ලංකා

20 පාලකයාගේ බලය වැඩි කරනවා.. අපි විරුද්ධයි

 

lasi new... 5ආණ්ඩුක‍්‍රම ව්‍යවස්ථාවේ 20 වෙනි සංශෝධනය මගින් ස්ථාපිත කිරීමට යෝජනා කරලා තියෙන නව මැතිවරණ ක‍්‍රමය ජනතාවගේ බලය වෙනුවට පාලකයන්ගේ බලය ශක්තිමත් කරන, ජනතාවගේ ප‍්‍රජාතන්ත‍්‍රවාදී අයිතීන් විනාශකරන ව්‍යාපෘතියක කොටසක් නිසා තමන් එයට විරුද්ධ බව පෙරටුගාමී සමාජවාදී පක්ෂය පවසයි.

අද (11) දින කොළඹ සමාජ හා සාමයික කේන්ද්‍රයේදී පැවති මාධ්‍ය සාකච්ඡාවකදී එම පක්ෂයේ දේශපාලන මණ්ඩල සභික පුබුදු ජයගොඩ විසින් මේ බව ප‍්‍රකාශ කළේය. මෙම මාධ්‍ය සාකච්ඡාව සඳහා එම පක්ෂයේ දේශපාලන මණ්ඩල සභික චමීර කොස්වත්තද සහභාගී විය.

මෙහිදී වැඩිදුරටත් අදහස් දැක්වූ පෙරටුගාමී සමාජවාදී පක්ෂයේ දේශපාලන මණ්ඩල සභික පුබුදු ජයගොඩ

‘‘ආණ්ඩුක‍්‍රම ව්‍යවස්ථාවේ 20 වෙනි සංශෝධනය සඳහා කැබිනට් මණ්ඩල අනුමැතිය ලැබී ඇති බව ජූනි 08 වෙනිදා ප‍්‍රකාශයට පත් වුණා. මේ කියන විදියට කැබිනට් මණ්ඩලය 20 වෙනි සංශෝධනයට අදාල කෙටුම්පත් ගණනාවකට අනුමැතිය දීලා තියෙනවා. මුලින්ම මැයි මාසෙ මුල ආණ්ඩුක‍්‍රම ව්‍යවස්ථාවේ 20 වෙනි සංශෝධනය සඳහා කැබිනට් මණ්ඩලය අනුමත කළ කෙටුම්පත නමින් එකක් අන්තර් ජාලය හරහා ප‍්‍රසිද්ධ කරලා තිබුණා. පසුව මැයි මාසේ 27 වෙනිදා මෛත‍්‍රීපාල සිරිසේන මහත්තයා විසන් ඉදිරිපත් කරපු පාර්ලිමේන්තු මන්ත‍්‍රීධූර 255ක් සහිත ව්‍යවස්ථා සංශෝධන කෙටුම්පතකට කැබිනට් අනුමැතිය ලබාදුන් බව 28 වෙනිදා පුවත්පත් ප‍්‍රකාශ කරලා තිබුණා. අවසානයේදී ජුනි 08 වෙනිදා රනිල් වික‍්‍රමසිංහ මහත්තයා ඉදිරිපත් කරපු පාර්ලිමේන්තු මන්ත‍්‍රීධූර 225 ක් සහිත ව්‍යවස්ථා සංශෝධන කෙටුම්පතකට කැබිනට් මණ්ඩල අනුමැතිය ලබාදුන් බව සඳහන් වුණා. දැන් ජනතාව දන්නේ නෑ මේ කෙටුම්පත් අතරින් ඉදිරියට එන්නේ මොන කෙටුම්පතද කියලා. දන්නෙ නැතුවත් දෘශ්ඨිවාදී තලයේ හදලා තියෙනවා, මේකට කවුරුවත් විරුද්ධ වෙන්න එපා, හැමදෙනාම මෙයට එකඟ විය යුතුයි කියලා අදහසක්. ජුනි 08 වෙනිදා විහාරමහා දේවි එළිමහන් රංගපීඨයේදී රැස්වීමක් පවත්වමින් ජනාධිපතිවරයාත් කිව්වේ මේකට එරෙහි වෙන අය ද්‍රෝහීන් කියලා. ද්‍රෝහීන් කියන ලේබලය වදිනවාට බයේ මේකට ගොඩාක් අය කතාකෙරුවේ නෑ. නමුත් පෙරටුගාමී සමාජවාදී පක්ෂය විදියට අපි හිතුවා ඒ බියගැන්වීම්වලට අහුවෙන්නේ නැතුව ඒ පිළිබඳ අපේ මතය නිරවුල්ව ඉදිරිපත් කරන්න.

