Share on facebook

ලංකා

අරගලය වෙනම තියෙනවා.. මිනිස්සු වෙනම ඉන්නවා

hogana‘‘අරගලය වෙනම තියෙනවා.. මිනිස්සු වෙනම ඉන්නවා.“

මම දෑත දෙපසට කර රඟ දක්වමින් පැවසීමි. අප උන්නේ කොල්ලුපිටිය ලිබර්ටියෙන් ‘‘හෝ ගානා පොකුණ“ නරඹා විහාරමහා දේවි උද්‍යානය දෙසට ඇවිද එමිනි. කලෙකින් සුන්දර චිත්‍රපටයක් නැරඹීමේ උද්‍යෝගය විසින් මම ද ළමයෙකු සේ හදවතින් දැල්වෙමින් සිටියෙමි.

ඇහැට පේන දේට වඩා නොපෙනෙන දේවල් හුඟයිලු
ඒ දේවල් දැකල එන්න හීන දකින එක හොඳයිලු...

හිතේ ඇමිණී මිමිණෙමින් තිබූ ගී පද කිහිපයක් ගයමින් මම කලබලකාරී කොලොම්පුරය මැද හිතේ නිස්කලංකය රිසි සේ රස විඳිමින් හුනිමි.

‘‘ඒක හරි ලස්සන චිත්‍රපටියක්. වැඩිහිටියන්ට, පොඩිහිටියන්ට දෙගොල්ලන්ටම.. ලස්සන පරිසරය, රූප රාමු, සංගීතය, කතාව, රඟපෑම්.. හැමදෙයක්ම ලස්සනයි. අභව්‍ය ගතියක් තියෙනවා තමයි. ඒක මං හිතන්නෙ උවමනාවෙන්ම කළ දෙයක්.. ඒ නාටකීය ගතිය අස්සෙ කියන්න හදන්නෙ වෙනම ගැඹුරු කාරණයක් ජීවිතය ගැන, ලංකාවෙ දේශපාලනය ගැන, වමේ ව්‍යාපාර ගැන... “

‘‘මට මාරෙට හිතට වැදුණා උමා ටීචගෙයි, විප්ලවීය ප්‍රේමවන්තයගෙයි මුල් සංවාදය... හරියට අපි දෙන්න වාද වෙනවා වගේ...“

‘‘අරගලය වෙනම තියෙනවා.. මිනිස්සු වෙනම ඉන්නවා.“

මම පෙම්බරාගේ වමතේ එල්ලී ගතිමි.

කල්පනා ලොවක ඇලී ගැලී උන් ඔහු මවෙත යළි කැඳවනු රිසියෙන් මම හෙමිහිට අත කොනිත්තාලීමි. ඔහු නොවේ ඇස් කොණකින්වත් මදෙස බැලූයේ.

සිනමා සිත්තමේ මුල්ම රූප රාමුවේ ඇස් කන් අලවා සිටින මොහොතක ඒ දෙබස් කණ වැකෙත්මත් මා කළේ ඔහුගේ අත කෙනිත්තීම ය. එවර නම් ඔහු කට කොනකට සිනාවක් නගාගත්තේ මා මන්තරයක් මෙන් නිරන්තරයෙන් මතුරන කාරණය සිහිපත් වී විය යුතුය.

‘‘අරගලය වෙනම තියෙනවා.. මිනිස්සු වෙනම ඉන්නවා. අරගලයයි, මිනිස්සුයි එකතු කරන්න මාවතක් තියෙන්න ඕනි.. මම හැමදාම ඔයාට කියන්නෙත් ඔය ටික... අරගලය තියෙන්න ඕන ගමේ, වැඩබිමේ, පාරෙ, බස් එකේ.. මිනිස්සුන්ට දැනෙන තේරෙන විදියට.. ඒක ලිප්ටන් වටරවුමෙයි, ස්ටේෂන් එක ඉස්සරහයි, මාධ්‍ය සාකච්ඡාවලයි, කප්පරක් චෝදනා පත්‍රවලයි තිබිල මදි.. හැමදාම මුවහත් කර කර කියන එකම වචන සෙට් එක නැතිව. මිනිස්සුන්ගේ හිත්වලට දැනෙන විදියට කතා කරන්න ක්‍රමයක් හොයන්න ඕන.“

