ලංකා

විභාගය ලියමින් සිටි සබරගමුවේ සිසුන්වකු ත්‍රස්ත විමර්ශනයෙන් උස්සයි

 

sabaragamuwa write_van_300_199සබරගමුව විශ්වවිද්‍යාලයේ දෙවන වසර ඉගෙනුම බලමින් සිටි යෝගරාජ නිරෝෂන් නම් දෙමළ ජාතික සිසුවෙකු ඊයේ (05) සබරගමුව විශ්වවිද්‍යාලයේ තම දෙවන සමාසික විභාගය ලියමින් සිටින අතරතුර පැහැර ගෙන ගොස් ඇත.


මෙම සිසුවා ඊයේ පෙරවරු 11-12 පැය දෙක අතර මෙසේ පැහැර ගැනීමට ලක්වන්නේ විශ්වවිද්‍යාල පරිපාලනයේද අනුදැනුම ඇති  බව අන්තර් විශ්වවිද්‍යාලයීය ශිෂ්‍ය බලමණ්ඩලය සදහන් කර සිටී.


සිසුවාගේ විශ්වවිද්‍යාල හැදුනුම්පත විශ්වවිද්‍යාල පරිපාලනය විසින් තම භාරයට ගෙන ඇත. පසුව මේ සම්බන්ධයෙන් පරිපාලනයෙන් සිදුකරන ලද ප්‍රශ්න කිරීම්වලදී විශ්වවිද්‍යාල පරිපාලනය විසින් පවසා ඇත්තේ ඔහුව සමනල වැව පොලීසිය විසින් අත්අඩංගුවට ගත් බවයි.

සරබගමුව විශ්වවිද්‍යාලයේ මහා ශිෂ්‍ය සංගමය විසින් ඔහු පිළිබද සමනල වැව පොලීසියෙන් තොරතුරු විමසා සිටියත් පොලීසියෙන් සදහන් කොට ඇත්තේ ඒ සම්බන්ධයෙන් නොවිමසන ලෙසය.


අනතුරුව ශිෂ්‍ය සංගම් නිලධාරීන් විසින් බලංගොඩ පොලීසියෙන් මේ සිසුවා පිළිබද විමසා සිටි අතර එහිදී ඔවුන් දැනුම් දී ඇත්තේ ත්‍රස්ත විමර්ශන ඒකකය විසින්  ප්‍රශ්න කිරීම් සදහා රදවා තබා ගෙන ඇති බවයි.


මේ වනවිට රදවා තබා ගැනීමට පැය 24ක් ඉක්ම ගිය ද සිසුවා නිදහස් කර නොමැති අතර ඔහුගේ මාපියන්ට හෝ ඔහු සිටින ස්ථානය සම්බන්ධයෙන් දැනුම් දී නොමැති බව සබරගමුව විශ්වවිද්‍යාලයේ මහා ශිෂ්‍ය සංගමයේ සාමාජිකයෙකු ද ඉන්ඩිපෙන්ඩන්ට් වෙත පැවසීය.

සිවුරු මැරයන්, අද ආවොත් සිවුරු ගලවලා පන්නනවා

 

downloadශ‍්‍රි ලංකා සමාජය තුළ සාමය හා ආරක්‍ෂාව රැකීම සඳහා වන ඉහළම සේවාව සැපයිය යුතු වන ‘ශ‍්‍රි ලංකා පොලිසිය විසින් අවම බලය පාවිච්චි කිරිම’ සම්බන්ධව සාකච්ඡා කෙරෙන මහජන විනිශ්චය සභාවක් පැවැත්වීමට, රයිට් ටු ලයිෆ් මානව හිමිකම් සංවිධානය කටයුතු සංවිධානයකර ඇත.

අද (07) පස්වරු 3.00 සිට 5.30 දක්වා කොළඹ මරදාන, සමාජය හා සාමයික කේන්ද්‍රයේදි මෙම විනිශ්චය සභාව පැවැත්වෙන අතර, එම සංවිධානයේ ක්‍රියාකාරිකයෙන්  දැන්වූයේ අද දින පැවැත්වෙන මෙම මහජන විනිශ්චය සභාව වහාම අවලංගුකරන මෙන් එම සංවිධායකයන් කිහිපදෙනෙකුට මේ වන විට දුරකතන ඇමැතුම් කිහිපයක්ම යම් මැර පිරිසකගෙන් ලැබි ඇති බවය. එම තත්වයට තමන් පෙරට වඩා සූදානමකින් කටයුතු කරන බවද එම සංවිධානයේ ක්‍රියාකරිකයා වැඩිදුරටත් පැවැසීය.

