ලංකා

ගල්කිස්ස කෙසේල්වත්ත ගිනි ගනී.

 

 

giniඊයේ රාත්‍රී කාලයේ ගල්කිස්ස සොයිසාපුර සහ කෙසෙල්වත්ත ප්‍රදේශයේදී ගිනි ගැනීමේ සිද්ධි දෙකක් වාර්තා වී තිබේ. ගල්කිස්ස සොයිසාපුර මහල් හතරක තට්ටු නිවාසයක සිව් වැනි මහලේ රාත්‍රී 8.30ට පමණ ඇති වූ ගින්නක් මොරටුව ගිනි නිවන ඒකකයේ සහ ප්‍රදේශවාසීන්ගේ ආධාරයෙන් මැඩපවත්වා තිබේ. කෙසෙල්වත්ත ප්‍රදේශයේ ගින්න ඇති වී තිබූයේ බණ්ඩාරනායක මාවතේ පිහිටි භාණ්ඩ ගබඩා ගොඩනැගිල්ලක වන අතර ග්‍රෑන්ඩ් පාස් ගිනි නිවන ඒකකයේ සහ ප්‍රදේශ වාසීන්ගේ සහයෙන් එම ගින්න මැඩපවත්වන ලදී.

සිද්ධි කිසිවකින් ජීවිත හානි වාර්තා වී නොමැති අතර සිදු වූ අලාබය මෙතෙක් ගණනය කර නොමැති බව පොලිස් මාධ්‍ය ඒකකය සඳහන් කරයි. ගිනි ගැනීම්වලට හේතුවද මෙතෙක් අනාවරණය වී නොමැති බව ද පොලිසිය වැඩිදුරටත් පවසා සිටී.


 

ලංකාවට ඇමෙරිකාවේ සහය

 


neeshaදිවයිනට පැමිණි අමෙරිකානු රාජ්‍ය දෙපාර්තමේන්තුවේ දකුණු හා මධ්‍යම ආසියානු කටයුතු පිළිබඳ සහකාර රාජ්‍ය ලේකම් නිශා බිස්වාල් විදේශ කටයුතු අමාත්‍ය මංගල සමරවීර මහතා හමුවී තිබේ.අද පෙරවරුවේ විදේශ කටයුතු අමාත්‍යාංශයේ දී මෙම හමුව සිදුවුණි.

මෙහිදි බිස්වාල් සහ විදේශ කටයුතු අමාත්‍යවරයා අතර ද්වීපාර්ශවික සාකච්ඡා සිදුව ඇත.ඉන් අනතුරුව මාධ්‍යවේදීන් හමුවේ අදහස් දක්වමින් බිස්වාල් සඳහන් කළේ යහපාලනය තුළින් ශ්‍රී ලංකාව ප්‍රජාතන්ත්‍රවාදය කරා යන ගමනට අමෙරිකාවේ පූර්ණ සහය හිමි වන බවයි.

ඉදිරියටත් ජනාධිපතිවරයා හා අගමැතිවරයා සමග සහයෝගයෙන් කටයුතු කිරීමට බලාපොරොත්තු වන බව ඇය පවසා ඇත.එමෙන්ම මෙම සංචාරය තුළ දී තමන් ඇතුළු දූත පිරිස මෙරට සිවිල් සංවිධාන සහ රජයේ නිලධාරීන් සමග සාකච්ඡා පැවැත්වීමට සැලසුම් කර ඇති බව ද බිස්වාල් මෙහිදි සඳහන් කර ඇති බව සඳහන්ය.

මේ අතර සාම්පූර්හි නැවත පදිංචි කිරීම හා එම පවුල්වල සාමාජිකයින්ට අධ්‍යාපන අවස්ථා ලබාදීම සඳහා ඩොලර් මිලියනයක ප්‍රතිපාදන ලබාදීමට කටයුතු කරන බව ද අමෙරිකා එක්සත් ජනපදයේ දකුණු හා මධ්‍යම ආසියානු කටයුතු පිළිබඳ සහාකර රාජ්‍ය ලේකම් නිශා බිස්වාල් සඳහන් කළාය.
මෙම අවස්ථාවට එක්වෙමින් අදහස් දැක්වු විදේශ අමාත්‍ය මංගල සමරවීර මහතා සඳහන් කළේ බිස්වාල් මහත්මියගේ මෙම සංචාරය හරහා අමෙරිකාව සහ ශ්‍රී ලංකාව අතර පවතින සම්බන්ධතාව තවදුරටත් ශක්තිමත් වු බවයි.එමෙන්ම අමෙරිකාව ශ්‍රී ලංකාවේ ප්‍රධාන අපනයන රටක් ලෙස පවතින සබඳතා තවදුරටත් ශක්තිමත් කිරීමට කටයුතු කරන බව ද මංගල සමරවීර අමාත්‍යවරයා මෙහිදි පවසා ඇත.

