ලංකා

අරගල භූමියේ ජීවය හැර අන් යමක් නැත

 

stu4ආචාර්යවරු ඇතුලු ඇතැමෙකු "මම දැන් හොදටම දේශපාලනය දන්නවා" යැයි අපට කී විට අපි එයට සිනා නොවී අසා සිටියෙමු. ඔවුන් අපට සංවාද කරන්නට අලුත් විපක්ෂය සැදෙනකම් ඉන්නට යැයි කී විටද අපි ඔවුනගේ දේශපාලන ගණන් බැලීම් ආපසු පෙරලා ඔවුන් වෙතටම එන බව හොදින් දැන නිහඩව සිටියෙමු. අකලට මහ වරුසාව ඇද හැලුනි.


නියෝජිත ආයතනවලට නියෝජිතයන් තෝරන දේශපාලනයේ වාමාංශික පක්ෂ විපක්ෂය ලෙස පත් වීම අරුමයක් නොවූ මෑත කාලීන දේශපාලන ඉතිහාසයේ එකී ඇතැමුන් කිරි උතුරන, ලස්සන, හොද, යහපත්, ශක්තිමත්, අලුත්, ජනතාවාදී දේශපාලන විපක්ෂයක් සදන්නට ගමින් ගමට යන සැටි අපි කඩුල්ල ලගට වී බලා සිටියේ නැත. කෙසේ වුවත් ජනතාව කළ යුත්තේ කුමක්දැයි ඔවුන්ට වඩා හොදින් දැන සිටීම නිසා මේ අසුභ දිනයේ සුභ දසුනක පෙර නිමිති හෝ ඉතුරු විය. විමුක්තිය වෙනුවෙන් දේශපාලනය කළ හැකි යැයි විශ්වාසය දල්වන මිනිසුන් කිහිප දෙනෙකු හෝ හදුනා ගැනීමට ලැබීම වාසනාවකි.

රැඩිකල් දේශපාලනය යනු දේශපාලන තරග පිටියේ රීතිවලට අනුව තරග කිරීම නොව රීති වෙනස් කරමින් කී‍්‍රඩාවේ යෙදීමය. මා කලිනුත් පවසා ඇති පරිදි ලිබරල් චින්තන සිතිජයේ සීමාව තුළ සින්න සින ආසෙයි වැඩ කිහිපයක් ඇර කළ හැකි අටමගලයක් නැති බව මෙවර ඡන්දයෙන් තහවුරු කෙරිණි. අනික මිනිසුන් විපක්ෂ හෝ පරාජිත භූමිකා තෝරන්නේ මොන කෙංගෙඩියකටද? මෙවර අනුන් සැදූ පිටිවල කී‍්‍රඩා කිරීමට ගිය වැඩකාරයන් මේ Political Basics වත් දැන සිටියේ නැත.


දැන් මහින්ද පරාජය වී ඇත. මෛත්‍රීපාල ජනාධිපති හෙට දවසේ ශී‍්‍ර ලංකා නිදහස් පක්ෂයේ කල දසාව මෙන්ම ඉදිරි ආණ්ඩුවේ ඉරණමද තීරණය කරනු ඇත. ඒ ඔහු හොද ගේම්කාරයෙක් බව අප දන්නා නිසාය. එමෙන්ම මේ මැතිවරණයෙදී ජවිපෙ අනුගමනය කළාවූ සීඝ‍්‍රගාමී ප‍්‍රතිපත්තිවලින් එයට වූ හානිය සුලුපටු නොවන බව අප වටහා ගත යුතුය' අඩුම තරමෙ ජවිපෙ වෙනුවෙන් ගමක් ගමක් ගානේ ගොස් වැඩ කළ බුද්ධිමතුන් යැයි කී අයගෙන් එක් කාඩර්වරයෙකු හෝ බිහිවුනි නම් අඩුම තරමේ ඔවුනට කෙසේ වෙතත් එය ඉදිරි දේශපාලනයට යහපතක් වනු ඇත. ජවිපෙ කි‍්‍රයාකලාපයත් හෘද සාක්ෂිය විවිධ කොටස්වලට වෙන වෙනම බෙදා දීමත් හේතුකොටගෙන ඡන්දය දුන් ජනතාව කාරණා කිහිපයක් සිතන්නට ඇත. ඉන් එකක් නම් ශ‍්‍රී ලංකා නිදහස් පක්ෂයත් එක්සත් ජාතික පක්ෂයත් හැරුණු කොට ප‍්‍රතිපත්තිමය වෙනස්කම් නොවූ නිසා ඔවුන් ජනතාවට තෝරා බේරා කරදුන් අයුරින්ම ඔවුන් ඔවුන්ගේ විපක්ෂය තෝරා ඇත. අප පෙර කියු පරිදිම ජවිපෙ දැන් අලුත් ආණ්ඩුවේ කසලශෝධකයා ලෙස වගකීම පෙර පරිදිම භාර ගනු ඇත.

