ලංකා

නිදහස් මාධ්‍ය වෙනුවෙන් අපි මෛත්‍රීට කඩේ යනවා

mediyaඑළඹෙන ජනාධිපතිවරණයේදී මෛත්‍රිපාල සිරිසේන විපක්ෂයේ පොදු අපේක්ෂකවරයාට සහාය ලබා දෙන බව නිදහස් මාධ්‍ය ව්‍යාපාරය පවසයි.
මෙරට බරපතළ ලෙස ඛාදනයට ලක් වූ ජනතාවගේ තොරතුරු දැන ගැනීමේ අයිතිය සහ මාධ්‍ය නිදහස සම්බන්ධයෙන් කරන ලද ඉල්ලීම් ජනාධිපති මහින්ද රාජපක්ෂ ප්‍රමුඛ වත්මන් ආණ්ඩුව සහමුලින්ම ඉවත දමා ඇති බව නිදහස් මාධ්‍ය ව්‍යාපාරයේ කැඳවුම්කරු සුනිල් ජයසේකර කොළඹ පැවති මාධ්‍ය සාකච්ඡාවකට එක් වෙමින් කියා සිටියේය.

අධිවේගී මාර්ග, නොරොච්චෝල මහින්ද චින්තනයට අයිති නෑ.. ඒවා මගේ.. චන්ද්‍රිකා චින්තනයේ..

chan5ලංකාවේ ඉදිවන අධිවේගී මාර්ග සහ නොරොච්චෝලේ ගල් අගුරු බලාගාරය තම පාලන කාලයේදී ලබාගත් ඒවා බැවින් ඒවා මහින්ද චින්තනයට අයත් නොවන්නේ යයි හිටපු ජනාධිපතිනි චන්ද්‍රිකා කුමාරතුංග පැවසුවාය.
ඇය මෙසේ පැවසුවේ කුරුණෑගල පැවති රැස්වීමක් අමතමිනි.
‘නොරොච්චෝලේ බලාගාරයට ගිවිසුම් අත්සන් කළේ මම. දකුණු අධිවේගී මාර්ගයට කටුනායක අධිවේගී මාර්ගයට බාගයකටත් වැඩියෙන් ගිවිසුම් අත්සන් කරලා භාරදුන්නේ මමයි. හැබැයි මෙයාලා ඒවා ගැන වචනයක්වත් කියන්නේ නැහැ. කියන්නෙම මේවා ඔක්කොම මහින්ද චින්තනයට හැදුවා කියලයි. මේවා මහින්ද හදාපු ඒවා නෙවෙයි චන්ද්‍රිකා හදාපු ඒවා’ යයිද ඇය එහිදී කීවාය.

සැබෑ "තක්කඩීන්" කවුරුන්ද?