නිල සංචාරයක් සඳහා අමෙරිකාවේ දකුණු හා මධ්‍යම ආසියානු කටයුතු පිළිබඳ රාජ්‍ය ලේකම් නිශා බිස්වාල් අද අලුයම දිවයිනට පැමිණියාය. දිවයිනට පැමිණීමෙන් අනතුරුව ඇය සහභාගී වු ප්‍රථම රාජතාන්ත්‍රික හමුව මෙය වන අතර දිවයිනේ රැඳී සිටින කාලය තුළ බිස්වාල් ජනාධිපතිවරයා සහ අග්‍රාමාත්‍යවරයා මුණගැසීමට ද සැලසුම් කර ඇත.

තාජුඩීන් මැරූ තැන පරීක්ෂාවට

 

thaju placeරගර් ක්‍රීඩක වසීම් තාජුඩීන්ගේ රිය අනතුරට පත්වූ නාරාහේන්පිට, ශාලිකා ක්‍රීඩාංගණය අසළ ස්ථානය රහස් පොලිසිය ඇතුළු අධිකරණ වෛද්‍ය විශේෂඥයන්ගේ පරීක්ෂණයට අද (24) ලක් කෙරුණි.

2002 වසරේ මැයි මාසයේදී එම ස්ථානයේදී සිදුවූ රිය අනතුරකින් වසීම් තාජුඩීන් මිය ගිය බවට පොලිසිය වාර්තා කළ අතර පසුව ඔහු මිය ගියේ අනතුරකින් නොවන බව රහස් පොලිසිය අධිකරණයට වාර්තා කළේය.

ඒ අනුව පසුගිය අගෝස්තු මුල් සතියේ තාජුඩීන්ගේ සිරුර ගොඩට ගෙන අධිකරණ වෛද්‍ය පරීක්ෂණ සඳහා යොමු කිරීමටද පියවර ගැනිණි.

මිනිමරුවන්ගේ පහසේ හැදුනු රදළියගොඩගේ තක්කඩිකම්

 

SudharmanwithGotaකවුරු කොහොම කිව්වත් අපේ තාත්තා ලෝකේ හොඳම තාත්තාය. තාත්තා ගැන දරුවන් සිතන්නේ එහෙමය. අප දකින ඇසින් කුමන තරාතිරමේ පුද්ගලයකු වුව ද ඔහුගේ දරුවන්ට නම් ඔහු තාත්තාමය. ඒ බැඳීම සහ ඒ සෙනෙහස හිමාලයටත් වඩා උසය.

යචිල සහ තරුෂිව තාත්තා අවසන් වරට මුණගැසුණේ 2011 ඔක්තෝබර් 22 වන දින උදෑසනය. තාත්තා බත්කමින් සිටියදී යචිල සහ තරුෂි පාසල් ගියෝය. ඔවුන් දැන් තාත්තා දකින්නේ ෆොටෝ එකකිනි. යචිල සහ තරුෂිට කතා නොකරන තාත්තා රාමුවක් තුළ සිරවී සිටී. දෑස් ඇරගෙන සිටී. නොසෙල්වී සිටී. සිනහමුසු මුහුණින්ම සිටී. තාත්තා මේ ඉන්නේ ෆොටෝ එකක බව යචිල පුතා දැන සිටියත් අවුරුදු නවයේ තරුෂි කල්පනා කරනවා ඇත්තේ තාත්තා කොයිවෙලාවක හෝ මේ රාමුවෙන් එළියට බැස ‘චූටි දුවේ‘ මගේ පැටියෝ කියාගෙන ගෙදර එනු ඇති බවයි.

