රැකියා ඕනනම් අපිට වැඩකරන්න ආණ්ඩුව උතුර නැගෙනහිර රැකියා විරහිත උපාධිධාරීන්ට බලපෑම් කිරීම හෙළාදකිනවා - ධම්මික මුණසිංහ

Monday, 27 February 2012 23:03

0 Comments

රැකියාවක් අවශ්‍ය නම් තමන්ට වැඩකරන ලෙසට උතුරු නැගෙනහිර පළාත්වල රැකියා විරහිත ‍උපාධිධාරීන්ට කෙරෙන ආණ්ඩුවේ දේශපාලන බලපෑම් තරයේ හෙලාදකින බව රැකියා විරහිත උපාධිධාරී සංගමයේ කැඳවුම්කරු ධම්මික මුණසිංහ මහතා පවසයි.

මේ දිනවල ආණ්ඩුව දේශපාලන හිතවත්කම් මත ලබාදෙන රැකියා සඳහා ප‍්‍රබල විරෝධයක් රට පුරා මතුව ඇත.ඉතිහාසයේ නොවූ විරූ ලෙස ආණ්ඩුව කිසිදු විනිවිදභාවයකින් තොරව හිතුමතේ නාම ලේඛන සකසා මේ වනවිට පත්වීම් ලබා දී ඇත.මුලින් ස්ථිර පත්වීම් ලෙස ලබාදුන් මෙකී රැකියා දැන් මාස 6ක කාලයකට පමණක් ලබාදුන් තාවකාලික බඳවා ගැනීම් දක්වා වෙනස් වී ඇත.සමස්ත උපාධිධාරීන් මේ දෙස බලාසිටින්නේ මෙය ද ආණ්ඩුවේ තවත් ප්‍රෝඪාවක් වන්නේදැයි සිතමිනි.මෙකී රැකියා ලබාදීම පිළිබඳ ආණ්ඩුවේ ප‍්‍රකාශ නිසා මේ වනවිට පත්වීම ලද උපාධිධාරීන් ද අපහසුතාවයට පත්ව ඇත.

මේ අතර උතුර හා නැගෙනහිර පළාත්වල රැකියා විරහිත උපාධිධාරීන්ට ආණ්ඩුවේ මැතිඇමතිවරු රැකියාවක් අවශ්‍යනම් තමන් හා වැඩකරන ලෙස දන්වමින් උපාධිධාරීන්ට බලපෑම් කරමින් රැස්වීම් පවත්වා ඇත.මෙසේ රාජ්‍ය සේවයේ බඳවා ගැනීම් සියල්ල උල්ලංඝණය කරමින් බඳවා ගැනීම හා ආණ්ඩුවට වැඩකළහොත් පමණක් රැකියා ලබාදෙන බවට සිදුකරන දේශපාලන බලපෑම් පිළිකුළෙන් යුතුව හෙළාදකිමු.විශේෂයේ මඩකලපුව සහ යාපනය යන දිස්ති‍්‍රක් වල ඉහත තත්ත්වය මතුව ඇත.

ආණ්ඩුව ජනතා විරෝධි ලෙස කටයුතු කරන අතර දේශපාලන බලය පාව්ච්චි කරමින් කරනු ලබන එවැනි තුච්ඡු කි‍්‍රයා නවත්වා,විධිමත්ව සියලූ උපාධිධාරීන්ට රැකියා ලබාදෙන ලෙස බලකරන අතර රැකියා විරහිත උපාධිධාරීන් ඇතුළු රටේ ජනතාව රැවටීම දැන්වත් නවත්වන මෙන් අවධාරණය කරමු.