downloadමේ වන විට ඊනියා වාම බුද්ධිමතුන් හා රැඩිකල් වෙස්මුහුණු පැලදි ලිබරල් උයන්පල්ලන් වමේ පෙරමුණට එරෙහි ප්‍රහාරය තීර්වකරමින් සිටී. දැන් ඔවුන් අපව හදුන්වන්නේ "වමේ තක්කඩීන්" ලෙසටය. ඒ ගැන අපට සතුටුය. ධනවාදයට එරෙහි "තක්කඩි" කම් කිරීම පිලිබඳව සහතිකයක් දැන් අපට ලැබී තිබේ. 
එහෙත් අප ඔබලා ගේ "තක්කඩි" කම් පිළිබඳව ජනතාවට හෙළිදරව් කිරීමේ වගකීම ද පවරාගෙන සිටින බැවින් නිරන්තරයෙන් එකී කටයුත්තේ ද නිරතවිය යුතු වෙමු. මහින්ද රාජපක්ෂගේ තක්කඩි කම් ගැන අලුතෙන් ලියන්නට යමක් ඉතිරි වී නැත. ජනතා පරමාධිපත්‍ය නම් "ජනතාව පලවාහැරීමේ" මන්තරය 108 වාරයක් ජපකරමින් අනෙක් සෑම ධනපති නායකයෙකු මෙන්ම ඔහුද කොල්ල කෑමේ නිරත වන්නේය. ඊට එරෙහි බලවේග මර්ධනය කිරීම සඳහා නීතියෙන් ධනපති පංතියට සපයා ඇති ආයුධ මෙන්ම 'නීති විරෝධී' ආයුධ ද යහමින් ඒ සඳහා යොදා ගැනීමට ඔහු කටයුතු කලේය. පොදු අපේක්ෂකයා සමඟින් පෙළගැසෙන කණ්ඩායම් ඔහුට එරෙහිව සටන් වදින්නේ මේ 'නීති විර‍ෝධී' ආයුධ භාවිතය නවතා දම්න්නට කටයුතු කල යුතු බව පවසමින්ය. ඒ සඳහා තනි පුද්ගලයෙකු ලෙස විධායක ජනාධිපතිට ඇති බලතල ගලවා දමා එය බෙදාහැරිය යුතු බව පවසයි.
ප්‍රජාතන්ත්‍රවාදය ශක්තිමත් කරමු යන සටන්පාඨය සමාජගත කරන්නේ මෙකී පදනමිනි.
එහෙත් පොත් තුල ඇති ධනේෂ්වර ප්‍රජාතන්ත්‍රවාදය සීමා වන්නේ එතැනට පමණක්ද යන්න විමසිය යුතුය. එහි කම්කරුවන්ට සිය අයිතිවාසිකම් වෙනුවෙන් සටන් කරන්නට සීමා සහිත හෝ අයිතියක් ලබා දී ඇත.ශිෂ්‍යයන්ට සිට අයිතිවාසිකම් වෙනුවෙන් සටන්කරන්නට අයිතියක් ලබා දී ඇත. රතුපස්වල ජනතාවට වතුර ඉල්ලා සටන් කරන්නට අයිතිවාසිකම් ලබා දී ඇත. එහෙත් පොදු අපේක්ෂකයාගේ ප්‍රජාතන්ත්‍රවාදය තුල මේ පිළිබද කිසිදු සටහනක් නැත. ඔහු පෙරමුණ ගෙන(?) බිහි කරන පාලනය යටතේ මෙකී අයිතීන් තහවුරු කරනවාද යන්න විමසන්නටහෝ ඒ ගැන අදහසක් හෝ මතුකරන්නට ඉහත ඊනියා වාම බුද්ධිමතුන් හෝ ලිබරල් උයන්පල්ලන් කටයුතු කරන්නේ නැත. අප එම ප්‍රශ්නය මතු කරන විට "සහෝදරයා මේ ධනේෂ්වරයේ මොහොතක්( සිනහව පාලනය කරගන්න)..