තාත්තාට කුමක් වුණා දැයි තවමත් හීන තෝරන්නේ අම්මාය. යචිල සහ තරුෂිට අයිති තාත්තා උදුරා ගත්තේ මේ රටේ ආඩම්බරකාර තාත්තෙක් රජවී සිටි යුගයකය. සලකුණක් නොතබාම තාත්තලා පැහැරගෙන ගිය ඒ යුගය සුදු වෑන් යුගය නම් විය.

කංකානම්ලාගේ ධම්මික ප‍්‍රදීප් කුමාර නොහොත් කරාතේ ධම්මික යචිල සහ තරුෂිගේ තාත්තාය. ඔහු එම ක‍්‍රීඩාවේ ප‍්‍රවීණයෙකි. වෘත්තීය මට්ටමින් කරාතේ ගුරුවරයෙකි. 2011 ඔක්තෝබර් 22 වන දින උදෑසන සුදු වෑන් එකකින් පැමිණි පිරිසක් රඹුක්කන දී කරාතේ ධම්මික පැහැරගෙන ගොස් ඇත. ධම්මිකගේ බිරිඳ මේ ආරංචිය දැනගත් වහාම දැනට කඩුවෙල මහනගර සභාවේ මන්ත‍්‍රී අරුණ ලක්මාල් විලත්ගමුවට මේ බව දන්වා සිය සැමියා සොයාදීමට උදව් කරන ලෙස ඉල්ලා සිටියාය. විලත්ගමුව ධම්මිකගේ බිරිඳට කියා තිබුණේ ජනාධිපති ලේකම්වරයකු සහ බැසිල් රාජපක්ෂගේ ලේකම් වරයකු වන ධම්මික රයිගම ලවා සැමියා සොයාදීමට හැකි බවය. දරුවන්ට තාත්තාත් තමන්ට සිය සැමියාත් සොයාගැනීමේ මෙහෙයුම සඳහා නිරෝෂා හෙවත් කරාතේ ධම්මිකගේ බිරිඳ අරුණ ලක්මාල් සමඟ කඩුවෙල බෝමිරියේ පිහිටි ධම්මික රයිගමගේ නිවසට යන්නේ ඉන් පසුවය.

ධම්මික බේරා ගන්න ලක්ෂ 25ක්

ධම්මික රයිගම එවෙලේම දුරකතනයෙන් කතා කරන්නේ ස්වාධීන රූපවාහිනියේ නියෝජ්‍ය සාමාන්‍යාධිකාරී සුධර්මන් රදලියගොඩටය. එදින රාත‍්‍රියෙන් පසුව ලක්මාල් විලත්ගමුව නිරෝෂාට පැවසුවේ කරාතේ ධම්මික පැහැරගෙන ඇත්තේ ගෝඨාභය රාජපක්ෂ මහතාට සිටින බව කියන කණ්ඩායමක් විසින් බවත් ඔහු දැනට නිරුපද්‍රිතව සිටිනා බවත්ය. පැහැරගෙන ගිය කණ්ඩායමෙන් ධම්මික මුදාගැනීමට රුපියල් ලක්ෂ විසිපහක් අවශ්‍ය බව නිරෝෂාට කීවේ ලක්මාල් විලත්ගමුව සහ ධම්මික රයිගම යන දෙදෙනාය. නිරෝෂාගේ පවුල දැවැන්ත ඛේදවාචකයකට මුහුණ දී සිටිය දී මේ විපත සැපතක් කරගැනීමට මේ නරුමයන් කි‍්‍රයාකර තිබිණි.

නිරෝෂා ස්වාධීන රූපවාහිනියේ ප‍්‍රධාන කාර්යාලයට කැඳවාගෙන ගොස් සුධර්මන්
රදලියගොඩ හමුවට ඉදිරිපත් කරන්නේ ධම්මික රයිගම විසිනි. සැමියා මුදාගැනීමට රුපියල් ලක්ෂ 25ක් ධම්මික රයිගමට ලබාදෙන ලෙස රදලියගොඩ නිරෝෂාට කීවේය. 2011 ඔක්තෝබර් අවසන් වනවිට වාරික තුනකින් රුපියල් ලක්ෂ 25ක මුදලක් ධම්මික රයිගමගේ නිවසට ගොස් නිරෝෂා ලබාදී තිබිණි.