කෙසේ නමුත් මෙම රාජපක්ෂ රෙජීමයේ සිවුරු ත්‍රස්තවාදයට එරෙහිව කටයුතු කිරීමට 'අපි පුරවැසියෝ' නමින් යුත් කණ්ඩායමක්ද මේ වන විට බිහිවී ඇති බව එම සංවිධානය නිකුත් කළ නිවේදනයකින් පැවැසුන අතර නැවත වතාවක්  සිවුරු ත්‍රස්තයන් ක්‍රියාත්මක වුව හොත්  ප්‍රතිප්‍රහාර එල්ල කරන බවද එම සංවිධානය පවසා තිබුණි.

මෙම මහජන විනිශ්චය සභාව ආමන්ත‍්‍රණය කිරිම සඳහා දේශපාලන පක්‍ෂ නියෝජනය කරමින් මංගල සමරවීර, එම්. ඒ. සුමන්තිරන්, මනෝ ගනේෂන් යන මන්ත‍්‍රිවරුන් ද රාජ්‍ය ආයතන නියෝජනය කරමින් ආචාර්ය ප‍්‍රතිභා මහානාමහේවා ද සිවිල් සමාජ සංවිධාන නියෝජනය කරමින් ආචාර්ය නිමල්කා ප‍්‍රනාන්දු, බි‍්‍රටෝ ප‍්‍රනාන්දු, නීතිඥ උදුල් පේ‍්‍රමරත්න හා පිලිප් දිසානායක යන මහත්ම මහත්මීන් අදහස් දක්වීමට නියමිතව ඇත.

මෙහිදි වින්දිතයින් තිදෙනෙකු විසින් ද සිය අත්දැකීම් ඉදිරිපත් කිරිමට නියමිතය. මෙම අවස්ථාවට බස්නාහිර පළාත භාර නියෝජ්‍ය පොලිස්පති අනුර සේනානායක මහතාට ද ආරාධනාකර ඇත.

සුමංගල හිමිගේ අලි පිස්සුවෙන් අලින් අමාරුවේ.

 

elephont and_sumangala_thero_300_199පන්නිපිටිය ශ‍්‍රී දෙව්රම්වෙහෙර විහාරස්ථානයේ සිටියදී අධිකරණ නියෝගයක් මත උඩවලව ඇත් අතුරු සෙවන භාරයට පත් කර සිටින අලි පැටවා රෝගාතුව ඇති බව වාර්තාවේ.

මේ වන විට ඇත් අතුරු සෙවනේ රෝගාතුරව සිටින අලි පැටවා මීරිගම - කන්ඩලම වලව්වේ අනවසරයෙන් රඳවා සිටියදී වනජීවී නිලධාරීන්ගේ භාරයට පත්වූ අතර එම අලි පැටවා තමන්ගේ බවට සුමංගල හිමියන් කරුණු දැක්වීමෙන් අනතුරුව රුපියල් ලක්ෂ 100 ක බැඳුම්කරයක් මත අලි පැටවා උන්වහන්සේ වෙත භාරදෙන ලෙස ගම්පහ අධිකරණය නියෝගයක්ද කළේය.


එහෙත් වනජීවී දෙපාර්තමේන්තුව ඊට එරෙහිව අධිකරණ ක‍්‍රියාමාර්ග ගත් අතර ඒ අනුව අලි පැටවා උඩවලව ඇත් අතුරු සෙවනට රැගෙන යන ලෙස අධිකරණය පසුගිය මස 18 වැනිදා යළි නියෝග කළේය. අලි පැටවා රැගෙන යාමට වනජීවී නිලධාරීන් පන්නිපිටිය දෙව්රම් වෙහෙර විහාරස්ථානය වෙත පැමිණියත් එම ස්ථානයේ සිටි පිරිසක් ඔවුන්ට බාධා කළ අතර සිද්ධිය ආවරණය කිරීමට ගිය මාධ්‍යවේදියෙකුටද ප‍්‍රහාරයක් එල්ල කළේය.

මේ අතර පේරාදෙණිය - ගන්නොරුව ප‍්‍රදේශයේ නිවසක් අසල ලඳු කැලෑවකින් සොයා ගත් අලි පැටවෙකුද පසුගියදා ඇත් අතුරු සෙවනේදී මියගියේ අධිකරණ නියෝගයක් මත එහි රඳවා සිටියදී වන අතර එම අලි පැටවාගේ පශ්චාත් මරණ පරීක්ෂණය ඇත් අතුරු සෙවනේදී පශු වෛද්‍ය කණ්ඩායමක් විසින් සිදුකළේය.

