ලංකා

ජාතික හෙළ උරුමය අයවැයට විරුද්ධයි

 

hela urumayaජාතික හෙළ උරුමය මෙවර අයවැය සඳහා විරුද්ධව ඡන්දය භාවිතා කිරීමට තීරණය කර තිබේ.

එම පක්‍ෂය විසින් ඉදිරිපත් කල යෝජනාවලිය සම්බන්ධයෙන්  මෙතෙක් මෙතෙක් යහපත් ප‍්‍රතිචාරයක් නොදැක්වීමට විරෝධය පල කිරීමක් ලෙස මෙම තීරණය ගෙන ඇතැයි වාර්තා වෙයි.

මේ සම්බන්දයෙන් වන අවසන් තීරණය හෙට පැවැත්වෙන එම පක්‍ෂයේ මධ්‍යම කාරක සභාවේදී ගැනීමට නියමිතය.

සජිත් - රනිල් ගැටුම නැවතත් කරළියට

 

ranil sajith_thumb_medium200_නියෝජ්‍ය නායකත්වය බාර ගැනීමේදී තමන්ට දුන් පොරොන්දු සියල්ල ඉටුකරන බවට ලිඛිත ප්‍රකාශයක් ලබා දෙන්නැයි එජාප මන්ත්‍රී සජිත් ප්‍රේමදාස මහතා කල ඉල්ලීම එම පක්ෂයේ නායක රනිල් වික්‍රමසිංහ මහතා විසින් තරයේ ප්‍රතික්ෂේප කර ඇතැයි වාර්තා වේ.

නව පත් කිරීම් සිදු කිරීමේදී තමා කිසිවකුට හෝ පොරොන්දු ලබාදී නැතැයි අවධාරණය කර ඇති එජාප නායකයාසජිත් ප්‍රේමදාස මහතා ඉල්ලන බලතල පක්ෂයේ නායකයා ලෙස තමාටවත් හිමි නැති බවත්එම බලතල හිමිවන්නේ පක්ෂයට පමණක් බවත් පෙන්වා දී ඇත.

එජාප නායකයා හා නියෝජ්‍ය නායකයා අතර පෙරේදා පස්වරුවේ විපක්ෂ නායක කාර්යාලයේ පැවති සාකච්ජාවකදී මේ සම්බන්ධයෙන් දීර්ඝ වශයෙන් කතා බහ කර ඇති නමුත් එය එකඟතාවයකින් තොරව නිමා වී ඇත. මෙම සාකච්ජාවට එජාප සභාපති කබීර් හෂීම් සහ හිටපු සභාපති මලික් සමරවික්‍රම මහතාද සහභාගී වී තිබේ.

මෙම තත්වය යටතේඊයේ පැවති එජාප ජනාධිපතිවරණය මෙහෙයවන G20 කමිටු රැස්වීමටද  සජිත් ප්‍රේමදාස මහතා සහභාගී නැතැයි "ශ්‍රී ලංකා මිරර්" වාර්තා කරයි

පාප් තුමන්ගේ ශ‍්‍රී ලංකා සංචාරය අවලංගුයි..?

 

papeලබන ජනවාරි මාසයේදී යෙදී ඇති පාපුතුමන්ගේ ශ‍්‍රී ලංකා සංචාරය දැඩි අවිනිශ්චිත තත්වයකට පත්ව තිබේ.

මීට හේතු වී ඇත්තේ ගබන ජනවාරි මුල් දින කිහිපයේදී පැවැත්වෙන ජනාධිපතිවරණය වන අතර පාප්තුමන්ගේ මෙරට සංචාරය යොදාගෙන ඇත්තේ ජනවාරි 14 දා සිටයි.

උද්ගතව ඇති ත්වය සම්බන්ධයෙන් කතෝලික බිෂොප්තුමන්ලා රැස්වී විශේෂ සාකච්චා වට කිහිපයක්ද පවත්වා ඇත.