මැතිවරණ ක‍්‍රමය වෙනස් කිරීම සඳහා ප‍්‍රධාන තර්ක තුනක් ඉදිරිපත් වෙලා තියෙනවා. පළවෙනි එම මේ මැතිවරණ මුළුමනින්ම මුදල් බලය, රාජ්‍ය බලය මත රඳා පවතින එකක් නිසා මැතිවරණ ක‍්‍රමය වෙනස් විය යුතුයි කියන එක. දෙවැන්න මේ ක‍්‍රමය යටතේ මැතිවරණ තුළ විශාල ප‍්‍රචණ්ඩත්වයක් තියෙනවා, එකම පක්ෂයේ අය ගහගන්නවා, ඒ නිසා එය වෙනස් විය යුතුයි කියන එක. තුන්වෙනි එක මේ ක‍්‍රමය යටතේ තමන්ගේ කොට්ඨාශයට මන්ත‍්‍රීවරයෙක් ජනතාවට ලැබෙන්නේ නෑ, ඒ නිසා එය ලබාගත හැකි පරිදි වෙනසක් කළ යුතුයි කියන එක.

මැතිවරණ ක‍්‍රමය වෙනස් විය යුතුයි කියලා අපි මුල පටන්ම හඬනැගුවා. මේ මැතිවරණ ක‍්‍රමය ජනතාවගේ මතය වෙනස් කරන එකක් නෙමෙයි. ඒ වෙනුවට වෙන්නේ මුදල් බලය, මැර බලය, මාධ්‍ය බලය, සිවිල් බලය, රාජ්‍ය බලය භාවිතා කරලා ජනතා මතයක් ගොඩනගන එක. මැතිවරණවල මුදල් බලය, රාජ්‍ය බලය භාවිතා වන එක නවත්වන්න කිසිම ප‍්‍රතිපාදනයක් 20 වෙනි ව්‍යවස්ථා සංශෝධනයයේ නෑ. තමන්ට පෞද්ගලික මාධ්‍ය සම්බන්ධයෙන් කිසිවක් කළ නොහැකි බව මැතිවරණ කොමසාරිස් වරයාත් පවසා තිබුණා. ඒ වගේම මැතිවරණ ප‍්‍රචණ්ඩත්වය නැවැත්වීම සඳහාත් මේ යෝජිත මැතිවරණ ක‍්‍රමයේ කිසිවක් නෑ. මනාප ක‍්‍රමය නැති වුණාම එකම පක්ෂයේ අය ගහගන්න එක නවත්වන්න පුළුවන්. නමුත් පක්ෂ දෙකක අය ගහගන්න එක, වෙඩි තියාගන්න එක නවත්වන්න ක‍්‍රමයක් නෑ. ජනාධිපතිවරයා කියන්නේ එකම පක්ෂයේ අය ගහගන්න එක වැරදියි වෙනත් පක්ෂවල අය ගහගන්න එක හරියි කියලාද කියලා අපිට තේරෙන්නේ නෑ. තමන්ගේ කොට්ඨාශයට මන්ත‍්‍රීවරයෙන් කියන දේ ඉදිරිපත් කරන්නේ ස්වර්ණමය අතීතයක් ගැන සිහිනයක් ඔළුවේ තියාගෙන. 1977ට කලින් කේවල ක‍්‍රමය තියෙද්දී ආසනයට මන්ත‍්‍රීවරයෙන් හිටියා. නමුත් හැම දෙනාම අමතක කරනවා ඒ කාලේ තිබුණේ රාජ්‍ය සුභසාධන ධනවාදය කියලා. දැන් තියෙන්නේ නවලිබරල් ධනවාදය. ඒ කාලේ රාජ්‍ය අංශයේ ආර්ථික පංගුව වැඩියි. ඒ නිසා රැකියා දීමේදී රජයට විශාල හැකියාවක් තිබුණා. ඒ කාලේ රජය මැදිහත් වෙලා මහජන සුභසාධන කළා. ඒවා කළේ මන්ත‍්‍රීවරයා හරහා. නමුත් නවලිබරල් ධනවාදය ආවට පස්සේ පෞද්ගලික අංශය පුළුල් වෙලා තියෙනවා. දැනටත් ලක්ෂ 60ක්, 70ක් පෞද්ගලික අංශයේ සේවය කරද්දී, රාජ්‍ය අංශයේ සේවය කරන්නේ ලක්ෂ 12යි. නවලිබරල් ක‍්‍රමය යටතේ සමාජ සුභසාධන අහිමි කරලා තියෙන්නේ. ඒ වගේම සංවර්ධන කටයුතුත් ප‍්‍රාදේශීය මට්ටමින් සිද්ධ නොවී, ජාතික හෝ ජාත්‍යන්තර සැළසුම් මත සිද්ධවෙන්නේ. ඒ නිසා දැන් තියෙන්නේ ගුණාත්මක වශයෙන් වෙනස් තත්ත්වයක්. මේ තත්ත්වය තුළ කොට්ඨාශයට මන්ත‍්‍රීවරයෙක් ආවා කියලා ජනතාවට කිසිම වැඩක් වෙන්නේ නෑ. ඒ නිසා මේ මැතිවරණ ක‍්‍රමය වෙනස් කිරීම සඳහා ගෙනල්ලා තියෙන යෝජනාවෙන් පවතින මැතිවරණ ක‍්‍රමයේ තියෙන කිසිම අඩුපාඩුවක් නිවැරදි වෙන්නේ නෑ. මේ හදන්නේ මැතිවරණ ක‍්‍රමය වෙනස් කරන්න නෙමෙයි, නියෝජන ක‍්‍රමය වෙනස් කරන්න. අපි මේ ගැන පුදුම වෙන්නේ නෑ. මංකොල්ලකෑම් නවත්වන්න ෆුල් ෆේස් හෙල්මට් තහනම් කරපු අයම තමයි, මැතිවරණ දූශන හා මැතිවරණ ප‍්‍රචණ්ඩත්වය නවත්වන්න මේ මැතිවරණ ක‍්‍රමය යෝජනා කරලා තියෙන්නේ. ඒ දෙක අතර වෙනසක් නෑ.