විමුක්ති දේශපාලනය ඇතුලු අරගල භූමියේ ජීවය රැකගත් සමුහයන් නිර්මාණය කිරීම වෙනුවෙන් සටන් වදිනවා හැරෙන්නට වෙනත් කිසිවක් වෙනුවෙන් ශ‍්‍රමය බිදකදු හෝ අපතේ නොයැවිය යුතුය. ගමනාන්තය තීරණය වන්නේ ගමන විසින්ම බව අප නැවත නැවතත් සිහිපත් කළ යුතුය.

ගීතිකා ධර්මසිංහ

අටවන පාර්ලිමේන්තුව

palimantලංකාවේ අටවන පාර්ලිමේන්තුව තෝරා පත්කර ගැනීම සඳහා පැවැත්වූ මැතිවරණයේ සියලු ප්‍රතිපල නිකුත් කොට තිබේ. ඒ අනුව එක්සත් ජාතික පක්ෂය ඡන්ද 5,098,927ක් (45.66%) ලබා ආසන 93ක් සහිතව පෙරමුණේ සිටී. එක්සත් ජනතා නිදහස් සන්ධානය ඡන්ද 4,732,669ක් (42.38%) ලබා ආසන 83ක් අතැතිව සිටී. ඡන්ද 5,15,963ක් දිනු දෙමල ජාතික සන්ධානයට ආසන 14ක්ද ඡන්ද 543,944ක් ලැබූ ජනතා විමුක්ති පෙරමුණට ආසන 4ක්ද හිමි වී ඇත. මීට අමතරව ඊ.පී.ඩී.පී. සංවිධානයට සහ ශ්‍රී ලංකා මුස්ලිම් කොන්ග්‍රසයට එක් ආසනය බැගින් හිමිව ඇත.

ජාතික ලයිස්තුවේ ආසන හිමි වූ පසුවද එක්සත් ජාතික පක්ෂයට හෝ එක්සත් ජනතා නිදහස් සන්ධානයට තනිව ආණ්ඩුවක් පිහිටුවීම සඳහා අවශ්‍ය ආසන 113ක පාර්ලිමේන්තු බහුතරය ලබා ගත නොහැක. එනිසා මීළඟ ආණ්ඩුව පිහිටුවීම සඳහා වෙනත් පක්ෂ වල මන්ත්‍රීවරු එක් කර ගැනීමට පක්ෂ දෙකම සාකච්ඡා පවත්වන බව වාර්තා.වේ. විශේෂයෙන් එක්සත් ජාතික පක්ෂය ශ්‍රී.ල.නි.ප.යේ මෛත්‍රී පිලේ මන්ත්‍රීවරුන්ගේ සහය ලබා ගැනීමට උත්සාහ කරමින් සිටින බව එම පක්ෂයේ ප්‍රකාශකයෙකු ලංකා වීව්ස් වෙත පැවසීය. අටවන පාර්ලිමේන්තුවේ බහුතර බලයකට ජනතා අනුමැතිය හිමි වී නැති බැවින් කෑලි පූට්ටු කර ආණ්ඩුවක් ඇටවීමට පක්ෂ නායකයන් වෙහෙස වනු අපට නිරීක්ෂණය කළ හැකි විය.