සියල්ල මින් විසදෙන්නේ නැහැ..එහෙත් අනිවාර්යෙන් මහින්ද පරාජය කර ප්‍රජාතන්ත්‍රවාදය ශක්තිමත් කල යුතුයි..ජනතාවට ඒ ජයග්‍රහණය ලබා දිය යුතුයි.." යනුවෙන් හනි හනිකට මැදිහත්වෙමින් පවසන්නෝ මේ කොටසය. එහෙත් මින් පසු ශක්තිමත් වන ප්‍රජාතන්ත්‍රවාදය යන්නෙන් කාට කුමක් සදහා ලැබෙන නිදහස ද? යන්න කිසිවිටෙකත් නිශ්චිත කර කියන්නට මෙම කොටස ඉදිරිපත් වන්නේ නැත. 
තවද එක්සත් ජාතික පක්ෂය වර්තමානයේ පක්ෂයක් ලෙස පක්ෂය තුල ක්‍රියාත්මක කරන ප්‍රජාතන්ත්‍රවාදයේ ස්වභාවය ගැන රටටම රහසක් නොවන මුත්,එවැනි පිරිසක් බලය ලබාගෙන ජනතාවට ලබාදෙනවා යයි පවසන ප්‍රජාතන්ත්‍රවාදය ගැන තර්කානුකූල ප්‍රශ්නයක් මතු කරන්නටවත් මේ මහදැනමුත්තන් ඉදිරිපත් වන්නේ නැත. සැබවින්ම ඔවුන් සිදුකරන්නේ එවැනි ප්‍රශ්නයක් මතුකරන්නට ඉදිරිපත් වන්නන්ට පහර ගසා බිම හෙලීමට හැකි සෑම අයුරින්ම උත්සහ දැරීම පමණි. ජනතාවට "අර්ධ සත්‍ය" ප්‍රකාශ කරන්නෝ ජනතාව මුලාකිරීමේන් සිය අරමුණු ඉටුකරගන්නට තැත්කරන "ජනතා විරෝධී තක්කඩීන්" මිස අන්යමක් නොවේ.
ඉතා පැහැදිලිවම අප ඔවුන් පරාජය කල යුතුය. වෙනත් අයුරකින් පවසන්නේ නම් ජනතාව මුලාකරමින් පාලනයෙහි යෙදෙන්නා වූ මහින්ද රාජපක්ෂ, රනිල් වික්‍රමසිංහ,මෛත්‍රිපාල සිරිසේන, චන්ද්‍රිකා බණ්ඩාරනායක අැතුලු කොල්ලකාරී ධනපති පාලක පංතියත් ඔවුන්ට රැකවල් සපයන ඊනියා වාම බුද්ධිමතුන් හා රැඩිකල් වෙස්මුහුණු පැලදි ලිබරල් උයන්පල්ලන් අැතුලු සියල්ලත් පරාජය කල යුතුය. එය පහසු කටයුත්තක් නොවේ.එක් රැයකින් කල හැක්කක්ද නොවේ. ඒ සඳහ සෑම රැයකම හා දවාලකම ජනතාවට පූර්ණ සත්‍යම පවසමින් වසර ගණනාවක් ගෙවන්නට අපට සිුවනු ඇත. එහෙත් ඒ හැර අපට විකල්පයක් නැත. 
එනිසා "අද රෑට පමණක්" එකී වගකීම අතහැර "මේ ධනේෂ්වරයේ රාත්‍රිය" පහන් කරගන්නට සහය දෙන්නට යයි පවසන ජනතා විරෝධී තක්කඩීන්ට අපට පවසන්නට ඇත්තේ අප වගකීමෙන් බැදී ඇත්තේ නිර්ධන පංතියට සත්‍ය අවබෝධ කරදෙන්නට මිස ඔබලා වැනි තක්කඩීන්ගේ අරමුණු සාක්ෂාත් කර දෙන්නට නොවන බවයි.