මේ අලූතින් ඉදිරිපත් කරලා තියෙන මැතිවරණ ක‍්‍රමය ගොඩාක් ව්‍යාකූලයි. පොරොන්දු වුණ විදියට තනි පුද්ගල ප‍්‍රජා නායකයන්ට කම්කරුවන්ට මැතිවරණ අපේක්ෂකත්වය ගන්න බෑ. අපේක්ෂකත්වය ගන්න නම් දිස්ත‍්‍රික්කයටම ලැයිස්තුවක් ඉදිරිපත් කරන්න වෙනවා. ප‍්‍රචාරක වැඩ කරන්න වෙනවා. ඒ වගේම මේකේ අපේක්ෂකයන්ගේ මැතිවරණ වියදම් පාලනය කිරීමට කිසිම ප‍්‍රතිපාදනයක් නෑ. මැතිවරණ කාලයේ මැතිවරණ වියදම් පාලනයට, මැතිවරණ කාලයේ මාධ්‍ය පාලනයට කිසිම ක‍්‍රමවේදයක් නෑ. පත්වෙන නියෝජිතයන්ගේ වරප‍්‍රසාද පාලනය කරන්න වත්කම්, බැරකම් පාලනය කරන්න ක‍්‍රමවේදයක් නෑ. ඒ නිසා තවදුරටත් වරප‍්‍රසාද ලත් ක‍්‍රමයකට මේක සීමා වෙන එක මේ මැතිවරණ ක‍්‍රමයේදීත් නැතිවෙන්නේ නෑ. ඒ වගේම තවත් ප‍්‍රායෝගික ප‍්‍රශ්න ගණනාවක් මේ මැතිවරණ ක‍්‍රමයේදීත් මතුකරලා තියෙනවා. ප‍්‍රශ්නෙ තියෙන්නේ මේ අය තමන්ම ප‍්‍රශ්න හදලා තමන්ම උත්තර දෙන ක‍්‍රමවේදයක ඉන්නවා. මැතිවරණ ක‍්‍රමය ගැන ප‍්‍රශ්නය ඒ අයම කියලා, ඒකට උත්තරේ මනාප ක‍්‍රමය කියලා එ් අයම කියනවා. ඒ වගේම මේ මැතිවරණ ක‍්‍රමය ඒ අයම ඉදිරිපත් කරලා ඒ අයම ඒකට විවේචනයත් ගේනවා. ඒ අයම ඒ විවේචනයට උත්තරේකුත් දෙනවා. දැන් විවේචනය විදියට ඉදිරිපත් කරලා තියෙන්නේ සුළු පක්ෂවලට මේකේ නියෝජනයක් නෑ කියන එක. අපිට ප‍්‍රශ්නෙ තියෙන්නේ සුළු පක්ෂවලට නියෝජනයක් නෑ කියන එක නෙමෙයි. අපිට ප‍්‍රශ්නෙ තියෙන්නේ මේ ඡුන්ද ක‍්‍රමය හරහා තනි පක්ෂයකට පාර්ලිමේන්තුවේ පැහැදිලි බහුතර බලය හිමිවෙන විදියේ බලයක් තහවුරු කරන එක. 19 වෙනි ව්‍යවස්ථා සංශෝධනයෙන් විධායකයේ බලය කප්පාදු කරලා ඒ අඩුව පුරවන්න 20 වෙනි සංශෝධනයෙන් පාර්ලිමේන්තුවේ බලය තනි පක්ෂයකට දෙනවා කිව්වා. අන්තිමට වුණේ 19 වෙනි සංශෝධනයෙන් විධායක ක‍්‍රමය එලෙසම පවත්වාගෙන යන අතර පාර්ලිමේන්තුවේ බලයත් තනි පක්ෂයකට දෙන එක. පුරවැසියාගේ බලය ශක්තිමත් කරනවා කිව්වාට කරලා තියෙන්නේ රාජ්‍යයේ බලය ශක්තිමත් කරන එක. මෛත‍්‍රීපාල සිරිසේන මහත්තයා බලය පාවිච්චි කරන්නේ නෑ කියලා මතයක් හදන්න උත්සාහ කළාට සිද්ධවෙමින් තියෙන්නේ රාජ්‍ය සතු බලය වැඩි වැඩියෙන් ශක්තිමත් කරමින් යන එක. මෛත‍්‍රීපාල සිරිසේන හෝ හෙට මේ තත්ත්වයට පත්වන ඕනෑම කෙනෙකුට ජේ. ආර්. ජයවර්ධනට තිබුණට වඩා වැඩි බලයක් තියෙනවා. මහින්ද රාජපක්ෂට තිබුණට වඩා වැඩි බලයක් තියෙනවා. විධායක ජනාධිපති ධූරය අසීමිත බලතල සහිතව තමන්ගේ අතේ තියෙන අතරම පාර්ලිමේන්තුවේ තුනෙන් දෙකක හෝ හයෙන් පහක පැහැදිලි බහුතර බලයක් ගන්න පුළුවන් ක‍්‍රමයකුත් එනවා. මේ තත්ත්වය රටේ ජනතාවගේ ප‍්‍රජාතන්ත‍්‍රවාදී අයිතියට ඉතාම හානිකර එකක් වෙනවා. ඒ නිසා මේ පවතින මජර ඡුන්ද ක‍්‍රමය වෙනස් කරලා, ජනතාවගේ ප‍්‍රජාතන්ත‍්‍රවාදී අයිතීන් සුරැකෙන අත්ත වෙනසක් ඡුන්ද ක‍්‍රමයට කිරීම සඳහා පෙරට එන්න කියලා අපි ජනතාවගෙන් ඉල්ලනවා. ඒ වගේම ඒ ඇත්ත ප‍්‍රශ්නය භාවිතා කරලා ජනතාව රවට්ටන්න ගෙනල්ලා තියෙන 20 වෙනි ව්‍යවස්ථා සංශෝධනයට එරෙහි වෙලා සැබෑ ප‍්‍රතිසංස්කරණයක් වෙනුවෙන් පෙනී ඉන්න කියලත්, 20 වෙනි සංශෝධනය පරාජය කරලා මැතිවරණ ක‍්‍රමයේ සැබෑ වෙනසක් වෙනුවෙන් පෙනී ඉන්න කියලත් අපි ජනතාවගෙන් ඉලලනවා.’’

