ඉන්දියාවේ හමුදාපතිත් එයි..

සැප්තැම්බර් 04 - ඉන්දීය හමුදාපති වී.කේ සිං දින පහක සංචාරයක් සඳහා හෙට දිවයිනට පැමිණීමට නියමිත ය. මෙහි දී දෙරට අතර ආරක්ෂාව පිළිබඳ නව කතිවක් ඇති කර ගැනීමට නියමිත බව ඉන්දීය මාධ්‍ය අනාවරණ කරයි. ආරක්ෂක ලේකම්, හමුදාපති ඇතුළු ඉහළ පෙළේ ආරක්ෂක ප‍්‍රධානීන් කිහිප දෙනෙකු මෙම සංචාරයේ දී හමුවීමට නියමිත ය.

අලි හතරක් එළියට....

සැප්තැම්බර් 04 - ව්‍යවස්ථා සංශෝධනට සහය පළ කිරීමට සූදානම් මන්ත‍්‍රීවරුන් සිවු දෙනෙකුගේ පක්ෂ සාමාජිතක්වය පිළිබඳ එළඹෙන කෘත්‍යාධිකාරී මණ්ඩල රැුස්වීමේ දී තීරණයක් ගැනීමට එජාපය සැරසෙයි. ලක්ෂ්මන් සෙනෙවිරත්න, අර්ල් ගුණසේකර, අබ්දුල් කාදර් සහ මනූෂ නානායක්කාර එම සිවු දෙනා යි.

ආණ්ඩුවට 158 යි..

සැප්තැම්බර් 03 - ව්‍යවස්ථා සංශෝධනයට පක්ෂව ඡුන්දය පළ කිරීම සඳහා මේ වන විට මැති ඇමැතිවරු 158 දෙනෙක් සූදානම් ව සිටිති. පසුගිය මහ මැතිවරණයෙන් එක්සත් ජනතා නිදහස් සන්ධානය දිනා ගත්තේ ආසන 144ක් පමණි. ප‍්‍රභා ගනේෂන් සහ පී. දිගම්බරන් මන්ත‍්‍රීවරුන්ගේ සහය සමග එම සංඛ්‍යාව 146ක් විය. මුස්ලිම් කොංග‍්‍රසය ව්‍යවස්ථා සංශෝධනයට සහය දැක් වීම තීරණය කළ අතර එම මන්ත‍්‍රීධුර සංඛ්‍යාව 8කි. ඒ අනුව ආණ්ඩුවට සහය දක්වන මන්ත‍්‍රීවරුන්ගෙ සංඛ්‍යාව 154ක් විය. එක්සත් ජාතික පක්ෂයේ මන්ත‍්‍රීවරුන් තිදෙනකු අද සංශෝධනයට සහය පළ කළ අතර අබ්දුල් කාදර් මන්ත‍්‍රීවරයා ද ඊට සහය දෙන බව පවසා තිබිණ. ඒ අනුව ව්‍යවස්ථා සංශෝධනය සඳහා ඡුන්ද 158ක් හිමිවනු ඇත.

අඩි 5000ට ඉහළ ප‍්‍රදේශවල ගස් කැපීමට එරෙහි නීති..

සැප්තැම්බර් 03 - ජල පෝෂක ප‍්‍රදේශ වශයෙන් පවතින් මුහුදු මට්ටමේ සිටි අඩි 5000 ඉහළ භූමි ප‍්‍රදේශවල ගස් කැපීම සහ ඉදි කිරීම්වලට ඉඩ නොතැබීමට රජය තීරණය කර තිබේ. ජනාධිපතිවරයා පවසන්නේ මේ සඳහා වන ගැසට් නිවේදනය නුදුරේ දීම නිකුත් කරන බවයි. එම ප‍්‍රදේශවල අනවසරයෙන් ඉදිකිරීම්වල නිරත පුද්ගලයන්ට දැඩි දඩුවම් දිය යුතු බව ද මහින්ද රාජපක්ෂ මහතා පෙන්වා දෙයි.

