවේ පාර්ලිමේන්තුවේ කලබැගෑනියක් හට ගත්තේය.

ජූලියස් මලේමා ගේ නායකත්වයෙන් යුත් විපක්‍ෂ 'ආර්ථික නිදහස සඳහා සටන්කරුවෝ' පක්ෂයේ මන්ත්‍රීවරුන් ජනාධිපතිවරයාගේ දේශනයට දිගින් දිගටම බාධා කිරීම හේතුවෙන් ඔවුන් ඉවත් කිරීම පිණිස පොලිසිය කැඳවීමට කථානායකවරයාට සිදුවිය.
සිය පෞද්ගලික නිවාසය අලුත්වැඩියා කිරීම සඳහා යොදාගත් මහජන මුදල් යළි ගෙවන මෙන් ජනාධිපති සූමාට බලකරමින් මලේමා ගේ පක්ෂයේ මන්ත්‍රීවරු දිගින් දිගටම පාර්ලිමේන්තුවේ කටයුතුවලට බාධා කළහ.

පාර්ලිමේන්තුවට පොලිසිය කැඳවීම රටේ ව්‍යවස්ථාව උල්ලංඝනය කිරීමක් බව පවසමින් දකුණු අප්‍රිකාවේ ප්‍රධාන විපක්ෂය වන ප්‍රජාතන්ත්‍රවාදී සන්ධානයේ මන්ත්‍රීවරු ඉන් අනතුරුව සභා ගර්භයෙන් පිටව ගියහ.

ක්‍රොඒෂියාවට ජනාධිපතිවරියක්

 



preමීට දශක දෙකකට පෙර යුගෝස්ලෝවියා සමූහාණ්ඩුවෙන් වෙන් වුණ ක්‍රොඒෂියාවේ පැවති ජනාධිපතිවරණයෙන් දක්ෂිණාංශික අපේක්ෂිකා ග්‍රාබාර්-කිටරොවික් තියුණු තරගයකින් අනතුරුව ජනාධිපතිවරණය ජය ගෙන ඇති බව විදෙස් වාර්තා පවසයි.

දෙවන වටයේ පැවැති ඡන්ද විමසීමේදී 50.5% ඡන්ද ප්‍රතිශතයක් ලබා ගැනීමට ඇය සමත්වී ඇති අතර ක්‍රොඒෂීයාවේ කාන්තාවක් පළමුවරට ජනාධිපතිනිය ලෙස තේරී පත් වූ පළමු අවස්ථාව මෙය බව වාර්තා වේ. ඇය සමග තරග කළ අයිවෝ ජොසිපොවික් වෙත ලබාගැනීමට හැකිව ඇත්තේ ඡන්ද 49.5% ක් බව වාර්තා වේ.

ජනාධිපතිවරිය ලෙස තේරීපත් වූ 46 වැනි වියෙහි පසුවන ග්‍රාබාර් එරට හිටපු විදේශ ඇමතිවරියක වන අතර, නේටෝ මහලේකම්වරයාගේ සහායකාර ලේකම්වරිය ලෙසක කටයුතු කර ඇති බව පැවසේ.

ප්‍රසූත වේදනාව පියවරුන්ට

මෙතෙක් මවට පමණක් උරුම වූ ප්‍රසූත වේදනාව පුරුෂයන්ටත් අත්විඳීමට අවස්ථාවක් චීනයේ රෝහලක් ලබා දී තිබේ.
විද්‍යුත් උපකරණ භාවිතයෙන් ප්‍රසූත වේදනාවට සමාන වේදනාවක් පිරිමින්ට ලබා දීමෙන් තම බිරිඳ වැඩි ආදරයකින් රැක බලා ගැනීමට චීන පියවරුන් පෙළඹෙතැයි රෝහල් බලධාරීහු විශ්වාස කරති.
පියවරුන් වීමට බලාපොරොත්තුවෙන් සිටින අයට ප්‍රසූත වේදනාව ලබා දීමට කටයුතු සලසා ඇත්තේ චීනයේ නැගෙනහිර පළාතේ රෝහලක්.
ස්වේච්ඡාවෙන් ඉදිරිපත් වන පියවරුන්ට පමණක් මෙම රෝහලේදී ඉහත කී සේවය ලබා ගත හැක.
විද්‍යුත් උපකරණයකින් පැමිණෙන රැහැන් දෙකක් උදරය දෙපස අලවා උපකරණය ක්‍රියාත්මක කෙරෙන අතර ඉන් ඉලෙක්ට්‍රොනික ධාරාවක් ශරීර ගත කැරෙනු ඇත.
මව් පදවිය ලද තම බිරින්දෑවරුන් හොඳින් රැක බලා ගැනීමටත් ඔවුනට වැඩි ආදරයක් දැක්වීමටත් ප්‍රසූත වේදනාව අත් විඳි චීන පියවරුන් සපථ කරන බවයි රෝහලේ සාත්තු සේවිකාවන් පවසන්නේ.