මහා නායක හාමුදුරුවෝ ඇබිත්තයෙක් වුනානම් හරි

 

Rajithaමහනායක හාමුදුරුවොත් සමහර වෙලාවට ඇබිත්තයෙක් වුණොත් හොඳ යයි සිතන බව සෞඛ්‍ය හා දේශීය වෛද්‍ය අමාත්‍ය රාජිත සේනාරත්න පවසයි.

හිටපු ජනාධිපතිවරයාට ආරක්ෂාව සම්බන්ධයෙන් ප්‍රශ්න මතුවී ඇති බවට පළවන වාර්තා සම්බන්ධයෙන් අදහස් දක්වමින් රාජිත කියා සිටියේ හංදියක් හංදියක් ගානේ පකිස් පෙට්ටි තියාගෙන රැස්වීම් නොතියා නිවසට වී සිටියේ නම් එහෙව් ගැටළුවක් උද්ගත නොවන බවයි.

හිටපු ජනාධිපතිවරුන්ට ආරක්ෂාව ලබාදෙන්නේ දේශපාලනය කිරීමට නොවන බවත්,ගෙදර‍ට වී විශ්‍රාම සුවෙන් සිටීමට,නෑගම් යාමට ,පන්සල් ගොස් පිනක් දහමක් කරගැනීමට යයි සේනාරත්න පැහැදිලි කළේය.