ඉතාලි යවන්න ලක්ෂ 50ක්

අවසන් වාරිකය ගෙවීමත් සමඟ සුධර්මන් රදලියගොඩ නිරෝෂාට කියා තිබුණේ දැන් තමාගේ ස්වාමිපුරුෂයාගේ ජීවිතය බේරා ඇති බවයි. ආරක්ෂක අමාත්‍යාංශයේදී තමා ධම්මික මුණ ගැසුණු බවත් ඔහුට රුපියල් 5000ක් වැයකර ඇඳුම් ලබාදුන් බවත් ධම්මික රයිගම කීවේය. කරාතේ ධම්මික ආරක්ෂක අමාත්‍යාංශයේ රඳවා ගැනීමට නොහැකි බවත් ඔහු ඉතාලියට යැවිය යුතු බවත් ඒ සඳහා තවත් රුපියල් ලක්ෂ 50ක් අවශ්‍ය බවත් නිරෝෂාට කීවේ සුධර්මන් රදලියගොඩය. කිසිදු මුදලක් අත නොතිබූ මේ ගැහැනිය තමන්ට අයත් දේපළ උකසට තබා සැමියා සොයාගැනීමට රුපියල් ලක්ෂ 44ක් ධම්මික රයිගමට ලබා දුන්නේය.

මින් පසුව සුධර්මන් රදලියගොඩ හමුවීමට ස්වාධීන රූපවාහිනී ආයතනයට නොපැමිණෙන ලෙසත් පැලවත්ත පිහිටි බුද්ධදාස ක‍්‍රීඩාංගණය අසලට පැමිණෙන ලෙසටත් නිරෝෂාට උපදෙස් ලැබෙන්නේ අරුණ ලක්මාල්ගෙනි. අවස්ථා ගණනාවකදී බුද්ධදාස ක‍්‍රීඩාංගණය අසලදී සුධර්මන් මුණ ගැසුණත් සැමියා සොයාදෙන වගක් නම් පෙනෙන්නට තිබුණේ නැත.

ලිංගික අල්ලස් ගැනීමට තැත් දරයි

සුධර්මන් රදලියගොඩ ලිංගික අල්ලස් ලබාගැනීමේ මෙහෙයුම දියත් කරන්නේ ඊළඟටය.

නාගරික මන්ත‍්‍රී අරුණ ලක්මාල් අත එවන ලද පණිවුඩයෙන් කියැවුණේ රාත‍්‍රී 10ත් 11ත් අතර තලවතුගොඩ පිහිටි (07 ELeven) සමාජ ශාලාවට සුධර්මන් හමුවීමට නිරෝෂාට තනිවම පැමිණෙන ලෙසයි. වෙනත් කිසිවකු සමඟ නොපැමිණෙන ලෙස කීවත් නිරෝෂා එහි ගියේ තමන්ගේ පුතා සමඟය. තිතට මත්වෙමින් සිටි සුධර්මන් නිරෝෂා සිය පුතා සමඟ පැමිණ සිටිනු දැකීමෙන් කෝප වූයේය. නිරෝෂා එතැනින් එළවාගන්නා ගමන් සුධර්මන් කීවේ සමාජ ශාලාවට තනිවම පැමිණිය යුතු බවය.

ධම්මික වෙනුවෙන් ලක්ෂ 69ක්

ලක්ෂ 50 සම්පූර්ණ වීමට ඉතිරි ලක්ෂ හයක මුදල නොදුන් නිසා කරාතේ ධම්මික විදේශගත කිරීමට නොහැකි වූ බවත් හැකි ඉක්මනින් ඉතිරි ලක්ෂ හය ලබාදෙන ලෙසත් රයිගම හා ලක්මාල් නිරෝෂාට කියන්නේය. සැමියා මුදාගැනීම මුදල්වලට වඩා වටිනා නිසා මේ නරුම කප්පම්කාරයන්ට නිරෝෂා හෙවත් කරාතේ ධම්මිකගේ බිරිඳ ලබාදුන් මුදල රුපියල් ලක්ෂ 69කි. දරුවන් පාසල් නොයවා දහඅතේ දුක්විඳ මේ කප්පම්කාර බත්බැලයන් ඉල්ලා සිටි සියලූ මුදල් දී සිටියදීත් කරාතේ ධම්මික තවමත් ගෙදර ආවේ නැත. දරුවන් දෙදෙනකුගේ අප්පා පැහැර ගත් නරුමයෝ දරුවන් ජීවත්කරවන්නට තිබූ මුදලූත් කොල්ල කෑවේය.