චන්දපලේ සෙල්ෆි ගහල කොල්ලෙක් හිරේ

 

selfi maanchuඅද (17) උදැසන වෙන්නප්පුව ලුණුවිල බෞද්ධ කණිෂ්ඨ විදුහල් ජන්ද මද්‍යස්ථානයේදී තමන් සලකුණු කරන ලද ජන්ද පත්‍රිකාව නීති විරෝධි ලෙස ජායාරූප ගත කල අයෙක් වෙන්නප්පුව පොලිසිය විසින් අත්අඩංගුවට ගෙන තිබේ.

මෙසේ අත්අඩංගුවට පත්ව ඇත්තේ ලුණුවිල ප්‍රදේශයේ පදිංචි 26 හැවිරිදි අයෙකි.

මෙම පුද්ගලයා තමන්ට හිමි ජන්ද පත්‍රිකාව රැගෙන අදාල හාඩ්බෝඩ් ආවරණය තුල සිට තම ජන්ද පත්‍රිකාව සලකුණු කිරිමෙන් පසු සැකකටයුතු අන්දමින් හැසිරීම නිසා පරික්ෂා කිරිමේදී ඔහු සිය ඡන්ද පත්‍රිකාව ඡායාරූපයට නගා ඇති බව හෙළිකරගෙන තිබේ.

සැකකරුට අදාල ජන්දය භාවිතා කිරීමට ඉඩ ලබා ඇති බවද පැවසේ.

කෙසේවුවද, ඔහු විසින් කරන ලද නීති විරෝධී ක්‍රියාව හේතුවෙන් අත්අඩංගුවට ගත් බවත් ඔහුව අද දිනයේ අධිකරණයට ඉදිරිපත් කරන බව වෙන්නප්පුව පොලිසිය සඳහන් කළේය.

ඡන්දය දැමීමට දැඩි උනන්දුවක්

chandayaඅද උදෑසන ඡන්දය ආරම්භ වූ මොහොතේ සිට මේ දක්වා කාලය තුළ කිසිදු ගැටළුවකින් තොරව ඡන්ද විමසීම් කටයුතු සිදු කරන බව මැතිවරණ නිරික්ෂකයින් පවසයි.

2015 මහ මැතිවරණයට අදාළ ඡන්ද විමසීම් කටයුතු අද උදැසන 07.00  දිවයින පුරා පිහිටි ඡන්ද මධ්‍යස්ථාන 12,314 කදී ආරම්භ කෙරිනි.

මෙවර මහමැතිවරණ නිරික්ෂණ කටයුතු සඳහා ෆැපර්ල් සංවිධානය හා කැෆේ සංවිධානය ඇතුළු විදේශිය නිරික්ෂකයින්ද අද දින දිවයින් පුරා තම නිරීක්ෂණ කටයුතුවල යෙදේ.

ඒ අනුව විදෙස් නිරීක්ෂකයින් 130 දෙනෙකු ඇතුළු දේශිය නිරික්ෂකයින් 30,000 ක් පමණ මෙම නිරීක්ෂන කටයුතු සදහා යොදවා ඇතැයි වාර්තාවේ.

අද උදෑසන සිට මධ්‍යහන 12.00 දක්වා ගෙවුනු කාලය තුළ කිසිදු කඩාකප්පල්කාරි ක්‍රියාවක් වාර්තා වී නොමැති බව  මැතිවරණ නිරික්ෂණ සංවිධාන සඳහන් වාර්තා කරයි.