මේ ක‍්‍රමයට දෙන්න පුළුවන් ඔච්චර තමයි - අයවැය ගැන පෙසප කියයි


peratu conferanceඊයේ ඉදිරිපත් කරන ලද 2015 අයවැය ලේඛනයේ විවිධ බලවේග සඳහා විවිධ දේ ලබා දෙන බව පෙන්වන්නට ආණ්ඩුව උත්සාහ කළද ඒවායින් ජනතාවගේ දෛනික ප‍්‍රශ්න එකක්වත් නොවිසඳෙන බව පෙරටුගාමී සමාජවාදී පක්ෂය පවසයි. මේ ලබා දෙන්නේ තමන්ට දිය හැකි උපරිමය යැයි ජනාධිපතිවරයා පැවසූ බවත් වැඩිපුරම බයවූ විට දෙන්නේත් මේ සොච්චම නම්, මේ ක‍්‍රමය යටතේ මීට වඩා දෙයක් බලාපොරොත්තු විය නොහැකි බවත් එම පක්ෂයේ මධ්‍යම කාරක සභික් දුමින්ද නාගමුව පවසයි. 
 
‘‘ඊයේ අයවැයෙන් ආණ්ඩුව හැමෝටම පොඩ්ඩ පොඩ්ඩ දීලා. ජනතාව හිටියේ විශාල පීඩනයකින්. ආර්ථික පීඩනය නිසා පාරට බහින මානසිකත්වයක් තිබුණා. නොතිබුණේ ඒ සමාජ ආවේගයට සංවිධාන හැඩයක් විතරයි. තත්ත්වය බලපතල බව ආණ්ඩුවත් දැනගෙන හිටියා. සති දෙකකට කලින් ආණ්ඩුව පෝස්ටර් ගැහැව්වේ විපක්ෂය මහින්දට බය ඇයි කියලා. අයවැය දැක්කම අපිට තේරෙනවා ආණ්ඩුව ජනතාවට කොච්චර බයද කියලා. හොඳටම බයවුණාට පස්සේ දෙන උපරිමය තමයි මේ දීලා තියෙන්නේ. මැතිවරණයක් ආසන්නයේ කරන්න පුළුවන් උපරිම රැවටිල්ල උපරිම ඇන්ඳිල්ල තමයි මේ කරලා තියෙන්නේ. මේක මොන සොච්චමක්ද මේකෙන් ජීවිතය ගොඩදාගන්න පුළුවන්ද කියලා මාසයක් යනකොට තේරෙයි. 
 
රජයේ සේවකයන්ගේ ජීවන වියදම් දීමනාව 2,200කින් වැඩිකරලා. රජයේ සේවකයන්ගේ අවම වැටුප රුපියල් 15,000 දක්වාත් පුද්ගලික අංශයේ අවම වැටුප 10,000 දක්වාත් වැඩිකරලා. ඒක මහ බක්කක් වගේ පෙන්නන්න යනවා. මහ බැංකුව කියන විදියට පවුලකට මාසයක් ජීවත් වෙන්න රුපියල් 52,134 ක් යනවා. ලංකාවේ ලක්ෂ 84ක් වෙච්ච ශ‍්‍රම බලකායෙන් රුපියල් 50,000ට වඩා ආදායමක් හොයන්නේ 530,000ක් විතරයි. අවම වැටුපයි, ජීවිත්වෙන්න ඕන වියදමයි බැලූවම පේනවා අපේ රටේ පහළ පන්තීන්ට යන්තම් ලෙවකාලා ජීවත් වෙන්න හරි තව කොච්චර දුරක් යන්න තියනවාද කියලා. මේ උපරිමය කියලා ජනාධිපතිවරයා කියපු එක හරි. මේ ක‍්‍රමයට මීට වඩා දෙයක් දෙන්න බෑ. ඇත්ත ජීවිතයක් වෙනුවෙන් වෙන පාරක් හොයන්න ජනතාවට සිදුවෙනවා. 
 