ඔවුන් පන්සල් යා යුත්තේ කතා පැවැත්වීමට නොවන බවත්, එසේ වන විට තවත් ජනාධිපතිවරයෙකු නඩත්තු කිරීමට විශාල පිරිවැයක් දැරීමට සිදුවන බවත් අමාත්‍යවරයා අවධාරණය කළේය..දූෂණ වංචා හා අක්‍රමිකතා චෝදනා තියෙන අයද මේවන විට රජය තුළ නියෝජනය වනවා නොවේදැයි යන ප්‍රශ්නයට ප්‍රතිචාර දක්වමින් රාජිත කියා සිටියේ ආණ්ඩුව තුළ සිටින එවැන්නන් සම්බන්ධයෙන්ද ජනාධිපතිවරයා විසින් ක්‍රියා මාර්ග ගන්නා බවයි.

මේ වන විට එවැනි කිහිපදෙනෙකුටම එරෙහිව ක්‍රියාමාර්ග ගෙන ඇති බවත්, ජනාධිපතිවරයා ඒ ඒ බනිසි ගෙඩිවලට ඒ ඒ කෙසෙල් ගෙඩි දාන බවත් අමාත්‍යවරයා කියා සිටියේය.

ඒ සම්බන්ධයෙන් පොලිස් මූල්‍ය අපරාධ විමර්ශන කොට්ඨාසය දිගින් දිගටම කටයුතු කරමින් සිටින බවත්, ඉදිරියේදී තවත් අයටත් එරෙහිව නිසි ක්‍රියාමාර්ග ගනු ඇති බවත්, මේවා කරනු ලබන්නේ දේශපාලනය හොඳින් දැනගෙන බවත් ඔහු වැඩිදුරටත් සඳහන් කළේය.

20 ගැන කැෆේ කනස්සල්ලෙන්

cafee20 වන ආණ්ඩුක්‍රම ව්‍යවස්ථා සංශෝධනය නව දේශපාලන සංස්කෘතියක් නිර්මාණය කරනු ඇත ........ කැබිනට් අනුමැතිය සතුටක්. මන්ත්‍රී ධූර සීමා කිරීම සුළු පක්ෂ නියෝජනය සීමා කරනු ඇත.........මන්ත්‍රී සංඛ්‍යාව ඉහළ නැංවිමකින් තොරව කුඩා දේශපාලන නියෝජනය තහවුරු කළ නොහැකිය.


20 වන ආණ්ඩුක්‍රම ව්‍යවස්ථා සංශෝධනයට කැබිනට් මණ්ඩලයේ අනුමැතිය ලැබීම පිළිබද කැෆේ සංවිධානය සතුට ප්‍රකාශ කරමු.  එසේ නමුත් පාර්ලිමේන්තුවේ මන්ත්‍රීධූර සංඛ්‍යාව 225 ක් ලෙස තබාගනිමින් සහ කේවල ඡන්ද කොට්ඨාශ 125 කට සීමා කිරීම සුඵ දේශපාලන පක්ෂ සදහා ඇති ඉඩ කඩ අහුරා දැමීමට හේතු වනු ඇත.  මුස්ලිම් හා ඉන්දීය සම්භවයක් සහිත දෙමළ ප්‍රජාවට ද, ජනතා විමුක්ති පෙරමුණ හා ජාතික හෙළ උරුමය වැනි දේශපාලන පක්ෂවලට ද මෙය ඉතා අහිතකර ලෙස බලපානු ඇත්තේය.

කේවල හා සමානුපාතික ක්‍රම මිශ්‍ර වූ මැතිවරණ ක්‍රමයක් සදහා කැබිනට් අනුමැතිය ලැබීම මෙරට දේශපාලන සංස්කෘතිය වෙනස් කිරීම සදහා වූ පළමු පියවර වේ.  එය දිගු කළක් මෙරට ජනතාව ඉල්ලා සිටි වෙනස ද වේ.  නමුත් මෙරට සියලු දේශපාලන පක්ෂ සහ කණ්ඩායම් හි නියෝජනයක් පාර්ලිමේන්තුව තුල තහවුරු කිරීම සදහා පාර්ලිමේන්තු මන්ත්‍රී සංඛ්‍යාව 225 ක මට්ටමේ පවත්වා ගැනීම කිසිලෙසකින් හෝ ප්‍රමාණවත් නොවේ.  මැතිවරණ ක්‍රමයේ සංශෝධන පිළිබද පලමු ලියවිල්ල සකස් කිරීමේ දී පවා මන්ත්‍රී ධූර සංඛ්‍යාව 234 හෝ 235 ලෙස සදහන් වූවේ එබැවිනි.    මුස්ලිම් ප්‍රජාව, උතුරු නැගෙනහිරින් පිට දෙමළ ජාතිකයින්, ජවිපෙ, ජාහෙඋ වැනි දිස්ත්‍රික්කය පුරා විසිරුණු සාමාජිකත්වය සහිත කණ්ඩායම් හි නියෝජනය තහවුරු කිරීමට එය අනිවාර්ය වූ කොන්දේසියකි.  මන්ත්‍රී සංඛ්‍යාව ඉහළ නැංවීමකින් තොරව කාන්තා නියෝජනය ඉහළ නැංවීම සිදු කිරීම අපහසුය.