මෙවර මැතිවරණයට සිය ඡන්දය පාවිච්චි කිරීම සදහා ඡන්ද දායකයින් දැඩි උනන්දුවකින් ඡන්ද මධ්‍යස්ථාන වෙත පැමිණෙමින් සිටින බව වාර්තාවේ.

බොහෝ ඡන්ද මධ්‍යස්ථානවල ඡන්දය දීමට දිගු පෝලිම් දක්නට ලැබූණ බවද වාර්තාවේ.

ඡ්න්දය දැමීමේ උනන්දුවක් ජනතාව අතර නොතිබුනු බවට වන ලක්ෂණයක් පසුගිය දිනවල තිබුනද මේ වනවිට රට පුරාම ඡන්දදායකයින් සිය ඡන්දපොල වෙත පැමිණීමේ කැපීපෙනෙන තත්වයක් දක්නට ලැබෙන බව වාර්තාවේ.

මේ දක්වා කිසිදු ප්‍රදේශයකින් විශේෂ බරපතල සිදුවීමක් වාර්තා නොවන බව පොලිස් මාධ්‍ය අංශයද  වාර්තා කරයි. මෙවර මැතිවරණයේ ආරක්ෂාව සදහා  පොලිසිය හා විශේෂ කාර්ය බලකාය විසින් විහේෂ ආරක්ෂක වැඩ සටහනක්ද ක්‍රියාත්මක කර ඇත.

බොරු ගොතන ජවිපෙ දැන්වීම් වලට විතරක් කෝටි පනහයි .. එකෙන්ම ජවිපෙ අවසානයි.. දබර අමිල සාක්ෂි කියයි.. උදුල්

 

udul newපසු ගිය දින කිහිපය තුල අන්තර්ජාලයේ මගේ පැරණි මිතුරන් වන ජනතා විමුක්ති පෙරමුණේ සහෝදරවරුන් කිහිපදෙනෙකු තම මැතිවරණ ව්‍යාපාරයේ කොටසක් ලෙස මා සම්බන්ධකරගනිමින් අවලාද ව්‍යාපාරයක් ගෙන යන අකාරය නිරීක්ෂණය කලෙමි. පෙරටුගාමී සමාජවාදී පක්ෂයේ උදුල් එක්සත් ජාතික පක්ෂයේ විජයදාස රාජපක්ෂගේ පෝස්ටර් රැගෙන ගිය බව ඉන් කියවිණි.

මෙහිදී මුලින් සඳහන් කල යුතු වන්නේ මීට වසරකට පමණ පෙර රුප සටහන් සහ කාටුන් වැනි දෑ උපයෝගී කරගනිමින් මා ඇතුළු සහෝදරවරු ගණනාවක් පෙරටුගාමී සමාජවාදී පක්ෂයෙන් ඉවත්ව ගිය ආකාරය ප්‍රදර්ශනය කොට වියරු සතුටක් විඳි ඔවුන්ම අද මා පෙරටුගාමී සමාජවාදී පක්ෂයේ ඉදිරිපෙළ නායකයකු ලෙස පෙන්වමින් මෙම විකුර්ති කරන ලද පුවත් ඉදිරිපත් කිරීමයි.

එමෙන්ම සුපුරුදු ආධාර පත්‍ර සහ කැට ව්‍යාපාර සහ අනෙකුත් ආධාර ලබා ගැනීමේ ක්‍රියාවලි කිසිවක් නොමැති,සාමාන්‍ය ජනතාවගෙන් යැපෙන්නා කියන්නා වූ ජනතා විමුක්ති පෙරමුණේ රුපියල් කොටි පනහක් වන මාධ්‍ය වෙළඳ දැන්වීම් වලට පමණක් තිබියදී සහ (ජවිපෙ යම් සහෝදරයෙක් මෙම වියදම පිළිඹඳ ප්‍රශ්න කළහොත් පල කරන ලද රුපවාහිනි දැන්වීම් හා පුවත් පත් දැන්වීම් එකින් එක ගෙන මෙම වියදම සනාත කිරීමට මා සුදානම්ය.)