ආණ්ඩුව කියනවා, 2005 ඉඳලා අවුරුදු 10ක් කරපු දේවල අස්වැන්නලූ මේ නෙලන්නේ. අවුරුදු 10ක් තිස්සේ යුද්ධයක් කරලා, මැරිලා, කඹුරලා-කඹුරලා, බෙල්ල කඩාගෙන වැඩකරලා, අන්තිමට පීඩිත ජනතාවට ලැබෙන්නේ මෙච්චරයි. වතුර බිල 10%කින් අඩු කළාලු. ඒ කියන්නේ බොහෝ අයට මාසෙකට රුපියල් 50ක් 60ක් ඉතුරු වෙනවා. හාල් කිලෝව රුපියල් 80වට ගිහින් යෝගට් එකක මිල රුපියල් 3කින් අඩුකරනවාලු. කෑම කාලා යොගට් එකක් කන්නේ මේ රටේ කීයෙන් කී දෙනාද? බඩු මිල අඩුකරන්න කිසිම පියවරක් නොගෙන 10% කින් බඩු මිල අඩුකරන්න කියලා, වෙළෙන්දන්ගෙන් ඉල්ලීමක් කරලා. අපි කඬේට ගිහින් ‘‘ජනාධිපතිතුමා ඉල්ලීමක් කරපු නිසා අඩුවෙන් බඩු දෙන්න’’ කියලාද කියන්නේ? වැඩිවුණ සොච්චම් මුදල බදුවලින් ආයෙ ගන්නවා. මෙවර රජයේ ආදායම රුපියල් බිලියන 1689ක් ඒකෙන් රුපියල් බිලියන 1416ක්ම ඒ කියන්නේ 83.83%ක්ම බදු ආදායම්. එකක් දීලා දෙකක් උදුරගන්නවා. වැඩකරන ජනතාවට වෙන්නේ කබලෙන් ලිපට වැටෙන්න. 
 
අධ්‍යාපනය, සෞඛ්‍ය, ප‍්‍රවාහනය සඳහා රජයේ වියදම් කපලා ඒ බර ජනතාව මත පටවලා ආරක්ෂක හා නාගරික සංවර්ධනයට, අධ්‍යාපනයට කරන වියදම වගේ හය ගුණයක් වියදම් කරනවා. උසස් අධ්‍යාපනයට වගේ හත් ගුණයක් වියදම් කරනවා. සෞඛ්‍යයට වගේ දෙගුණයක් වියදම් කරනවා. ප‍්‍රවාහනයට වගේ හතර ගුණයක් වියදම් කරනවා. ආණ්ඩුව ප‍්‍රමුඛතා තෝරලා තියෙන්නේ එහෙමයි. මාර්ග සංවර්ධනයට බිලියන 200ක් වෙන් කරද්දී පාසල් අධ්‍යාපනයට බිලියන 47යි. උසස් අද්‍යාපනයට බිලියන 41යි. සෞඛ්‍යයට බිලියන 139යි. ප‍්‍රවාහනයට බිලියන 76යි. කොහොමත් මිනිස්සුන්ට වෙන්නේ පාරට බහින්න තමයි. මේ කරන්නේ සිහින වෙන්දේසියක් දාලා අපිට හීන අරගෙන ආණ්ඩුවට හිස් චෙක් එකක් අත්සන් කරලා දෙන්න කියනවා. බලය ගත්තම කරන දේ නොකියා අපිට සිහින දෙන එකට හිලව්වට අවුරුදු ගානකට බලය දෙන්න කියනවා. දෙන දෙයක් කාලා වෙන දෙයක් බලාගෙන ඉන්න අයට නම් මේ කෙන් සතුටු වෙන්න පුළුවන්. ඒත් අභිමානවත් ජීවිතයක්, තෘප්තිමත් ජීවිතයක් ගැන අපේක්ෂා තියාගෙන ඉන්න බහුතරයක් ජනතාවට නවලිබරල් ධනවාදයට දෙන්න පුළුවන් දෙයක් නෑ කියලා ඔප්පුවෙලා තියෙනවා. මේ සරුව පිත්තල සන්දර්ශන වෙනුවට විශමතාවයෙන් තොර ආර්ථිකයක්, ලාභය වෙනුවට සමාජ අවශ්‍යතා මත පදනම් වූ ආර්ථිකයක්, ධනපතියන් අතලොස්සක් වෙනුවට ජනතාව විසින් හසුරුවන ආර්ථිකයක්, ශ‍්‍රමයේ ඵල ශ‍්‍රමය හෙලන්නාට හිමිවන ආර්ථිකයක්, මිනිස් සමාජයටත් පරිසරයටත් වගකීම් සහගත ආර්ථිකයක් ගොඩනැගීම තුළ විතරයි පිළිතුරු තියෙන්නේ, කියලා මෙවර අයවැයත් ඔප්පු කළා’’