‘‘ඔයා හිතන්නෙ උමා ටීච මහා විප්ලවයක් කළා කියලද ගමට ගිහින්. ඒ වගේ ගම් කොහෙද තියෙන්නෙ. මුහුදක් දැකල නැති ළමයි ඉන්න. ටීච කෙනෙක්ටයි, ළමයින්ටයි ඉල්ලීම් දිනාගන්න පුලුවන් ගම් කොහෙද තියෙන්නෙ?‘‘

ඔහුට අවැසි මගේ කන්කරච්චලයෙන් පැන යාමට විය යුතුය.

‘‘අනේ මෝඩයො, හා දැන් මෙච්චර දියුණුයි කියන මේ කොදෙව්වම ගත්ත උණත් ඒ ගමට වඩා වෙනසක් නැද්ද? මූදෙන් එහා ලෝකයක් ගැන නොදන්න ගාණට නෙවෙයිද ඉහළම තැන්වල ඉඳන් පහළම තැන දක්වා අපේ මිනිස්සු හැසිරෙන්නෙ. කතා කරන්නෙ.. ඇත්තටම හොඳ වැඩක් වෙනුවෙන් බෙල්ල ගහල ගියත් එකතු වෙන මිනිස්සුත් මේ රටේ ඇත්තෙම නැද්ද? ප්‍රශ්නෙ තියෙන්නෙ ඒ මිනිස්සුන්ව එකතු කරන්න කෙනෙක්, එකතු කරන්න තැනක්.. මිනිස්සුන්ගේම තැනක් නැති එක නෙවෙයිද?“

උමා ටීචගේ උදා රැස්වීමේ නොදන්නා දේ ගැන කතා කළ දරුවා මට සිහිපත් වූයේ නිරායාසයෙනි. එවර කට කොණ සිනාවක් පැන නැංගේ මවෙතිනි. ......

මම මෙතෙන්ට පැමිණියේ නොදන්න දේවල් ගැන කතාවක් කරන්න. ඇත්තටම නොදන්නා දේවල් මොනවද කියල මං දන්නෙ නෑ. ඒ හින්දා ඒ ගැන කියන්නත් මං දන්නෙ නෑ... දරුවා කියූ වදන් සිහිපත් කරගනිමින්ම මම මගේ සිතුවිලි නැවතත් ඒ මේ අත පෙරළා බැලීමි.

දරුවන් අබියස මුහුද දිස්වූවාක් මෙන් මහත් වූ ප්‍රමෝදයකින් මගේ දෑස් පොඩි වඩේ කරත්තයක් අසල නැවතිණි.

‘‘විස්සක දෙන්න.“

‘‘මේකිට පිස්සු.... බේබද්දියක් වගේ කොතැන ගියත් වඩේ...“

‘‘ඇයි!!! බේබද්දන්ට විතරද වඩේ කන්ඩ හොඳ? අපිට ඇලජික්ද?“

වඩේ බහාලන කුඩා කඩදාසි බෑගයට එක්විටම අත් රිංගවන්නට පොර කමින්ම අපි විහාරමහාදේවියේ ගසක් යට වාඩි ලා ගතිමු.


‘‘මේ රට හදන්න ප්‍රගතිශීලී දේශපාලන ව්‍යාපාරයකින් මිස වෙන කිසිම දේකින් බෑ..“ එක කටට වඩයක් ඇද බාමින් තමන්ටත් විශ්වාස නැති සත්‍යයක් ඔහු මවෙත පසක් කරවන්නට උත්සාහ දරයි.