ජනතා විමුක්ති පෙරමුණේ මධ්‍යම කරාක සභිකයකු වූ දබර අමිල හිමියන් චන්දය අත ළඟ තිබියදී එක්සත් ජාතික පක්ෂයට පැන තිබියදී, සහ අනුර දිසානායකගේ එක්සත් ජාතික පක්ෂය සමඟ වන සියලුම ඩීල් එසේම තිබියදී මා මාගේ සහෝදර නීතිඥයකු සමඟ පුද්ගලික ගමනක් යමින් සිටින අවස්තාවක සිඳු වූ සිදුවීමක් පිළිබධව බරපතල අවලාධ නැගීමට බංකොලොත් උත්සහයක නිරත වෙමින් සිටී.

මෙම පෝස්ටර් ප්‍රවාහනය පිළිඹඳ කතාන්දරයේ සැබෑ සිඳුවීම වුයේ මගේ හිතවත් නීතිඥයකු සමඟ පසු ගිය බ්‍රහස්පතින්ද රාත්‍රියේ සිනමන් ලේක් සයිඩ් හෝටලයේ පැවති රාත්‍රී භෝජන සංග්‍රහයකට සහබාගි වී ඔහුගේ වාහනයෙන් නැවත පැමිණෙමින් සිටියදී මරදාන පොලිස් බල ප්‍රදේශයේදී ඊට පසු දින පැවැත්වීමට නියමිතව තිබු අවසන් රැලි මාලාව නිසා විශේෂ වාහන පරීක්ෂාවක් සිදු කිරීම සහ වාහනය පැදවූ නිසා වාහනය පැද වූ මාගේ මිතුරා තරමක් බීමත්ව සිටි නිසා අප ගමන් කල වාහනය පරීක්ෂාවට ලක්වීමය.

මේ අයුරින් සිඳු වූ මෙම සරල සිඳුවීම ජනතා විමුක්ති පෙරමුණ වමාරා කන ආකාරය දැකීම ඉතා අප්‍රසන්නය.. මාද ආරම්භක සාමාජිකයෙක් වූ අලුත් පරපුර ඇතුළු යම් පළල් බලවේගයක් මෙවර ජනතා විමුක්ති පෙරමුණට සහය දෙන බව බැලූ බැලමට පෙනී යයි. මතුපිටින් ගතහොත් එයට මෙවර පුළුල් පිරිසකගේ සහය හිමිවන පෙර අවස්ථාවන්ට වඩා වැඩි චන්ද ප්‍රමාණයක් හිමි වන සහ ජනතා විමුකති පෙරමුණේ ඉදිරියේ සිටින සාමාජිකයන් මෑත කාලයේ නොවූ විරු තරම් විශාල ක්‍රියාකාරිත්වයකට මෙවර මැතිවරණයේදී ගමන්කොට තිබෙන බවක් පෙනී යයි. එය ජනතා විමුක්ති පෙරමුණේ උච්චතම ජයග්‍රහණයක් ලෙස අනුර දිසානායක ප්‍රමුක ජවිපෙ නායකත්වයත් සයිබර් අවකාශයේ ජවිපෙ සයිබර් විප්ලවවාදිනුත් අලුත් පරපුර වැනි ජනවාරි අට උපත ලද විප්ලවවාදිනුත් කල්පනා කරනවා ඇත. නමුත් ජවිපෙට තම තර්කානුකුල අවසානය මෙම ක්‍රියාකාරීත්වය ඔස්සේ තව දුරටත් ලං වී ඇති බව ඔවුනට නොබෝ දිනකින්ම වැටහෙනු ඇතැයි මා ඉතාම පැහැදිලිව ප්‍රකාශ කරනු කැමැත්තෙමි.

ජවිපෙ තර්කානුකුල අවසානය ලෙස සඳහන් කලේ ජනතා විමුක්ති පෙරමුණ පක්ෂයක් ලෙස වැඩ නතර කිරීම හෝ විසුරුවා හැරීම නම් නොවන බව මෙහිදී පැහැදිලිව කිව යුතුය.

