ලංකා

බලහත්කාරී හමුදා පුහුණුවෙන් තවත් සිසුවියක් ආබාධට ලක් වෙයි.

najith 2නොවැම්බර් 8 වන දින කලැත්තෑව හමුදා කදවුරේ හමුදා පුහුණුව ලබමින් සිටි සරසවි සිසුවියක් පුහුණුව ලබමින් සිටි අතර තුර ආබාධයට ලක්ව අනුරාධපුර මහා රෝහලේ ප්‍රතිකාර ලබමින් සිටී.V.K.D.R කෞෂ්‍යල්‍යා විජිතලාල් වන ඇය අඩි 7ක තාප්පයකින් වැටි කොන්දේ ආබාදයකට ලක්ව ඇත. ඇයගේ පළමු කශේරුකාවේ අස්ථි බිදීමක් සිදු වී ඇති බව වෛද්‍යවරු පවසයි. ඇය වයස අවුරුදු 21 වන දඹුල්ල ප්‍රදේශයේ පදිංචි ශිෂ්‍යාවකි.  
තවද මෙවර සරසවි සිසුන්ට ලබා දෙන හමුදා පුහුණුවේදී මහනුවර ගන්නෝරුව හමුදා කදවුරේදී සරසවි සිසුවියකට හමුදා සෙබලෙකු විසින් ලිංගික අතවර කර තිබු අතර එම සිදුවිම ආණ්ඩුව විසින් යට පත් කරන ලදී.
සරසවි සිසුන්ට ලබා දෙන බලහත්කාරි  හමුදා පුහුණුව සරසවි සිසුන්ගේ, ආචාර්‍යවරුන්ගේ හා දෙමාපියන්ගේ විරෝධ්‍ය මැද ආණ්ඩුවේ දේශපාලන උවමනාව මත සරසවි සිසුන්ගේ ජීවිත වලට කිසිදු වගකීමක් නොගෙන පවත්වාගෙන යයි. මේ වන විට මෙම හමුදා පුහුණුවෙන් සිසුන් දෙදෙනෙකුගේ ජීවිතද පිලිගෙන තිබෙන තත්වයක් තුල , ලිංගික අතවර වීම් , ආබාධයන්ට ලක්වීම් විශාල ප්‍රමාණයක් වී තිබියදීත් මෙය සිදු කරගෙන යන්නේ ඔහුන්ට අවශ්‍ය හමුදා ඔත්තු කරුවන් සරසවි තුළට ඇතුලත් කර ගැනීමේ ආණ්ඩුවේ දේශපාලන උවමනාව  මත වේ