ජී.එල්ට විශ්වාසභංගයක්...

සැප්තැම්බර් 03 - විදේශ අමාත්‍ය මහාචාර්ය ජී.එල් පීරිස් මහතාට එරෙහි විශ්වාසභංග යෝජනාවක් පාර්ලිමේන්තුවට ඉදිරිපත් කිරීමට එක්සත් ජාතික පක්ෂයේ සූදානමක් ඇතැයි වාර්තා වෙයි. විදේශ කටයුතුවල දී අමාත්‍යවරයා දැක් වූ අදක්ෂතා පදනම් කරගනිමින් මෙම යෝජනාව ඉදිරිපත් කිරීමට යෝජිත ය. ව්‍යවස්ථා සංශෝධන විවාදයෙන් පසු දිනෙක මෙය පාර්ලිමේන්තුවට ඉදිරිපත් කිරීමට නියමිත ය.

මනූෂත් දෑත් ශක්තිමත් කරයි..

සැප්තැම්බර් 03 - එක්සත් ජාතික පක්ෂයේ ගාල්ල දිස්ත‍්‍රික් පාර්ලිමේන්තු මන්ත‍්‍රී මනූෂ නානායක්කාර මහතා ද ව්‍යවස්ථා සංශෝධනයට පක්ෂය ඡුන්දය ලබා දීමට තීරණය කර තිබේ.

ආණ්ඩුවෙන් පිරිසක් විපක්ෂයට සහය දෙන බව දයාසිරි කියයි...

සැප්තැම්බර් 03 - ව්‍යවස්ථා සංශෝධනය පිළිබඳ ඡුන්ද විමසීමේ දී ආණ්ඩු පක්ෂයේ පිරිසක් ඊට විරුද්ධව ඡුන්දය ප‍්‍රකාශ කිරීමට නියමිත බව එජාප මන්ත‍්‍රී දයාසිරි ජයසේකර මහතා කියයි. ආණ්ඩුවේ ප‍්‍රභල අමාත්‍යවරුන් ද ඊට එක්වනු ඇතැයි අද කොළඹ පැවැති මාධ්‍ය හමුව දී ඒ මහතා පැවැසීය.

එජාප නි. මහලේකම් ව්‍යවස්ථා සංශෝධනයට පක්ෂයි..

සැප්තැම්බර් 03 - ව්‍යවස්ථා සංශෝධනයට පක්ෂව කටයුතු කරන බව එජාප නියෝජ්‍ය මහලේකම් ලක්ෂ්මන් සෙනෙවිරත්න මහතා අද පැවැති මාධ්‍ය හමුවක දී කියා සිටියේය. පළමු යුධ අධිකරණයේ දී සරත් ෆොන්සේකා මහතාට එරෙහි ව සාක්ෂි දීම සම්බන්ධයෙන් පක්ෂය මගින් ඔහුට එරෙහිව විනය පරීක්ෂණයක් පැවැත්වීමට තීරණය කර තිබිණ.

ආරියවතී ගෙදර යයි..

සැප්තැම්බර් 03 - සෞදියේ දී ඇණ ගැසීමකට ලක් වූ එල්.පී ආරියවතී මහත්මිය ඊයේ නේවාසික ප‍්‍රතිකාර අවසන් කරමින් කඹුරුපිටිය රෝහලෙන් පිටව ගියා ය. ඇණ 23ක් සහිතව රෝහල් ගත කළ ඇයගේ සිරුරේ තිබූ බොහෝ යකඩ කොටස් ඉවත් කිරීමට වෛද්‍යවරු සමත් වූහ.

පකිස්තාන අල්ලස් සිද්ධිය -
ක‍්‍රීකට් ක‍්‍රීඩකයන් තිදෙනකුට ක‍්‍රීඩාව තහනම්..