ජනතා විමුක්ති පෙරමුණ වැනි මිනිසුන්ගේ හදවතෙහි ගැඹුරුම තැන් සපර්ෂ කල පක්ෂයක් එසේ ලෙහෙසියෙන් විසුරුවා හැරෙන්නේ නැත. මා අදහස් කලේ ඔවුන් විප්ලවවාදී පක්ෂයක් ලෙස තර්කානුකුල අවසානයකට පැමිණෙන බව පමණි. පක්ෂය දිය වී යාම හෝ වීසුරුවා හැරීම වැලැක්වීම සඳහා ඕනෑම ජඩ පැවැත්මකට පක්ෂය ගෙන යෑම සඳහා අනුර දිසානායකල මදිනම් ලාල් කාන්තලා ජනතා විමුක්ති පෙරමුණේ සිටින බව මා ඉතාම හොඳීන් දනිමි.

මෙවර ජනතා විමුක්ති පෙරමුණේ ප්‍රතිපත්ති ප්‍රකාශය බැලු පමණින් මොලය සයිල කිහිපයක් හෝ වැඩ කරන අවම වශයෙන් ජනතා විමුක්ති පෙරමුණේ පන්ති පහෙන් පළමු පන්තියවත් හරි හැටි අවභෝධ කරගෙන සිටින අයෙකුට නවීන සමාජවාදයයි කියමින් ජවිපෙ ගෙන ඇති වංගුව නොපෙනේනම් ඒ දේශපාලන ළදරුවෙක් හෝ කපටියකුට විය යුතුය..

මැතිවරණ දිනය වන හෙටට පෙර මා හටනම් මේ පිළිඹඳ මහා සංවාද කිරීමේ කලබලයක් නොමැත. කැමති කෙනෙක් කැමති පක්ෂයකට චන්දය දුන්නට කම් නැත. නමුත් දෙශපාලනය කිරීම යනු කුමක්ද සහ ජනතා විමුක්ති පෙරමුණ සහ ඉන් වෙනස්වෙනවායි කියූ පෙරටුගාමි සමාජවාදී පක්ෂයේ දේශපාලන ක්‍රියාකාරිත්වය පිළිබඳවා අනවරත සංවාදයක් මේ චන්ද ගායෙන් මිඳුණු පසු වඩා නිරවුල් මනසකින් යුතුව අවතීර්ණ විය හැකියැයි මම තදින්ම විස්වාස කරමි.

විශේෂාංග පුවත්

Audio - අපිත් ජවිපෙ වගේ වැඩ කලොත් හෙට ද…

Audio - අපිත් ජවිපෙ  වගේ වැඩ කලොත් හෙට දවසේ ඇත්ත වමකින් අපිව පන්නයි .

මහ මැතිවරණෙ මොකද වුනේ ? මහින්ද පරාදයිද ? ජාතික ආණ්ඩුව යන්නේ කොහේටද ? පෙරටුගාමී එකට මොකද වුනේ ?ජවිපෙට මොකද වුනේ ? ආචාර්ය මධ්‍යම පාන්තික විද්වත්තු කලේ මොනවද ? හෙට වම... Read more

යහපාලන නියමුවන්ගේ කලකිරීම හා අඳ්‍රෝනා

යහපාලන නියමුවන්ගේ කලකිරීම හා අඳ්‍රෝනා

  මහින්ද ගෙදරයවා, යහපාලනය, ප‍්‍රජාතන්ත‍්‍රවාදය ස්ථාපිත කිරීම දූෂණ, වංචා පිටුදැකීම හා හොරු ඇල්ලීම නීතියේ ආධිපත්‍ය පිහිටුවීම වැනි නහුතයක් කතන්දර කියාගෙන පෙරට පැමිණී විවිධ පක්ෂ පුද්ගලයන් සහ බලවේග අන්තිමට සතුටුවූයේ මොනා නැතත්... Read more