මහින්දට වඩා ප‍්‍රභාකරන් හොදයි

champikaජනාධිපති මහින්ද රාජපක්‍ෂ පාලනය විසින් මෙම කාලය තුල රටට සිදු කර ඇති විනාශය කොටි ප්‍රභාකරන් තිස් වසරටම කලේ නැති බව ජාතික හෙළ උරුමයේ ප‍්‍රධාන ලේකම් පාර්ලිමේන්තු මන්ත‍්‍රී පාඨලි චම්පික රණවක පවසයි.
පොදු අපේක්‍ෂකයා වෙනුවෙන් මාවනැල්ලේදී පැවති අන හමුවක් අමතමින් ඔහ් සඳහන් කලේ රාජපක්‍ෂ පාලනයට තුන්වන අවස්ථාවත් ලබාදීමට ජනතාව සූදානම් නැති බවත් එළැඹෙන ජනවාරි 08 වැනිදායින් පසු උදා වන්නේ මෛත‍්‍රීපාලනයක් බවත් කීය.

දෙවියන් යදිමු අපි

dallasජාතික තරුණ සේවා සභාව, නිල් බලකාය සහ දිවි නැගුම දෙපාර්තමේන්තුව ඒකාබද්ධව සංවිධානය කරන ආශිර්වාද පිරිත් දේශනා මාලාවක් සහ බෝධි පූජා, දේව කන්නලව් ආදී ආගමික වැඩසටහන් ගණනාවක් මහින්ද රාජපක්ෂ මහතා වෙනුවෙන් මේ වනවිට ක්‍රියාත්මක කෙරෙමින් පවතී.
පසුගිය 14වෙනිදා කොළඹ නිදහස් චතුරශ්‍රයෙන් මෙය ආරම්භ කර ඇත අතර ලබන 31වන දින බෙල්ලන්විල රජමහා විහාරයේ පවත්වන මහා ආශිර්වාද පූජාවකින් එය නිමා කිරීමට සැලසුම් කර ඇත. ජාතික තරුණ සේවා සභාවේ වාහන 24ක් දිස්ත්‍රික්ක 24ක් පුරා පිටත්කර යවා පිරිත් දේශනා මාලාව ක්‍රියාත්මක කෙරෙමින් පවතී. දිනකට අවම වශයෙන් විහාරස්ථාන තුනකට වත් එම වාහන සමග පිරිස යායුතු අතර ප්‍රදේශවාසීන් සමග එක්ව ආශිර්වාද පුද පූජා පැවැත්වීමට නියම කර තිබේ.
එක් වාහනයක සංඝයා වහන්සේ පස් නමක් සහ ගිහි ආවතේව කරුවන් තිදෙනෙකු වශයෙන් යොදවා සිටී. විදි සංචාරය කරමින් පිරිත් දේශනා කිරීම අඛණ්ඩව සිදුකළ යුතු බවත් සමෘද්ධි ප්‍රතිලාභී පවුල් එම පිරිත් දේශනා රථ ගමන් ගන්නා මග දෙපසට පැමිණිය යුතු බවත් දන්වා තිබේ. මහින්ද රාජපක්ෂ මහතාගේ ඡන්ද ප්‍රචාරක යාන්ත්‍රණයේ ප්‍රබල පියවරක් වශයෙන් මෙය ක්‍රියාත්මක කෙරෙන අතර ඒ සඳහා යොදවා ඇති මහජන මුදල් ප්‍රමාණය කොපමණදැයි හෙළි නොවේ.

වමේ පෙරමුණ මගින් සංවිධානය කරනු ලබන සම්මන්ත‍්‍රණය - අනුරාධපුරයේදී

21

‘‘විකල්පය වමෙන් - වමේ බලයක් ගොඩගමු’’ නමින් ජනාධිපතිවරණයට සමගාමීව වමේ පෙරමුණ මගින් පවත්වනු ලබන සම්මන්ත‍්‍රණ මාලාවේ මීළග සම්මන්ත‍්‍රණය දෙසැම්බර් 21 සවස 03.00 අනුරාධපුරයේදී ප්‍රජා ශාලාවේදී පැවැත්වීමට කටයුතු යොදා ඇත. මෙහිදී වමේ පෙරමුණේ ජනාධිපති අපේක්ෂක දුමින්ද නාගමුව, මහාචාර්ය සුමනසිරි ලියනගේ සහ ලිනස් ජයතිලක සහෝදරුවරු අදහස් දැක්වීමට නියමිතය.

Dear Mr. President ...........

ඒ අපේ ජනාධිපති  ....අපි කියන්නේ එහෙමයි ... අපිට පුලුහන්ද ජනාධිපති ලගට යන්න... ඔහු එනවද අපිත් එක්ක ඇවිද යන්න ....  ඔහු අහනවද අපි කියනදේ ....

vivara-fm

vivara-tv

Piya-Luogo

දියකිඳුරි මව්වරුන්

මාතෘත්වයේ ඇති වැදගත්කම නිරූපණය කීරීම සඳහා විශේෂ ඡායාරූප වැඩසටහනක් වෙනුවෙන් මෙම ඡායාරූප ගනු ලැබුවේ ඇමෙරිකානු ජාතික ඡායාරූප ශීල්පී ආදම් ඕප්‍රිස්...