එජාප නායක අගමැති රනිල් වික්‍රමසිංහ මහතා විසින් කැබිනට් මණ්ඩලයට ඉදිරිපත් කරනු ලැබූ කොට්ඨාශ 125 ක් හා මන්ත්‍රී ධූර 225 ක් ක්‍රමය විසින් ප්‍රධාන අර්බුද තුනක් ඇති කරයි.

1.      කොට්ඨාශ 125 කට සීමා නිර්ණය කිරීම සදහා ඉතා විශාල කාලයක් අවශ්‍යවීම

2.      සුළු ජාතික නියෝජනය තහවුරු කිරීම සදහා ප්‍රමාණවත් බහු ආසන ස්ථානය කළ නොහැකිවීම

3.      උතුරු නැගෙනහිර පළාත් හි සිංහල නියෝජනය (වව්නියාව, සේරුවිල හා අම්පාර වැනි) සේම උතුරු නැගෙනහිරින් පිට දෙමළ මුස්ලිම් නියෝජනය කොට්ඨාශ මට්ටමින් තහවුරු කළ නොහැකිවීම  එයට ප්‍රධානම හේතු වේ.

මැතිවරණ කලමණාකරණය සදහා අදත් භාවිත වන මැතිවරණ කොට්ඨාශ 160 සහ මන්ත්‍රී ධූර 168 ක ක්‍රමවේදය සකස් කරනු ලැබූවේ 70 දශකයේ ය.  යටත් විජිත සමයේ සිට ඒ දක්වා පැවති සෑම සීමා නිර්ණය කොමිෂන් සභාවක් විසින්ම මෙරට කොට්ඨාශ සංඛ්‍යාව වැඩි කර ඇත.  ඊයේ කැබිනට් මණ්ඩලයේ සම්මත වූ යෝජනාව ක්‍රියාත්මක කිරීමට නම් අද පවත්නා 160  ක් වූ කොට්ඨාශ සංඛ්‍යාව 115 – 118  දක්වා අඩු කිරීමට සිදු වේ.  (අවම වශයෙන් බහු ආසන 9 ක් ඇති කිරීම සදහා ද ඉඩ තැබිය යුතු බැවිනි)  වෙනත් වචනයෙන් කිවහොත් මෙම යෝජනාව ගෙන එන එජාපයට පවා සිය ආසන සංවිධායකවරුන් 40 - 45 ක් ඉවත් කිරීමට සිදුවේ.  දිස්ත්‍රික්ක මට්ටමින් බදුල්ලේ ඇති ආසන 9 ආසන 6 දක්වා අඩු වන්නේය.  ගාල්ලේ ආසන 3 ක්, මාතර ආසන 2 ක්, කුරුණෑගල ආසන 3 හෝ 4 ක් අඩු කිරීමට සිදුවන්නේය. කෑගල්ල, රත්නපුර, අනුරාධපුර, කලුතර දිස්ත්‍රික්ක වලින් ආසන 2-4 දක්වා මකා දැමීමට සිදුවේ.   යාපනයේ ආසන 11 ක සංඛ්‍යාව ආසන 5 හෝ 6 දක්වා අඩු කිරීමට සිදුවනු ඇත. දිවයිනේ ආසන සංඛ්‍යාව 10-15 කින් අඩු කිරීම ප්‍රශ්ණයක් නොවන නමුත් 35 කින් අඩු කිරීම එකග විය හැකි තත්වයක් නොවේ.

කැබිනට් මණ්ඩලය විසින් මැතිවරණ ක්‍රමයේ සංශෝධන සදහා සම්මත කර ගත් යෝජනාව වඩාත් ජනතාවාදී කිරීම සදහා මැදිහත්වීම පාර්ලිමේන්තුව නියෝජනය කරන සහ නොකරන දේශපාලන පක්ෂ පමණක් නොව සිවිල් සංවිධාන හා පුරවැසි කණ්ඩායම් වලද වගකීමකි.

එසේ නොවන්නේ නම්, 20 වන සංශෝධනය පාර්ලිමේන්තුවේ දී ප්‍රතික්ෂේපවීමේ අවදානම දරා ගැනීමටත්, වත්මන් අන්ත දුෂිත මනාප ක්‍රමය අද පවත්නා ආකාරයෙන්ම පවත්වා ගැනීමටත් සිදු විය හැකිය.