එහෙත් එමඟින් අලි පැටවාගේ මරණයට හේතුව කුමක්ද යන්න අනාවරණය වී නොමැති අතර . මේ අනුව අලි පැටවාගේ ශරීර කොටස් ඉදිරියේදී අධිකරණ නියෝග මත විද්‍යාගාරයක් වෙත යොමුකරන බව වනජීවී දෙපාර්තමේන්තුව සඳහන් කර සිටියේය.

කෙසේ වෙතත් මෙලෙස නඩු භාණ්ඩ ලෙස ඇත් අතුරු සෙවන භාරයට පත්කරන අලි පැටවුන් හදිසියේම මෙලෙස රෝගාතුරවීම සම්බන්ධයෙන් සැකයක් පවතින බව ජෛව සංරක්ෂණ මධ්‍යස්ථානයේ සභාපති පුබුදු වීරරත්න සදහන් කළේය.

මේ අතර පසුගියදා දෙව්රම් වෙහෙරෙහි සුමංගල හිමි විසින් බැද ඇති ඇතින්නකට මද කිපී ඇති බවත් ඇය ලවා තමා ඝාතනය කිරීමට පිරිසක් උත්සාහ දරණ බවටත් වන වන පුවතක් පසුගියදා වාර්තා විය. මෙය අන් කිසිවක් නොව අලි පිස්සුවකි. එය සතුන්ට හිංසා කිරීමේ අර්ථයෙන් කොළොන්නාවේ සුමංගල හිමියන්ට වැළදීම මෙරට අලි ප්‍රජාවේ අලින් කිහිප දෙනෙකුට අසාධාරණයක් සිදුකිරීම බරපතල කරුණකි.

කෙසේ වෙතත් අලි පැටවුන් වෙහෙර විහාරස්ථානයන්හි හා නිවෙස්වල නීති විරෝධීව රදවා තබා ගැනීමෙන් හා ඔවුන්ට නිදහසේ ජීවත් වීමට ඉඩසලසා නොදීමෙන් එකී රදවා තබා ගන්නන් සත්ව හිංසනයක් සිදුකරන අතර එහි බරපතලම කරුණ වන්නේ සතුන්ට හිංසා නොකරන්නැයි තුන් තිස් පැයේම රත්තරං දූලා පුතාලට කියාදෙන දෙව්රම් වෙහෙර වැසි ඉහත භික්ෂුව විසින්ද එකී පාප කර්මය සිදුකිරීමයි.

පින් පව් සම්බන්ධයෙන් අයිතිය ඇත්තේ එකී භික්ෂූන්ට බැවින් සත්ව වේදීන් හා පරිසරවේදීන් ලෙස එකී භික්ෂූන්ට පවසා සිටින්නේ සතුන්ට හිංසා කිරීමෙන් වලකින ලෙස යැයි තරුණ සත්වවේදියෙකු ද ඉන්ඩිපෙන්ඩන්ට් වෙත සදහන් කර සිටියේය.


ජවිපෙ අසමත් වූ තැනින් අපි පටන්ගන්නවා - පළමු පෙරමුණ

 

firstfront-8614ලංකා දේශපාලනයේ දශකයකට අධික කාලයක පුරා ප්‍රජාතන්ත්‍රවාදය හා නිදහස සම්බන්ධයෙන් බරපතල ගැටළු පවතින බවත් ඒ සදහා සටන ජනතා විමුක්ති පෙරමුණ විසින් ආරම්භ කළත් පසුව ඔවුන් එය අතහැර දැමූ බවත් අපි උත්සාහ ගන්නේ ජවිපෙ නවතා දැමූ තැනින් එය ආරම්භ කිරීමට බවත් පළමු පෙරමුණ සංවිධානයේ පළමු මාධ්‍ය හමුවේදී එහි මෙහෙයුම් කමිටු සාමාජික කැළුම් අමරසිංහ පවසා සිටියේය.


මෙම මාධ්‍ය හමුවේ අරමුණ පැහැදිලි කළ හිටපු ධිවර ඇමති හා ජනතා විමුක්ති පෙරමුණේ හිටපු දේශපාලන මණ්ඩල සභික චන්ද්‍රෙස්න විජේසිංහ සදහන් කොට සිටියේ මෙම ව්‍යාපාරය ලංකා දේශපාලනයෙන් තුරන්ව ගිය ප්‍රජාතන්ත්‍රවාදය හා මානව නිදහස ස්ථාපිත කරදීම සදහා කටයුතු කිරීමට පිහිටුවා ගත් බවත් ඒ සදහා මහජන පෙළගැස්ම සිදුකිරීම බවත් සදන් කර සිටියේය.