ජනවාරි 8න් පස්සේ වෙනස් නොවුදේ 17න් පස්සේ…

ජනවාරි 8න් පස්සේ වෙනස් නොවුදේ 17න් පස්සේ වෙනස්වේවිද

අද දින මරදාන CSR ශාලාවේදී පැවති මාධ්‍ය සාකච්ඡුාවකදී පෙරටුගාමී සමාජවාදී පක්ෂයේ ප‍්‍රචාරක ලේකම් පුබුදු ජාගොඩ මහතා මෙසේ අදහස් දක්වන ලදි. මේ අවස්ථාවට පෙරටුගාමී සමාජවාදී පක්ෂයේ ප‍්‍රධාන ලේකම් සේනාධීර ගුණතිලක, දේශපාලන මණ්ඩල... Read more

Prev Next

Audio - අපිත් ජවිපෙ වගේ වැඩ ක…

Audio - අපිත් ජවිපෙ  වගේ වැඩ කලොත් හෙට දවසේ ඇත්ත වමකින් අපිව පන්නයි .

මහ මැතිවරණෙ මොකද වුනේ ? මහින්ද පරාදයිද ? ජාතික ආණ්ඩුව යන්නේ කොහේටද ? පෙරටුගාමී එකට මොකද වුනේ ?ජවිපෙට මොකද වුනේ ? ආචාර්ය මධ්‍යම පාන්තික විද්වත්තු කලේ මොනවද ? හෙට වම නැත්තටම නැති වෙයිද ? චන්ද කෙරුවාව වැඩක් තියෙනවද ? එකී මෙකි...

යහපාලන නියමුවන්ගේ කලකිරීම හා අ…

යහපාලන නියමුවන්ගේ කලකිරීම හා අඳ්‍රෝනා

  මහින්ද ගෙදරයවා, යහපාලනය, ප‍්‍රජාතන්ත‍්‍රවාදය ස්ථාපිත කිරීම දූෂණ, වංචා පිටුදැකීම හා හොරු ඇල්ලීම නීතියේ ආධිපත්‍ය පිහිටුවීම වැනි නහුතයක් කතන්දර කියාගෙන පෙරට පැමිණී විවිධ පක්ෂ පුද්ගලයන් සහ බලවේග අන්තිමට සතුටුවූයේ මොනා නැතත් අපි මහින්දව ගෙදර යැව්වනේ කියාය. දැන් ඒකත් පම්පෝරි වැඩක් වී...

20150819

කියවන්න පත්තරේ ....
දැනගන්න විස්තරේ ....
දැනගෙන විස්තරේ ....
හැරෙන්න වමට ....

0

ආණ්ඩුක‍්‍රම ව්‍යවස්ථාවේ 20 වෙනි සංශෝධනය මගින් ස්ථාපිත කිරීමට යෝජනා කරලා තියෙන නව මැතිවරණ ක‍්‍රමය ජනතාවගේ බලය වෙනුවට පාලකයන්ගේ බලය ශක්තිමත් කරන, ජනතාවගේ ප‍්‍රජාතන්ත‍්‍රවාදී අයිතීන් විනාශකරන ව්‍යාපෘතියක කොටසක් නිසා තමන් එයට විරුද්ධ බව පෙරටුගාමී සමාජවාදී පක්ෂය පවසයි.

alut-vivara

vivara-fm

vivara-tv

Piya-Luogo

ගුජරාට් ප්‍රාන්තයේ ප්‍රචණ්ඩ ක්‍රියා

  ඊයේ බදාදා රාත්‍රි, කුලවාදී ප්‍රචණ්ඩ ක්‍රියා සහ ගිනි තැබීම් හට ගත් ගුජරාට් ප්‍රාන්තයේ වැසියන්ට සාමකාමී වන ලෙස ඉන්දීය අග්‍රාමාත්‍ය නරේන්ද්‍ර...