‘‘නිදහසෙන් පස්සෙ හැමදාම මතුරන මන්තරයක්නෙ ඔය. ප්‍රගතිශීලි දේශපාලන ව්‍යාපාරයකින් යම් බලපෑමක් කරන්න පුලුවන් වෙයි. ඒත් පැවැත්මක් තියෙන්න නම් ඒකට සාමාන්‍ය මිනිස්සු දැනුවත්ව එකතු වෙන්න ඕනි...“ ප්‍රගතිශීලී දේශපාලන ව්‍යාපාර පිළිබඳව පමණක් නොව සෑම දේශපාලන ව්‍යාපාරයක් ගැනම බිඳුණු සිතැති මම එකී හිස් බව දීර්ඝ සුසුමක පා කර හරිමි.

‘‘හීන හඹායන්න ඕන. හීන හැබෑ කරගන්න වැඩ කරන්න ඕන. චිත්‍රපටියෙත් කියන්නෙ ඒකනෙ. විප්ලවීය සිහින වුණත් එහෙමයි...“ ඔහු සිගරැට්ටුවකට අත යවයි. අතට පහරක් ගසාලන මම සිගරැට්ටුව ගෙන බෑගයෙහි ඔබා ගනිමි.

‘‘පේනවනෙ, සිගරට් එකක් බොන්නවත් නිදහසක් නැති රටක්..“ ඔහු හිනැහෙයි.

‘‘මේ රටේ සාමාන්‍ය මිනිස්සුන්ට විප්ලවීය හීන පේන්නෙ නෑ. එහෙම හීන තියෙන බවවත්, දකින්න ඕන බවවත් මිනිස්සු දන්නේ නෑ. ඒ මිනිස්සු අතර ඉඳන් මිනිස්සු දැනුවත් කරන්න, ශක්තිමත් කරන්න වැඩපිළිවෙලක් ඕනි... අර පුංචි උන් මුහුදක් ගැන හිතල තිබුණෙ නැහැනෙ ඇස් නොපේන කෙලි පොඩ්ඩ ඒ ගැන කියනකල්. හීන, අරමුණු හැදෙන්නෙ එහෙමයි.. ඒකට උත්තේජනයක් ඕන. ඒ හීන හැබෑ කරගන්න හයියක් ඕන. සැලසුම් ඕන. ඒකට මගපෙන්වන්න කවුරුහරි ඕන..

.....හැම ගමකටම දුයිෂෙන් කෙනෙක් ඕනෙ.

මිනිස්සු දේශපාලනිකව, සංස්කෘතිකව දැනුවත් කරන්න වැඩ කොටසක් කරන්න පුලුවන් කෙනෙක් හැම ගමකම හදන්න ඕනි. මට හිතෙන්නෙ මේ කොළඹට වෙලා දේශපාලඥයොත් එක්ක පොර අල්ලන්න ඔට්ටුවෙන එක තරමටම වැදගත් බිම් මට්ටමට බැහැල වැඩ කරන එක.

‘කොළඹ ඉඳන් රටේ ජනතාවගෙ රසවින්දනය හදන්න බෑ. ගමේ ඉන්න කෙනෙක් ඒක කළ යුතුයි. ‘ මං දැක්කා ඉරුදින පත්තරේ සංවාදයකදි අඛිල සපුමල් කියල තියෙනවා...