පොඩි රාජපක්ෂ‍ගේ කෙරුවාව මෙන්න

sashendraබහුතර ගොවි ජනතාවක් වෙසෙන ඌව පළාත් සභාවේ කෘෂිකර්ම, වාරිමාර්ග, මිරිදිය ධීවර, සංචාරක සහ පශු සම්පත් අමාත්‍යාජශයට ලබන වසර සඳහා පළාත් සභාවේ මුළු වියදමෙන් 3.65%ක් වෙන් කරන අතර මහ ඇමතිවරයාගේ වියදම් සඳහා මුළු වියදමෙන් 60.61% වෙන් කර තිබීම පිළිබඳව ජනතා විමුක්ති පෙරමුණේ එම පළාත් සභා මන්ත්‍රී සමන්ත විද්‍යාරත්න මහතා දැඩි විවේචනයක් එල්ල කළේය.
එම පළාත් සභාවේදී ඊයේ (10) ලබන වසර (2015) වෙනුවෙන් ඉදිරිපත්කළ අයවැයට විරුද්ධව ජනතා විමුක්ති පෙරමුණේ මන්ත්‍රීවරුන් දෙදෙනා ඡන්දය පාවිච්චි කළ අතර එක්සත් ජාතික පක්ෂ මන්ත්‍රීවරුන් 12දෙනා ඡන්දය දීමෙන් වැලකී සිටියහ.
එම විවාදයේදී සමන්ත විද්‍යාරත්න මන්ත්‍රීවරයා හෙළි කළ කරුණු මෙසේය. පළාත් සභාවේ මුළු වියදම රුපියල් කෝටි 1,894ක්ය. එයින් මන්ත්‍රීවරුන් 34දෙනාගේ මුළු වියදම් වෙනුවෙන් රුපියල් අටකෝටි හතලිස් හත්ලක්ෂ අනූ හත්දහසක් (රු. 84,797,000)ය.
ප්‍රධාන අමාත්‍ය ශෂීන්ද්‍ර රාජපක්ෂ මහතා යටතේ තිබෙන අමාත්‍යංශ වෙනුවෙන් රුපියල් කෝටි 1,137ක් වෙන් කරගෙන ඇති අතර කෘෂිකර්ම අමාත්‍යාංශය වෙනුවෙන් වෙන් කරගෙන ඇත්තේ රුපියල් හැටනව කෝටි දහතුන් ලක්ෂ දසදහසක (රු. 691,310,000) මුදලක්ය. මහ ඇමතිවරයාගේ ඉන්ධන වියදම් වෙනුවෙන් රුපියල් අනූ ලක්ෂයක් (රු.9,000,000)ද විදේශ ගමන් වියදම් සඳහා රුපියල් ලක්ෂ 10ක්ද වෙන් කරගෙන තිබේ.
ඊට අමතරව අනිකුත් අමාත්‍යාංශ සඳහා පුනරාවර්තන වියදම් මෙසේය. විදුලි බල අමාත්‍යවරයාට ඉන්ධන වියදම් රුපියල් විසිනවලක්ෂ හැටදහස (රු.2,960,000)කි. දේශීය ගමන් වියදම් රුපියල් හාරලක්ෂ දසදහස (රු. 410,000)කි. කෘෂිකර්ම අමාත්‍යවරයාට ඉන්ධන වියදම් සඳහා රුපියල් විසිකුන් ලක්ෂයක් (රු. 2,300,000)ය. දේශීය ගමන් වියදම් සඳහා රුපියල් හාරලක්ෂ පනස් දහස (රු. 450,000)කි. සෞඛ්‍ය අමාත්‍යවරයාට ඉන්ධන වියදම් සඳහා රුපියල් විසිතුන්ලක්ෂ දොලොස්දහස (රු. 2,312,000)කි. දේශීය ගමන් වියදම් සඳහා හත් ලක්ෂ අසූදහස (රු.780,000)කි. මාර්ග අමාත්‍යවරයාට ඉන්ධන වියදම් සඳහා රුපියල් විසිලක්ෂය (රු. 2,000,000)කි. දේශීය ගමන් වියදම් රුපිවල් ලක්ෂ 4කි.
සියළු මන්ත්‍රීවරුන්‍‍ගේ ඉන්ධන වියදම් සඳහා රුපියල් අසූ ලක්ෂය (රු. 8,000,000)ක් සහ විදේශ සංචාර සඳහා රුපියල් තිස් ලක්ෂය (රු. 3,000,000)ක්ද දේශීය ගමන් වියදම් සඳහා දේලක්ෂ හැත්තෑ පන්දහස (රු. 275,000)ක්ද වශයෙන් වෙන් කර තිබේ.