වීරවංශගේ ගෝලයෙක් පුහුණුවට යෙදූ මුදල් ගසා කයි

 

wimalරුපියල් ලක්‍ෂ 22කට අධික මුදලක් වංචා කළ බවට වරද පිළිගත් යුද හමුදා නිලධාරින් දෙදෙනෙකුට කොළඹ මහාධිකරණය විසින් දඩ සහ අත්හිටවු සිරදඬුවම් නියම කර ඇත.

මෙලෙස වංචා කොට ඇත්තේ පුහුණුව සඳහා විදේශ ගතවන යුද හමුදා නිලධාරින් වෙනුවෙන් වෙන්කරන ලද මුදල්ය. වංචා කරනු ලැබු රුපියල් ලක්‍ෂ 22කට අධික මුදල් විත්තිකරුවන් දෙදෙනා විසින් යුද හමුදාවට ගෙවා ඇති බව අනාවරණය වීම නිසා ඔවුන්ට රුපියල් එක්ලක්ෂ අසූදාහක (රු.1,80,000) දඩයක් නියම කර ඇති අතර වසර 6 බැගින් වු සිරදඬුවම් වසර 20ක කාලයකට අත්හිටුවා ලබාදී ඇත. චෝදනාවන්ට වරද පිළිගැනීම නිසා මෙලෙස දඬුවම් නියමව ඇත්තේ එවකට යුද හමුදා ගුවන් පාලක මණ්ඩලයේ කපිතාන්වරයකු වු එස්.පී. ලොකුහැන්නදිගේ හා කෝප‍්‍රල් වරයකු වු ටී.ජේ. දහනායක යන දෙදෙනාටය.

මෙලෙස චෝදනාවන්ට ලක්වු GW(O)/62184 අංක දරණ කපිතාන් එස්.පී. ලොකුහැන්නදිගේ නැමැත්තා 2011.03.31 දිනසිට බලපැවැත්වෙන පරිදි හමුදා සේවයෙන් විශ‍්‍රාම ගන්වා ඇති අතර විමල් වීරවංශ අමාත්‍යවරයා විසින් එස්.පී. ලොකුහැන්නදිගේ නැමති අයට 2011.05.23 දිනසිට ශ‍්‍රී ලංකා රාජ්‍ය ඉංජිනේරු සංස්ථාවේ නියෝජ්‍ය සාමාන්‍යාධිකාරී මානව සම්පත් හා පාලන ලෙස පත්වීම ලබාදී ඇත.

මින් ඉහතද වීරවංශ අමාත්‍යවරයා විසින් ඉංජිනේරු සංස්ථාවේ ප‍්‍රධාන ආරක්‍ෂක නිලධාරියා ලෙස පත්කර සිටි යුද හමුදා විශ‍්‍රාමික මේජර්වරයකු වු ජාතික නිදහස් පෙරමුණේ නැගෙනහිර කොළඹ කළාප සංවිධායකවරයා ලෙස කටයුතු කල ඩී.එන්.ආර් පීරිස් නැමැත්තා සිදුකල වංචා රැසක් හෙළිවීමත් සමග ඔහුටද සංස්ථා සේවයෙන් ඉල්ලා අස්වීමට සිදුවු අතර ඔහු මේ වනවිට එක්සත් ජනතා නිදහස් සන්ධාන පළාත් සභා මන්ත‍්‍රීනී මල්ෂා කුමාරතුංග යටතේ සේවය කරන බවද වාර්තාවේ

‘වමේ පියවර’

IMG 281

vivara-fm

vivara-tv

Piya-Luogo

“ මම ජීවත් වෙන්නේ තවත් දවස් 23 යි “

  නොවැම්බර් පළමු වැනිදා මියයාමට  සුදානමින් සිටින තරුණියක් ගැන ඇමරිකාවෙන් වාර්තා වෙයි.29 හැවිරිදි මෙම තරුණිය  බ්‍රිට්නි මේනාර්ඩ් නම් වෙයි.නොවැම්බර් පළමු වැනිදා...