ඒ කතාව ඇත්ත. එක්කො අපි ගමට ගිහින් වැඩ කරන්න ඕනි. නැත්නම් අපි ගමෙන්ම ඒ වැඩේ කරන්න කෙනෙක් ගොඩනගන්න ඕනි. කුඩා කණ්ඩායම් විදියට හැම අස්සක මුල්ලකම වැඩ කරන්න යාන්ත්‍රණයක් හැදෙන්න ඕනි... ආණ්ඩුවල කුනුකන්දල් අවුස්ස අවුස්සා මතවාද එක්ක හැප්පි හැප්පි ඉන්න අතරම ඒ වැඩෙත් කරන්න පුලුවන් නම් මරු.. අරගලයයි මිනිස්සුයි යා කරන්න පාලමක් ඕනි, උමා ටීච කියන්න වගේම..‘‘

‘‘පිස්සි.. ඔයා දන්න දේශපාලනේ..“

එකී සරදම් සිනාවේ සැඟවී ඇත්තේ විරුද්ධතාවක්ද? එකඟතාවක්ද? තේරුම් ගන්නට උත්සාහ දරමින්ම මම මෙසේ පවසමි.

‘‘හැම ගමකටම දුයිෂෙන් කෙනෙක් ඕන.‘‘

 

 


තරුරසි

දයාසිරිට බැටේ දෙනවා .. රනිල්. ගැටුම උග්‍ර අතට

 

ranildayaක්‍රිකට් ආයතනයේ මූල්‍ය කටයුතු ඇතුළු සියලු කරුණු අධීක්ෂණය කිරීම සඳහා විශේෂ කමිටුවක් පත් කරන ලෙසට අගමැති රනිල් වික්‍රමසිංහ මහතා ලබාදී තිබූ උපදෙස් ප්‍රසිද්ධියේ විවේචනය කිරීමට ක්‍රීඩා අමාත්‍ය දයාසිරි ජයසේකර මහතා කටයුතු කර තිබීම සම්බන්ධයෙන් ඔහුට එරෙහිව දැඩි ක්‍රියාමාර්ග ගත යුතු බවට ආණ්ඩුව ඇතුළේ විශාල කතාබහක් ආරම්භ වී ඇති බවක් දැනගන්නට තිබේ.

පක්ෂ දෙකේ නායකයන් විසින් ගනු ලබන තීන්දු තීරණ ප්‍රතිපක්ෂ විසින් විවේචනය නොකරනු ලැබීමේ ප්‍රතිපත්තියක් පසුගිය කාලය පුරාම ආණ්ඩුව ඇතුළේ පවත්වාගෙන යෑම මීට හේතු වී තිබේ.

ඒ අනුව ජනාධිපති මෛත්‍රිපාල සිරිසේන මහතා විසින් ගනු ලැබූ තීන්දු තීරණ කුමක් වුවද ඒවා විවේචනය නොකිරීමට එජාප මැති ඇමැතිවරුන් කටයුතු කර තිබිණි.


එහෙත් එම ප්‍රතිපත්ති අභිභවා යමින් ක්‍රීඩා අමාත්‍ය දයාසිරි ජයසේකර මහතා අගමැතිවරයා විසින් ගනු ලැබූ තීන්දුවක් ප්‍රසිද්ධියේ විවේචනය කිරීම හේතුවෙන් ඔහුට එරෙහිව වහාම කටයුතු කළ යුතු බවත් හෙතෙම කැබිනට් මණ්ඩලයේ සාමූහික වගකීම උල්ලංඝනය කොට ඇති බවත් ආණ්ඩුවේ බහුතරයකගේ මතය වී තිබේ.


පසුගිය බ්‍රහස්පතින්දා දින එජාපයේ ජේ‍යෂ්ඨ ඇමැතිවරුන් කණ්ඩායමක් අගමැතිවරයා මුණගැසී මේ සම්බන්ධයෙන් සාකච්ඡාවක් පවත්වා ඇති අතර එහිදී අගමැතිවරයා ඔවුන්ට දැනුම් දී ඇත්තේ ක්‍රිකට් යනු ශ්‍රී ලංකාවේ ජනප්‍රියම ක්‍රීඩාව වන බවත් එය විනාශ කිරීමට මුදලාලි පැලැන්තියට හෝ ක්‍රිකට් මාෆියාවට තමන් කිසිසේත්ම ඉඩ නොතබන බවත්ය.