පළමු පෙරමුණ සංවිධානයේ ක්‍රියාකාරීත්වය හා නායකකාරකාදීන් එළඹෙන 15 වන දින පැවැත්වෙන සංවිධානය එළිදැක්වීමේ පළමු රැළියේදී හෙළිදරව් කරන බව ද කැළුම් අමරසිංහ විසින් මෙහිදී ප්‍රකාශ කළේය.

 

මෙම මාධ්‍ය හමුව සදහා පළමු පෙරමුණ සංවිධානයේ මෙහෙයුම් කමිටු සාමාජිකයින් වන කැළුම් අමරසිංහ, හිටපු ධිවර ඇමැති හා ජවිපෙ දේශාපලන මණ්ඩල සභික චන්ද්‍ර සේන විජේසිංහ, නීතිඥ නන්ද මුරුත්තෙට්ටුවෙගම යන අය සහභාගී වි සිටියේය.

 

firstfront-8614.-4firstfront-8614.-3firstfront-8614.-1firstfront-8614.-2

මල්ලිට මැරෙන්න තරම් හේතුවක් නෑ- මරණය ගැන සැකයි!

 

Nawagathegama lankanewsalert_02_08_2014තම සොහොයුරා සියදිවි හානි කර ගැනීමට තරම් ගැටලුවක නොසිටි බවත් මෙම මරණය පිලිබඳ සැකයක් ඇති බවත් නවගත්තේගම නවොද්‍යා විද්‍යාලයේ ගුරුවරියක් දණ ගැස්සවීමේ සිද්ධියේ සිව්වන සාක්ෂිකරුගේ මරණය පිළිබඳව සැක සහිත බව මියගිය පුණ්‍යසේන බණ්ඩාරගේ සහොදරිය පවසයි. මෙම මරණය තම පවුලේ සියලු දෙනාට කම්පනයක් බව ද ඇය පවසා සිටියා.

"අපේ පවුලේ හතර දෙනෙක් ඉන්නවා.පිරිමියෙකුට හිටියේ මල්ලි විතරයි.මල්ලි ටිකක් බිමට ඇබ්බැහි වෙලා හිටියේ.ඒ වුණාට හිත හරිම හොඳයි.නිතරම මගේ ගෙදරට ඇවිත් කෑම කාලා යනවා. කාටවත් කරදරයක් නැති පුද්ගලයෙක්.මේ මරණය අපිට හිත ගන්න බැහැ.මොකද එයා අපස්මාරය රෝගියෙකු වුණාට නිතරම ඒ ගැන අවබෝධයෙන් හිටියේ.කිසිම දවසක තනිවම නාන්නවත් ගියේ නැහැ. එයාගේ යාළුවො හිටියා එයාල කවුරු හරි එක්ක තමයි නාන්න ගියේ.පසු ගිය දවසක අපේ තාත්තගේ ඉඩමකට වන්දියක් ලැබුණා. මේ මරණය ගැන අපිට සැකයි."

නවගත්තේ ගම නවෝද්‍යා විද්‍යාලයේ විනය විෂය භාරව සිටි ප්‍රියානි සුසිලා ගුරුවරිය 2013.06.14 වැනි දින පාසල් භුමිය තුලදී වයඹ පළාත් සභාවේ එවකට සන්ධාන මන්ත්‍රී ධූර හෙබ වූ ආනන්ද සරත් කුමාර විසින් අදාළ ගුරුවරිය පාසල් භුමිය තුලදී දණ ගස්සවා පහර දීමට තැත් කර තිබුනේ අදාළ ගුරුවරිය මන්ත්‍රීවරයාගේ දියණියගේ නිඅල ඇඳුම කොටවිම පිළිබඳව ලබා දී තිබු දඬුවමකටය.

vivara-fm

vivara-tv

Piya-Luogo

‘ගාසා’ මහජන ජීවිතය අනතුරේ

‘හමාස්’ සංවිධානයට එරෙහිව ගාසා තීරයට දිගින් දිගටම එල්ල කෙරෙන ඊශ්‍රායල් ප්‍රහාරවල දී පලස්තීන පවුල් දෙකකට අයත් තිස් දෙනකුට අධික පිරිසක්...