සැප්තැම්බර් 03 - අල්ලස් ලබා ගැනීම සම්බන්ධයෙන් එල්ල වී ඇති චෝදනා පිළිබඳ විභාගයන් අවසන් වන තුරු ඊට සම්බන්ධ බවට සැක කෙරෙන පකිස්තාන ක‍්‍රීඩකයන් තිදෙනා ක‍්‍රීඩා කිරීම තහනම් කෙරේ. සල්මාන් බට්, මොහොමඞ් අමීර් සහ මොහොමඞ් අසීෆ් යන ක‍්‍රීඩකයන්ට ජාත්‍යන්තර ක‍්‍රිකට් කවුන්සිලය මෙම තහනම පනවා ඇත.

ව්‍යවස්ථා සංශෝධනය පරදවමු - ජවිපෙ...

සැප්තැම්බර් 03 - පවුල් බලය තර කරන ඒකාධිපති පාලනයකට පාර කපන ව්‍යවස්ථා සංශෝධනය පරදවමු හිසින් යුතු අත් පත‍්‍රිකා ලක්ෂ 20ක් ජනතාව අතරේ බෙදා හැරීම ඊයේ කොටුව දුම්රියපොළ ඉදිරිපිටින් ඇරැඹිණ.

අත්පත‍්‍රිකාව ලබා ගන්න..

රනිල් ඉන්දියා යයි..

සැප්තැම්බර් 03 - විපක්ෂ නායක රනිල් වික‍්‍රමසිංහ මහතා ඊයේ ඉන්දියාව බලා පිටත් විය. තමිල්නාඩු දේශපාලනඥයන් සමග ශ‍්‍රී ලංකාවේ වත්මන් තත්ත්වය පිළිබඳ සාකච්ඡා කිරීම මෙහි අරමුණ බව වාර්තා වෙයි. දින දෙකක් ඔහු ඉන්දියාවේ රැුඳී සිටිනු ඇත.

සංශෝධනයට සහය දිය යුතු බව එජාප මන්ත‍්‍රී අර්ල් කියයි..

සැප්තැම්බර් 02 - එක්සත් ජාතික පක්ෂ පොළොන්නරු දිස්ත‍්‍රික් පාර්ලිමේන්තු මන්ත‍්‍රී අර්ල් ගුණසේකර මහතා ව්‍යවස්ථා සංශෝ්ධනයට සහය දැක් විය යුතු බව පවසා තිබේ. ඊයේ පැවැති පාර්ලිමේන්තු කණ්ඩායම් රැුස්වීමේ දීය මේ බව තමා පැවසූ බව ඔහු කියයි. එක ම නායකයකු නැවත වරක් බලය ඉල්ලන විය ඔහුගේ ජනප‍්‍රියතාව සියයට පහකින් අඩු වන බවත් ඒ අනුව මේ සංශෝධනය එක්සත් ජාතික පක්ෂයට වාසි දායක බවත් ඔහු කියයි. ව්‍යවස්ථා සංශෝධනයට සහය දක්වන බවට ප‍්‍රසිද්ධියේ ප‍්‍රකාශ කළ දෙවන එජාප මන්ත‍්‍රීවරයා මොහු ය. මීට පෙර අබ්දුල් කාදර් මහතා ද මේ බව කියා තිබිණ.

ඉන්දියානු දෙමළ ජනතාව ගැන රාඕගේ අවධානය..

සැප්තැම්බර් 02 - ඉන්දියානු සම්භවයක් සහිත දෙමළ ජනතාවට නැවත පදිංචිකරවීමේ දී ගැටලූවලට මුහුණ දීමට සිදුව ඇතැයි ඉන්දීය විදේශ ලේකම් නිරූපමා රා ඕ පවසයි. තෙදින නිල සංචාරය අවසන් කරමින් අද සිය රට බලා ගිය ඇය එරට මාධ්‍ය හමුවේ මේ බව කියා සිටියා ය. ඇය පෙන්වා දුන්නේ මේ පිළිබඳ දැනුම් දීමෙන් පසු බලධාරීන් ඊට අවශ්‍ය පියවර ගන්නා බවට පොරොන්දු වූ බවයි.