එම නිසා ඉදිරි දින කිහිපයේදී ඒ සම්බන්ධයෙන් ගත යුතු අවසන් තීන්දුව තමන් ගන්නා බවත් අගමැතිවරයා එහිදී එජාප ඇමැතිවරුන්ට දැනුම් දී තිබේ.


කෙසේ වෙතත් අගමැතිවරයා හා ක්‍රීඩා අමාත්‍යවරයා අතර ඇති මේ අර්බුදය දුරදිග ගියහොත් එහිදී ජනාධිපති මෛත්‍රිපාල සිරිසේන මහතා විසින් ගනු ලබන්නේ කුමන පාර්ශ්වයද යන්න සම්බන්ධයෙන් මේ වන විට ආණ්ඩුව ඇතුළේ දැඩි කතාබහක් මතුව තිබේ. මේ ක්‍රිකට් අර්බුදය මුල් කරගෙන ක්‍රීඩා අමාත්‍යවරයා ජනාධිපතිවරයා, අගමැතිවරයා අතර ගැටුමක් නිර්මාණය කිරීමට දරා ඇති උත්සාහයක් පිළිබඳවද මේ වන විට ආණ්ඩුවේ ඉහළ තැන්වලට තොරතුරු ලැබී ඇති බවද දැනගන්නට තිබේ.

කෙසේ වෙතත් ක්‍රිකට් ඉතිහාසය පුරාම ක්‍රීඩා අමාත්‍යවරුන්ට තනි තීන්දු තීරණ ගැනීමේ අවස්ථාවක් හිමිව නොමැති අතර ජේ.ආර්. ජයවර්ධන, රණසිංහ ප්‍රේමදාස, චන්ද්‍රිකා බණ්ඩාරනායක, මහින්ද රාජපක්ෂ යන පාලන සමයන්හිදී සිටි සෙසු ක්‍රීඩා අමාත්‍යවරුන් තීන්දු ගනු ලැබුවේ එම කාලයන්හි සිටි ජනාධිපතිවරුන්ගේ විධානවලට යටත්වය.

සලකුණේ මඩ වලට විජයදාසට නැවත පිළිතුරු

 

fonsekaeditවිජයදාස රාජපක්ෂ බලෙන් අල්ලාගෙන තිබෙන ඉඩම් සහ දේපල පිලිබදව අද මාධ්‍ය සාකච්චාවක් කැඳවමින් ෆීල්ඩ් මාර්ෂල් සරත් ෆොන්සේකා හෙළි කරන ලදී .

නීත්‍යානුකුල නොවන සේනාධිපති ගිවිසුම් පිළිබඳවත් විජයදාස රාජපක්ෂ සිදු කල මහා පරිමාණ වංචා පිළිබඳවත් මෙහිදී මාධ්‍ය වෙත කරුණු හෙළිකරන ලදී.

හිරු ටී වී ආයතනයේ සලකුණ වැඩසටහන මළකුණ ලෙස හැදුන්වූ සරත් ෆොන්සේකා තමන්ට මඩ ගැසීමට දුමින්දගේ නාලිකාව විජයදාසට අවස්තාව ලබා දුන්නද එකී බොරු වලට පිළිතුරු දීමට තමන් අවස්තාව ඉල්ලු විට ඒ සඳහා කිසිදු අවස්තාවක් ලබා නොදුන් බවත් ඉදිරියේදී දුමින්ද ප්‍රමුඛ මලකුනට පිළිතුරු ලබා දෙන බවත් ප්‍රකාශ කරන ලදී.