මේ අවනඩුව නිරෝෂා 2014.05.23 පොලිස් මහජන සහන දිනයේදී පොලිස් මූලස්ථානයට පැමිණිලි කළාය. එදිනම ආරක්ෂක අමාත්‍යාංශයට දැනුම් දුන්නාය. එකකින්වත් සහනයක් ලැබුණේ නැත. රාජපක්ෂගේ සාටකයේ හුරතල් වෙමින් සුධර්මන්ලා කළේ මෙවැනි අසික්කිත වැඩය. ටෙලිකොම් සමාගමේ ලිපි ශීර්ෂ වංචනික ලෙස යොදාගෙන ව්‍යාජ බලපත‍්‍රයක් මඟින් පරණ යකඩ ටොන් 1828ක් දෙන බවට පොරොන්දු වී ලක්ෂ 15ක් වංචාකළෙත් මේ සුධර්මන් රදලියගොඩය.

කඩුවෙල මහේස්ත‍්‍රාත් අධිකරණයෙන් වරෙන්තුපිට වරෙන්තු නිකුත්කරද්දී නිරූපද්‍රිතව සාටකයේ පහස ලබමින් ප‍්‍රභූන් සමඟ උරෙන් උර ගැටෙමින් රූපවාහිනියේ පෙනී සිටියේ මේ රදලියගොඩය. අලූත් ආණ්ඩුවේ බලධරයින් ඉදිරිපිට දැන් අභියෝගයක් තිබේ. හොරු ඇල්ලීම දේශපාලන ක‍්‍රීඩාවක් කරගන්නේ නැතිව සැබෑ දූෂිතයින් නීතිය ඉදිරියට ගෙන ආ යුතුය. පුළුවන්නම් මෙතැනින් පටන් ගන්න !

- දයා නෙත්තසිංහ

සත්හඬ

යාපනේ ජනතාව ගැන හිතන්න

 

inidiyaeditශ්‍රී ලංකාවේ දෙමළ ජනතාවගේ ගැටලු සඳහා විසඳුම් සෙවීමට නව රජය උත්සාහ දැරිය යුතු බව ඉන්දීය සමාජවාදී පක්ෂය පවසයි.

එම පක්ෂයේ තමිල්නාඩු ලේකම් ආර්. මුතුරාසන් පවසන්නේ පසුගිය කාලය තුළ අදාළ ගැටලුව සඳහා නිසි අවධානයක් යොමු නොවු බවයි.

දෙමළ ජාතිකයින්ටද ශ්‍රී ලංකාව තුළ සම අයිතීන් ලැබෙන දේශපාලන විසඳුමක් පිළිබඳ නව රජයේ අවධානය යොමු විය යුතු බව හෙතෙම පෙන්වා දෙයි.

එමෙන්ම පැවති දේශපාලන වාතාවරණය වෙනස් මගකට යොමු කරමින් සියළු ජාතීන්ට නිදහසේ ජීවත් විය හැකි වාතාවරණයක් රට තුළ ගොඩනැගීමට නව රජය පියවර ගනු ඇති බවට විශ්වාස කරන බවද ඉන්දීය සමාජවාදී පක්ෂයේ තමිල්නාඩු ලේකම්වරයා ප්‍රකාශ කර තිබේ.

විශේෂාංග පුවත්

Audio - අපිත් ජවිපෙ වගේ වැඩ කලොත් හෙට ද…

Audio - අපිත් ජවිපෙ  වගේ වැඩ කලොත් හෙට දවසේ ඇත්ත වමකින් අපිව පන්නයි .

මහ මැතිවරණෙ මොකද වුනේ ? මහින්ද පරාදයිද ? ජාතික ආණ්ඩුව යන්නේ කොහේටද ? පෙරටුගාමී එකට මොකද වුනේ ?ජවිපෙට මොකද වුනේ ? ආචාර්ය මධ්‍යම පාන්තික විද්වත්තු කලේ මොනවද ? හෙට වම... Read more