අ.පො.ස. සා.පෙ. සමත් නැති මන්ත්‍රීවරුන් 94 ක් සහිත, උසස් පෙළ සමත් නැති මන්ත්‍රීවරුන් 142 ක් සහිත, කාන්තා නියෝජනය 5% ක් වත් නොමැති පාර්ලිමේන්තුවක් නැවත ඇතිවීම වලක්වා ගැනීම සදහා සැමගේ නියෝජනය තහවුරු කෙරෙන මැතිවරණ සංශෝධනයක් කරා කැබිනට් යෝජනාව වර්ධනය විය යුතු බව කැෆේ සංවිධානය දැඩිව අවධාරණය කරයි.

ඉබ්බෙක් කඩා ලක්ෂ ගණනක් පාඩු කල හිමිවරුන්ට ඇප

 

theroවිශ්වවිද්‍යාල ප්‍රතිපාදන කොමිෂන් සභාව ඉදිරිපිට උද්ඝෝෂණය කරමින් රාජ්‍ය දේපළවලට හානි කළේ යැයි චෝදනා කොට පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසුව රක්ෂිත බන්ධනාගාර ගත කර සිටි ශිෂ්‍ය භික්ෂුන් 5 දෙනා අද ඇප මත නිදහස් කර තිබේ.


එක් අයකුට රුපියල් දස දහසක මුදල් ඇප සහ ලක්ෂ දෙකක ශරීර ඇප දෙකක් බැගින් නියම කර තිබේ. කොටුව ප්‍රධාන මහේස්ත්‍රාත් ගිහාන් පිලපිටිය විසින් එම භික්ෂුන් වහන්සේ නිදහස් කර ඇත.

සීසීටීවී කැමරා සහ රහස් පොලිසියේ තොරතුරු මත තවත් දස දෙනකු අත්අඩංගුවට ගැනීමට නියමිත බව පොලිසිය අධිකරණය හමුවේ දැනුම් දුන්නේය.

මෙම පිරිසට චෝදනා එල්ල වී තිබෙන්නේ විශ්වවිද්‍යාල ප්‍රතිපාදන කොමිෂන් සභාවේ ගෝට්ටුවේ ඉබ්බෙක් කැඩීම බවත් එම ඉබ්බා කැඩීමෙන් ලක්ෂ ගණනක හානියක් සිදුව තිබෙන බවට පොලිසිය හාස්‍යජනක චෝදනා ගොනු කර ඇති බවත් අන්තර් විශ්වවිද්‍යාල භික්ෂු බලමණ්ඩලයේ ප්‍රකාශකයකු පැවසීය.

බුද්දිගේ බුද්ධිය සැළලිහිනියට

 

buddiසම්මාන ලාභී ජනමාධ්‍යවේදියකු සාහිත්‍යධරයෙකු හා ප්‍රවීන කලා ශිල්පීයකු වන බුද්දදාස ගලප්පත්ති ශ්‍රී ලංකා රුපවාහිනි සංස්ථාවේ අධ්‍යක්ෂ මණ්ඩලයට පත් කරලා.

කලින් කියපු ශිල්පී කම් පැත්තකින් තිබ්බත් බුද්දදාස හොඳ මිනිහෙක්. මේකේ තවමත් විනාශ නොවුණු මිනිහෙක්. තවමත් රටකජු ගොට්ටක් හප හප පිටිපස්සට වෙලා දේශපාලන රැස්වීමක් බලන, සුදර්ශියේ පැත්තේ රස්තියාදු ගහන කොල්ලෝ කුරුට්ටෝ එක්ක වල බහින්න පුළුවන් මිනිහෙක්..

ගයන්ත ලොක්ක තමයි පත්වීම දීල තියෙන්නේ. ලොකු තැන් දෙකේ උපදෙස් මත.

ශ්‍රී ලංකා විද්‍යෝදය විශ්වවිද්‍යාලයේ උපාධිධාරියකු වන බුද්ධී කොළඹ විශ්ව විද්‍යාලයේ ජනමාධ්‍ය ඩිප්ලෝමා පාඨමාලාවේ බාහිර කථිකාචාර්ය වරයකු ලෙසත් කටයුතු කරනවා..

වලක් බහින්න ඇඟක් තියන් බුද්දදාස ගලප්පත්ති වැඩ කරයි කියල විවර අපි විස්වාස කරනවා..

විශේෂාංග පුවත්

සටන් වදින මී හරකා.......

සටන් වදින මී හරකා.......