අප මාධ්‍ය ආයතනය විසින් මහින්ද රාජපක්ෂ කණ්ඩායම ආරක්ෂා කරන්නේ රනිල් වික්‍රමසිංහ විසින් නොවේදැයි ඇසු අවස්තාවෙත් ලලිත් කුගන් ඝාතනය වූ බව මහින්දානන්ද අලුත්ගමගේ පැවසුවත් කිසිදු නීතියක් ක්‍රියාත්මක නොවන්නේත් , මේ සියල්ල පිටු පස ජනාධිපතිවරයාගේ සහ අගමැතිවරයාගේ දේශපාලන අර්බුදය විද්‍යමාන වන බවත් මතු කල විට ෆීල්ඩ් මාර්ෂල් වරයා විසින් ඊට පිළිතුරු ලෙස ලබා දුන්නේ
ආණ්ඩුව තුල දේශපාලන අර්බුදයක් පවතින බවත් අගමැතිවරයා මහින්ද රාජපක්ෂ ඛණ්ඩායම ආරක්ෂා කරන බව තමන් පිලි නොගන්නා බවයි.

හිරුගේ වාහනය දෙන්න පොලීසිය බෑ කියයි

 

hiruදෙමටගොඩදී පුද්ගලයකු පැහැරගෙන යෑමට භාවිත කළ එක්සත් ජාතික පක්ෂ පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මියට අයත් කළු පැහැති ඩිෆෙන්ඩර් රථය මේ අවස්ථාවේදී ඇය වෙත මුදා හැරිය නොහැකි බව කොළඹ අපරාධ කොට්ඨාසය, කොළඹ අතිරේක මහෙස්ත්‍රාත් එම්.එම්.එම්. මිහාල් මහතා වෙත ඊයේ (12දා) දන්වා සිටියේය.

අංක 62-1895 දරන තම කළු පැහැති ඩිෆෙන්ඩර් රථය තමා වෙත මුදා හරින ලෙස දැනට ඇප මත මුදාහැර සිටින හිරුණිකා ප්‍රේමචන්ද්‍ර මහත්මිය අධිකරණයෙන් ඉල්ලා සිටියාය.
මේ සිද්ධියට අදාළ පරීක්ෂණ කටයුතු මෙතෙක් අවසන් නොමැති හෙයින් අදාළ ඩිෆෙන්ඩර් රථය හිරුණිකා ප්‍රේමචන්ද්‍ර නමැති සැකකාරියට මුදාහැරිය නොහැකි බව කොළඹ අපරාධ කොට්ඨාසයේ නිලධාරීන් අධිකරණය වෙත දන්වා සිටියේය.


දෙමටගොඩ ප්‍රදේශයේදී පුද්ගලයකු පැහැරගෙන ගොස් අයුතු ලෙස සිරකර තබා ගන්නා ලදැයි කියන සිද්ධියකට අදාළව අත්අඩංගුව ගෙන දැනට ඇප මත මුදා හැර සිටින හිරුණිකා ප්‍රේමචන්ද්‍ර මහත්මිය ඇතුළු සැකකරුවන් 09 දෙනා අධිකරණය හමුවේ පෙනී සිටියහ.


මේ විමර්ශනයට අදාළ 9 වැනි සැකකාරිය වන හිරුණිකා එරංජලී ප්‍රේමචන්ද්‍ර මහත්මිය විසින් ඉකුත් දෙසැම්බර් 22 සහ 23 දෙදින තුළ පවත්වන ලද මාධ්‍ය හමුවේ දර්ශන ඇතුළත් සී.ඩී. පට සහ පුද්ගලයා පැහැර ගැනීමට ලක්වූ ස්ථානයේ තිබූ සීසීටීවී කැමරා දර්ශන ඇතුළත් සංයුක්ත තැටි 02ක් සහ එහි ඩී.වී.ආර්. යන්ත්‍රය මොරටුව විශ්වවිද්‍යාලයේ පරිගණක පීඨය වෙත යොමු කර වාර්තාවක් ලබා ගන්නා ලෙස අතිරේක මහෙස්ත්‍රාත්වරයා පොලිසියට නියම කෙළේය.
දෙමටගොඩ ප්‍රදේශයේදී පුද්ගලයකු පැහැරගෙන ගොස් අයුතු ලෙස සිර කර තැබීමේ සිද්ධියට අදාළව පැවැත්වූ හඳුනා ගැනීමේ පෙරෙට්ටුවේ විභාග සටහන් නීතිපතිවරයා වෙත යොමු කරන ලෙස අතිරේක මහෙස්ත්‍රාත්වරයා අධිකරණයේ රෙජිස්ට්‍රාර්වරයාට නියම කෙළේය.