මම එන්නේ නැහැ... චම්පික සමුළුවට බෑ කියයි.. වෙන වැඩ තියෙනවාලූ

champika 2කොළඹ සුගතදාස ගෘහස්ථ ක‍්‍රීඩාංගණයේදී හෙට දිනයේ ජාතික සංවිධායක එකමුතුව විසින් පවත්වන රැලියට තමන් සහභාගී නොවන බව ජාතික හෙළ උරැමයේ මහ ලේකම් ඇමති පාඨලී චම්පික රණවක මහතා පවසයි.
කෙසේ වෙතත් තමන් රට වෙනුවෙන් ගන්නා තීරණ සුදුසු පරිදි ඒ ඒ අවස්ථාවට උචිත පරිදි ගන්නා බවද පවසන ඒ මහතා            එම රැලියට සහභාගී වන්නැයි නිල ලිඛිත ආරාධනය ෆැක්ස් මාර්ගයෙන් තම කාර්යාලයට ලැබී තිබුණේ ඊයේ දහවල් 11.00ට පමණ බවත්, කලින් යොදාගත් වැඩ කටයුතු කිහිපයක් තිබෙන බැවින් ජාතික සවිධායක එකමුතුව කළ ආරාධනය ප‍්‍රතික්ෂේප කිරීමට සිදුවන බවත් කියා සිටී.
ජාතික සංවිධායක එකමුතුවේ කිසිම නියෝජිතයෙකු මෙතෙක් තමන් මුණ නොගැසුණු බවද පවසන රණවක මහතා හෙට දිනයේ වැඩසටහන් කිහිපයක් සදහා කාලය වෙන්කරගෙන තිබූ බැවින් හදිසි පැමිණි ෆැක්ස් පතේ ආරාධනය පිළිගැනීමටත් එම සමුළුවට සහභාගී වීමටත් නොහැකි බව වැඩිදුරටත් සදහන් කරයි.

ගිංපොල් ශාකය වද වීමේ තර්ජනයට

gin1ලංකාවේ ප්‍රදේශ දෙකක පමණක් ඇති ශාකයක් ලෙස හදුනාගෙන සංරක්ෂිත ශාකයක් ලෙස නම් කර ඇති ගිංපොල් ශාකය  මිනිස් ක්‍රියාකාරකම් හේතුවෙන් විනාශ මුඛයට යමින් තිබෙන බව පරිසරයට ආදරය කරන ජනතාව හා පරිසර සංවිධාන පෙන්වා දීතිබේ.
 
වීශේෂයෙන් වයික්කාල, නයිනමඩම හා බෝලවත්ත ගිංඔය ඉවුරු අශ්‍රිතව හොඳින් වැඩි ඇති මේ ගිංපොල් ශාකය  විවිධ ව්‍යාපාරික අරමුණු වෙනුවෙන් විනාශ කරමින් තිබීමෙන් ලංකාවට පමණක් අවේනීක වු මෙම ශාකය  නුදුරු දිනකදි ලාංකීය පරිසර පද්ධතියට අහිමි විය හැකි බව පරිසරවේදින් පවසයි .

නයිනමඩම සොබා පරිසර සංවිධානයේ සභාපතිනි ටි .එච් අනුරුද්ධිකා මධුවන්ති මහත්මිය පවසා සිටියේ " අපි සංවිධානයක් විදියට මෙම ගිංපොල් ශාකයේ වටිනාකම ගැන ජනතාව දැනුවත් කරමින් ඉන්නවා. අපිට පමණක් ආවේණීක වු මේ ගිංපොල් ශාකය  ලංකාවේම තියෙන්නේ ප්‍රදේශ දෙකක පමණයි. ඒ ගාල්ලේ හා මේ අපේ ප්‍රදේශයේ, ඉතින් ඒ වටිනා ශාකය  රැක ගැනීම අපි හැමොගෙම වගකීමක්. අපි සිවිල් සංවිධානයක් ව්දියට නිතරම උත්සහ කරනවා මේ ගිංපොල් ශාකය  රැකගන්න. එත් එය රැකගැනිමට නීතිය ශක්තිමත් නොවීම නිසා අපිත් අසරණ වෙනවා.මේ විනාශයන් කරන්නේ  විවිධ ව්‍යාපාරික හා දේශපාලන අරමුණු වෙනුවෙන් .