බලවතුන් ඉදිරියේ දුබලයන් ගැළවීමට ඇති එකම මගලෙස තෝරාගන්නේ පලායෑමයි. සිංහයන් හරකුන් මරාකනබව හරකුන් සහජයෙන් දනිති .නමුත් මේ මීහරකා තෝරාගන්නේ සටන්වැද ජයලැබීම හෝ මරණයට පත්වීමේ මගයි.... සිංහයා සටනේ දක්ෂයෙකි.....පලායන ප්‍රතිවාදියා පසුපස එලවා ගොසින්... Read more

සුරේඛාගේ කොටහළු මඟුල නවවෙනිද

 සුරේඛාගේ කොටහළු මඟුල නවවෙනිද

  සුරේඛා සමරසේන. අපි දන්න කෙල්ලෙක්. දේශපාලනික ගැහැණියෙක්. හොඳට ලියන්න පුළුවන් මොලයක්. ඉතින් සුරේඛා සමරසේනගේ 'මේ කතාව' පොත එළිදක්වන උත්සවේ ජුලි නව වෙනිදා තුනට මහජන පුස්තකාලේ පැවැත්වෙනවා. ඉතිං මේ කොටහළුවට සුරේඛා ඔබට ආරාධනා... Read more

විල්පත්තු වන සංහාරය ජනවාර්ගික ගැටුමක් දක…

විල්පත්තු වන සංහාරය ජනවාර්ගික ගැටුමක් දක්වා වර්ධනය වේවිද ?

විල්පත්තු ජාතික වනෝද්‍යානයට උතුරින් පිහිටි කල් ආරු වනාන්තරය නැතහොත් මරිච්චුක්කඞ්ඩෙයි - කරඩික්කුලි වන රක්ෂිතයේ අක්කර 3000 ක් පමණ නීතිවිරෝධී ලෙස එළි පෙහෙළි කර අලූතින් ජනාවාස පිහිටුවීම හා ඉඩම් අත්පත් කර... Read more

Prev Next

සටන් වදින මී හරකා.......

සටන් වදින මී හරකා.......

බලවතුන් ඉදිරියේ දුබලයන් ගැළවීමට ඇති එකම මගලෙස තෝරාගන්නේ පලායෑමයි. සිංහයන් හරකුන් මරාකනබව හරකුන් සහජයෙන් දනිති .නමුත් මේ මීහරකා තෝරාගන්නේ සටන්වැද ජයලැබීම හෝ මරණයට පත්වීමේ මගයි.... සිංහයා සටනේ දක්ෂයෙකි.....පලායන ප්‍රතිවාදියා පසුපස එලවා ගොසින් ගෙල විකා මරාදැමීමේ සූරයෙකි...එනමුත් මුහුණට මුහුණ සටනට එන ප්‍රතිවාදියා හමුවේදී...

සුරේඛාගේ කොටහළු මඟුල නවවෙනිද

 සුරේඛාගේ කොටහළු මඟුල නවවෙනිද

  සුරේඛා සමරසේන. අපි දන්න කෙල්ලෙක්. දේශපාලනික ගැහැණියෙක්. හොඳට ලියන්න පුළුවන් මොලයක්. ඉතින් සුරේඛා සමරසේනගේ 'මේ කතාව' පොත එළිදක්වන උත්සවේ ජුලි නව වෙනිදා තුනට මහජන පුස්තකාලේ පැවැත්වෙනවා. ඉතිං මේ කොටහළුවට සුරේඛා ඔබට ආරාධනා කරනවා.

20 පාලකයාගේ බලය වැඩි කරනවා.....

 ආණ්ඩුක‍්‍රම ව්‍යවස්ථාවේ 20 වෙනි සංශෝධනය මගින් ස්ථාපිත කිරීමට යෝජනා කරලා තියෙන නව මැතිවරණ ක‍්‍රමය ජනතාවගේ බලය වෙනුවට පාලකයන්ගේ බලය ශක්තිමත් කරන, ජනතාවගේ ප‍්‍රජාතන්ත‍්‍රවාදී අයිතීන් විනාශකරන ව්‍යාපෘතියක කොටසක් නිසා තමන් එයට විරුද්ධ බව පෙරටුගාමී සමාජවාදී පක්ෂය පවසයි.

cartoon-2015-06-05

අද ලෝක පරිසර දිනය .පරිසරය සුරකින්න වැඩිපුරම කථා කරන දවස . පරිසරය විනාශ කරනවුන් ජනතාවට පරිසරය ආරක්ෂා කරගැනීමේ වටිනාකම කියාදෙන දවස .මෙවර ජගත් පරිසර දිනයේ තේමාව බිලියන 7 ක ජනකායක් - එක මිහිමඬලක් - අරපරෙස්සම් වෙමු”යන්නයි .

alut-vivara

vivara-fm

vivara-tv

Piya-Luogo

චීනයේ යන්ග්සි ගංගාවේ අනතුරින් 400 ක් මරුට

  සඳුදා චීනයේ යන්ග්සි (Yangtze) ගංගාවේ දී මගී යාත්‍රාවක් පෙරලීමේ සිද්ධියෙන් මියගිය සංඛ්‍යාව හාරසියයට ආසන්න වී ඇති බව චීන රජයේ ප්‍රකාශකයෙක්...