නීතිපතිවරයා විසින් කර තිබූ ඉල්ලීමකට අනුව අතිරේක මහෙස්ත්‍රාත්වරයා එම නියෝගය කළේය.
මෙහිදී සැකකරුවන් වෙනුවෙන් පෙනී සිටි නීතිඥ ගුණරත්න වන්නිනායක මහතා කරුණු ඉදිරිපත් කරමින් මෙසේ පැවැසීය.
තම සේවාදායිකාව වන හිරුණිකා ප්‍රේමචන්ද්‍ර මහත්මියට ඇප ලබා දෙනු ලැබූ දිනය සම්බන්ධයෙන් ඇතැම් මාධ්‍ය වැරැදි ලෙස වාර්තා කර තිබුණා. ඩේලිමිරර් පුවත්පතේ පාර්ලිමේන්තු මන්ත්‍රි උදය ගම්මන්පිල මහතා සමඟ පවත්වා තිබූ පුවත්පත් සාකච්ඡාවක් පළ කර තිබුණා. එය සාවද්‍ය පුවතක්. ඒ සම්බන්ධයෙන් අදාළ පාර්ලිමේන්තු මන්ත්‍රිවරයා අධිකරණයට කැඳවා කරුණු විමසන ලෙස ඉල්ලා සිටිනවා.


එහිදී අතිරේක මහෙස්ත්‍රාත් එම්.එම්. එම්. මිහාල් මහතා මෙසේ ප්‍රකාශ කෙළේය.
යම් යම් පුද්ගලයන් කරන ලද ප්‍රකාශ සම්බන්ධයෙන් අධිකරණයට සලකා බලන්න බෑ. විශේෂයෙන්ම බාහිර කරුණු සම්බන්ධයෙන් සැලකීමේදී අධිකරණයට ඉදිරිපත් වන කරුණු මත පිහිටා තමයි අධිකරණය කටයුතු කරන්නේ. එක් එක් අය කරන ප්‍රකාශවලට අධිකරණය පිළිතුරු සපයන්නේ නැහැ. අවශ්‍ය නම් අදාළ මාධ්‍යවේදීන් දැනුවත් කරන්න.


අදාළ නඩුව ලබන පෙබරවාරි 26 වැනිදා යළි කැඳවීමට නියමිතය.

මත්තල වී ඉවතට

 

maththalaමත්තල ගුවන්තොටුපළ පරිශ්‍රය තුළ ගබඩා කර ඇති වී හෙට දිනයේ දී ඉවත් කරගන්නා බව ග්‍රාමීය ආර්ථිකය පිළිබඳ අමාත්‍යාංශය පවසයි.

ඒ අනුව එහි ගබඩා කර ඇති වී මෙට්‍රික් ටොන් 4054ක් ඉන් ඉවත් කරගන්නා බව එම අමාත්‍යාංශය සඳහන් කළේය.

පසුගිය වසරේ දී මත්තල ගුවන්තොටුපළ පරිශ්‍රය තුළ වී ගබඩා කිරීමට රජය පියවර ගත් අතර ඒ පිළිබඳ සමාජය තුළ කතාබහක් ද මතු වුණි.

කෙසේ වෙතත් පසුගියදා ග්‍රාමීය ආර්ථිකය පිළිබඳ අමාත්‍ය පී.හැරිසන් මහතා ප්‍රකාශ කළේ මත්තල ගුවන්තොටුපළ පරිශ්‍රය තුළ ගබඩා කර ඇති වී මෙම සතිය තුළ ඉවත් කර ගැනීමට කටයුතු කරන බවයි.