යහපාලන නියමුවන්ගේ කලකිරීම හා අඳ්‍රෝනා

යහපාලන නියමුවන්ගේ කලකිරීම හා අඳ්‍රෝනා

  මහින්ද ගෙදරයවා, යහපාලනය, ප‍්‍රජාතන්ත‍්‍රවාදය ස්ථාපිත කිරීම දූෂණ, වංචා පිටුදැකීම හා හොරු ඇල්ලීම නීතියේ ආධිපත්‍ය පිහිටුවීම වැනි නහුතයක් කතන්දර කියාගෙන පෙරට පැමිණී විවිධ පක්ෂ පුද්ගලයන් සහ බලවේග අන්තිමට සතුටුවූයේ මොනා නැතත්... Read more

ජනවාරි 8න් පස්සේ වෙනස් නොවුදේ 17න් පස්සේ…

ජනවාරි 8න් පස්සේ වෙනස් නොවුදේ 17න් පස්සේ වෙනස්වේවිද

අද දින මරදාන CSR ශාලාවේදී පැවති මාධ්‍ය සාකච්ඡුාවකදී පෙරටුගාමී සමාජවාදී පක්ෂයේ ප‍්‍රචාරක ලේකම් පුබුදු ජාගොඩ මහතා මෙසේ අදහස් දක්වන ලදි. මේ අවස්ථාවට පෙරටුගාමී සමාජවාදී පක්ෂයේ ප‍්‍රධාන ලේකම් සේනාධීර ගුණතිලක, දේශපාලන මණ්ඩල... Read more

Prev Next

Audio - අපිත් ජවිපෙ වගේ වැඩ ක…

Audio - අපිත් ජවිපෙ  වගේ වැඩ කලොත් හෙට දවසේ ඇත්ත වමකින් අපිව පන්නයි .

මහ මැතිවරණෙ මොකද වුනේ ? මහින්ද පරාදයිද ? ජාතික ආණ්ඩුව යන්නේ කොහේටද ? පෙරටුගාමී එකට මොකද වුනේ ?ජවිපෙට මොකද වුනේ ? ආචාර්ය මධ්‍යම පාන්තික විද්වත්තු කලේ මොනවද ? හෙට වම නැත්තටම නැති වෙයිද ? චන්ද කෙරුවාව වැඩක් තියෙනවද ? එකී මෙකි...

යහපාලන නියමුවන්ගේ කලකිරීම හා අ…

යහපාලන නියමුවන්ගේ කලකිරීම හා අඳ්‍රෝනා

  මහින්ද ගෙදරයවා, යහපාලනය, ප‍්‍රජාතන්ත‍්‍රවාදය ස්ථාපිත කිරීම දූෂණ, වංචා පිටුදැකීම හා හොරු ඇල්ලීම නීතියේ ආධිපත්‍ය පිහිටුවීම වැනි නහුතයක් කතන්දර කියාගෙන පෙරට පැමිණී විවිධ පක්ෂ පුද්ගලයන් සහ බලවේග අන්තිමට සතුටුවූයේ මොනා නැතත් අපි මහින්දව ගෙදර යැව්වනේ කියාය. දැන් ඒකත් පම්පෝරි වැඩක් වී...

20150819

කියවන්න පත්තරේ ....
දැනගන්න විස්තරේ ....
දැනගෙන විස්තරේ ....
හැරෙන්න වමට ....

0

ආණ්ඩුක‍්‍රම ව්‍යවස්ථාවේ 20 වෙනි සංශෝධනය මගින් ස්ථාපිත කිරීමට යෝජනා කරලා තියෙන නව මැතිවරණ ක‍්‍රමය ජනතාවගේ බලය වෙනුවට පාලකයන්ගේ බලය ශක්තිමත් කරන, ජනතාවගේ ප‍්‍රජාතන්ත‍්‍රවාදී අයිතීන් විනාශකරන ව්‍යාපෘතියක කොටසක් නිසා තමන් එයට විරුද්ධ බව පෙරටුගාමී සමාජවාදී පක්ෂය පවසයි.

alut-vivara

vivara-fm

vivara-tv

Piya-Luogo

ගුජරාට් ප්‍රාන්තයේ ප්‍රචණ්ඩ ක්‍රියා

  ඊයේ බදාදා රාත්‍රි, කුලවාදී ප්‍රචණ්ඩ ක්‍රියා සහ ගිනි තැබීම් හට ගත් ගුජරාට් ප්‍රාන්තයේ වැසියන්ට සාමකාමී වන ලෙස ඉන්දීය අග්‍රාමාත්‍ය නරේන්ද්‍ර...