වෙන්නප්පුව ප්‍රාදේශීය ලේකම් යු.සුජීවා ප්‍රනාන්දු මහත්මියට අනුව මෙම ගිංපොල් ශාකය  තුරුලතා ආඥා පනතින්ම වඳව වී යන ශාකයක් ලෙස හඳුනාගෙන සංරක්ෂිත ශාකය ක් ලෙස නම් කරලා තියෙන්නේ. ඒ නිසා කිසිම අයෙකුට මෙම ශාකය  කපා දැමීම හෝ විනාශ කරලිය නොහැකියි. එහෙම කරන පුද්ගලයන්ට හෝ ආයතන වලට විරුද්ධව කටයුතු කරන්න ඔවුන්ට නීතිමය හැකියාව තිබෙනවා .
[චන්දන ප්‍රනාන්දු]

gin2

අධ්‍යාපනය විකිණීමට එරෙහි විරෝධතා බැනරය බලංගොඩ නගරාධිපති සහා ඔහුගේ මැරයන් විසින් ගලවා දමයි.

studentඅධ්‍යාපනය විකිණීම නවතනු! මාලඹේ හොර උපාධි කඩය අහෝසි කරනු!
පාසැල් තුළ සිදු කරණ මුදල් අය කිරීම නවතනු!
සරසවි තුළ පාඨමාලා මුදලට විකිණීම නවතනු!
යන සඨන්පාට මුල් කරගනිමින් රට පුරා නගර දැනුවත්  කරමින්  විරෝධතා බැනරය අත්සන්  කිරීම පසුගිය 4 වන දින කොළඹ කොටුවෙන් ආරම්භ කරන ලදී. අද දින බලන්ගොඩ නගරයේ හා අම්බලන්තොට නගරයේ මෙම බැනරය අත්සන් කිරීම සිදු කරයි.
අද දින(10) බලංගොඩ නගරයේ විරෝධතා බැනරයේ අත්සන් කරන අවස්ථාවට බලංගොඩ නගරයේ නගරාධිපති නිමල් ගාමිනි වීරසූරිය ඔහුගේ මැරයන් සමඟ පැමින එම බැණරය කඩා ඉවත් කර දමා  සිසුන්ට තර්ජනය කොට ඇත. ඔහු පැමිණ ඇත්තේ බලංගොඩ පොලිසිය විසින් නිකුත් කල ලියුමක්ද සමඟ වේ. එම ලිපියේ කරුණු 2ක් සදහන් කර තිබූ අතර ජනතාවට පිඩා වන අයුරින් සිදු කරනනේනම් හා ආණ්ඩු විරෝධි වැඩ කරන්නේනම් ඒ සඳහා ක්‍රියාමාර්ග ගැනීමට නගරාධිපතිට බලය ලබා දෙන බවයි. 
බලන්ගොඩ නගරාධිපතිගේ මෙම  මැර ක්‍රියාව ඉතා පැහැදිලිව පොලිසියේ සෘජු මැදිහත් වීම මත සිදු වන්නක් වේ. ඒ බව පොලිසිය මගින් ලබා දුන් ලිපිය මගින් පැහැදිලි වේ. මෙම සඳහන් වන නීතිය කොහේ තිබූ නීතියක්ද බව අපට ඇසීමට ඇත. මෙලෙස පොලිස් බල තල සිවිල් පුද්ගලයන්ට ලබා දෙන්නේ කුමන පදනමකින්ද බවත් අපට ඇසීමට ඇත.

‘වමේ පියවර’

IMG 281

vivara-fm

vivara-tv

Piya-Luogo

දියකිඳුරි මව්වරුන්

මාතෘත්වයේ ඇති වැදගත්කම නිරූපණය කීරීම සඳහා විශේෂ ඡායාරූප වැඩසටහනක් වෙනුවෙන් මෙම ඡායාරූප ගනු ලැබුවේ ඇමෙරිකානු ජාතික ඡායාරූප ශීල්පී ආදම් ඕප්‍රිස්...