Prev Next

රතු ධජයේ සෙවනැල්ල ඉල්ලූ පළමු ස…

රතු ධජයේ සෙවනැල්ල ඉල්ලූ පළමු සොහොයුරකුට සමුදීම

වැඩිහිටියන්ට යම් ආකාරයේ විහිළු කිරීම අප අතර සිදුවන්නකි. සමාජවාදී අරමුණින් එකතු වූවන්ගෙන් සැදි සමාජ ව්‍යාපාරයක වුවද එවැනි විහිළු තහළු හිඟ නැත. එවැනි විහිළු බැ?රුම් ලෙස නොගන්නා වැඩිහිටියෙක් මට සිහිපත් වේ. ඔහු නමින් ඒ.වී. අබේරත්න නම් විය. ‘කලවානේ අබේ අයියා’ යනු...

ලෝක බැංකු මහනගර සැළසුම ඉදිරියට…

ලෝක බැංකු මහනගර සැළසුම ඉදිරියට සොබාදහම වළපල්ලට

ලෝක බැංකුවේ  අවශ්යනතාවය මත 2011-2030 යන වසර තුළ රටේ භෞතික සංවර්ධනය උදෙසා මේ වනවිට රජය ජාතික හෞතික සැලසුම යනුවෙන් සංවර්ධන සැලැස්මක් සකස් කොට ඇත. මෙම සැළසුම පසුගිය ආණුඩුව මගින් ආරමිබ කල අතර කොටස් වශයෙන් යහපාලනය විසින් කරගන යනු ලබයි. 2030 වසර...

ඇමතිතුමෝ

ඇමතිතුමෝ

ඔය වගේ පතපොත් ටිකක් පිටිපස්සෙන් තියා ගෙන ‍ෆොටෝ ගහලා පත්තරවල දාගෙන, මීඩියා එකේ  පොර ටෝක් දුන්නට, හිතන්න එපා ඔයාලට ඡන්දෙ දෙන මෝඩයෝ වගේ අපිත් ඔයාලට රැවටෙයි කියලා. ඊයේ දෙරණ TV එකට ඇවිල්ලා, වාදපිටියෙදි ගහපු කෙබර හොඳයි, ඔයා ගේ ඡන්දදායකයන්ට‍. 'අපි සමාජ වෙළෙඳපළ...

සේවක කප්පාදුවට එරෙහිව කම්කරුවන…

සේවක කප්පාදුවට එරෙහිව කම්කරුවන් පාරට

ජනවාරි 30 වනදා ඉතාලියේ විචේන්සා නගරයේ  prix සුපිරි වෙළදසැල් සේවක සේවිකාවන් පිරිසක් උද්ගෝෂණයක නිරතවිය .එහිදී සේවක කප්පාදුවට ,කොන්ත්‍රාත්තු කාලය දීර්ග නොකිරීමට ,දීමනා ලබානොදීම ආදී තවත් ඉල්ලීම් රැසක් ලබාදෙන ලෙස බල කරමින් මන්පවර් ආයතනයටත් prix සමාගමටත් එරෙහිව මෙම උද්ගෝෂණය සංවිධානය කර...

vivara-fm

vivara-tv

Piya-Luogo

කුලවාදයට එරෙහිව නැගී සිටි හාර්දික් පටෙල් අත්අඩංගුවට

ගුජරාට් ප්‍රන්තයේ ක්‍රියාත්මක කළ විරෝධතා රැලි සඳහා නායකත්වය ලබා දුන් හාර්දික් පටෙල් අත්අඩංගුවට ගැනිමට ප්‍රාන්ත පොලිසිය කටයුතු කර තිබේ. ඉන්දියාවේ පටෙල්...