Prev Next

රතු ධජයේ සෙවනැල්ල ඉල්ලූ පළමු ස…

රතු ධජයේ සෙවනැල්ල ඉල්ලූ පළමු සොහොයුරකුට සමුදීම

වැඩිහිටියන්ට යම් ආකාරයේ විහිළු කිරීම අප අතර සිදුවන්නකි. සමාජවාදී අරමුණින් එකතු වූවන්ගෙන් සැදි සමාජ ව්‍යාපාරයක වුවද එවැනි විහිළු තහළු හිඟ නැත. එවැනි විහිළු බැ?රුම් ලෙස නොගන්නා වැඩිහිටියෙක් මට සිහිපත් වේ. ඔහු නමින් ඒ.වී. අබේරත්න නම් විය. ‘කලවානේ අබේ අයියා’ යනු...

ලෝක බැංකු මහනගර සැළසුම ඉදිරියට…

ලෝක බැංකු මහනගර සැළසුම ඉදිරියට සොබාදහම වළපල්ලට

ලෝක බැංකුවේ  අවශ්යනතාවය මත 2011-2030 යන වසර තුළ රටේ භෞතික සංවර්ධනය උදෙසා මේ වනවිට රජය ජාතික හෞතික සැලසුම යනුවෙන් සංවර්ධන සැලැස්මක් සකස් කොට ඇත. මෙම සැළසුම පසුගිය ආණුඩුව මගින් ආරමිබ කල අතර කොටස් වශයෙන් යහපාලනය විසින් කරගන යනු ලබයි. 2030 වසර...

ඇමතිතුමෝ

ඇමතිතුමෝ

ඔය වගේ පතපොත් ටිකක් පිටිපස්සෙන් තියා ගෙන ‍ෆොටෝ ගහලා පත්තරවල දාගෙන, මීඩියා එකේ  පොර ටෝක් දුන්නට, හිතන්න එපා ඔයාලට ඡන්දෙ දෙන මෝඩයෝ වගේ අපිත් ඔයාලට රැවටෙයි කියලා. ඊයේ දෙරණ TV එකට ඇවිල්ලා, වාදපිටියෙදි ගහපු කෙබර හොඳයි, ඔයා ගේ ඡන්දදායකයන්ට‍. 'අපි සමාජ වෙළෙඳපළ...

සේවක කප්පාදුවට එරෙහිව කම්කරුවන…

සේවක කප්පාදුවට එරෙහිව කම්කරුවන් පාරට

ජනවාරි 30 වනදා ඉතාලියේ විචේන්සා නගරයේ  prix සුපිරි වෙළදසැල් සේවක සේවිකාවන් පිරිසක් උද්ගෝෂණයක නිරතවිය .එහිදී සේවක කප්පාදුවට ,කොන්ත්‍රාත්තු කාලය දීර්ග නොකිරීමට ,දීමනා ලබානොදීම ආදී තවත් ඉල්ලීම් රැසක් ලබාදෙන ලෙස බල කරමින් මන්පවර් ආයතනයටත් prix සමාගමටත් එරෙහිව මෙම උද්ගෝෂණය සංවිධානය කර...

vivara-fm

vivara-tv

Piya-Luogo

කුලවාදයට එරෙහිව නැගී සිටි හාර්දික් පටෙල් අත්අඩංගුවට

ගුජරාට් ප්‍රන්තයේ ක්‍රියාත්මක කළ විරෝධතා රැලි සඳහා නායකත්වය ලබා දුන් හාර්දික් පටෙල් අත්අඩංගුවට ගැනිමට ප්‍රාන්ත පොලිසිය කටයුතු කර තිබේ. ඉන්දියාවේ පටෙල්...