‘‘ශ‍්‍රී ලංකාවේ ප‍්‍රධාන වශයෙන් දෙමළ ජනතාව කොටස් දෙකක් වාසය කරනවා. එක් කොටසක් ශ‍්‍රී ලාංකීය දෙමළ ජනතාව. අනිත් අය බි‍්‍රතාන්‍ය පාලන සමයේ දී තේ, කෝපි, රබර් වගාව සඳහා ඉංග‍්‍රීසි ජාතිකයන් විසින් ඉන්දියාවෙන් රැුගෙන ගිය අය. මේ අය 1000ක් විතර අවතැන් ජනතාව ලෙස ඉන්නවා. ඔවුන් නැවත පදිංචි කිරීමේ දී අපහසුතාවන්ට මුහුණ දෙමින් ඉන්නවා. මෙතෙක් ඔවුන් කලින් පදිංචිව සිටි ස්ථාන වෙත යන්න ඔවුන්ට හැකි වෙලා නැහැ. ඒකට හේතුව තමයි තවමත් එම ප‍්‍රදේශ පදිංචියට සුදුසු පරිදි සකස් වී නොතිබීම. ’’

නිදහස් පක්ෂ සමුළුවට චන්ද‍්‍රිකාට ආරාධනා නෑ..

සැප්තැම්බර් 02 - අද පැවැති ශ‍්‍රී ලංකා නිදහස් පක්ෂයේ 59 වන සංත්සර උළෙල සඳහා හිටපු ජනාධිපති චන්ද්‍රිකා බණ්ඩාරනායක කුමාරතුංග මහත්මියට ආරාධනා කර නැතැයි dailymirrorවෙබ් අඩවිය අනාවරණ කර තිබිණ. එම සැමරුම් උළෙලේ අතීත නායකයන්් ඡයාරූප අතර ද ඇගේ රුව නොවු බව එහි පළ විය. මේ පිළිබඳ අදහස් දක්වමින් හිටපු ජනාධිපතිනිය කියා ඇත්තේ වසර ගණනාවක සිට තමන්ට ඒ සඳහා ආරාධනා නොලැබෙන බවයි.

ව්‍යවස්ථා සංශෝධන විවාදය සහ ඡුන්ද විමසීම 8දා...

සැප්තැම්බර් 02 - ව්‍යවස්ථා සංශෝධනය පිළිබඳ විවාදය සහ ඡුන්ද විමසීම ලබන 8 වන දා පැවැත්වෙයි. අද පැවැති පක්ෂ නායක රැුස්වීමේ තීරණය වී ඇත්තේ එදින පෙරවරු 9.30 සිට පස්වරු 7.00 දක්වා පාර්ලිමේන්තුවේ කටයුතු පැවැත්වීමටයි. ඒ අනුව විපක්ෂයට විවාදය සඳහා වැඩි කාලයක් හිමි වනු ඇත. පස්වරු 7.00ට ඡුන්ද විමසීම පැවැත්වෙයි.

ලංකාවට පුපුරණ ද්‍රව්‍ය රැගෙන යාමට උත්සහ කළ දෙදෙනෙක් තමිල්නාඩුවේදී අසුවෙති.

සැප්තැම්බර් 02 - ජෙලික්නයිට් කූරු 190ක් ඇතුළු පුපුරණ ද්‍රව්‍ය තොගයක් ශ‍්‍රී ලංකාවට රැගෙන යාමට උත්සහ කළ පුද්ගලයන් දෙදෙනකු ඉන්දියාවේ තමිල්නාඩුහිදී අත්අඩංගුවට ගෙන තිබේ. පුපුරණ ද්‍රව්‍ය තොගය අතර ඩෙටනේටර් 102ක් තිබී සොයා ගෙන ඇත.

රාඕ යයි..

සැප්තැම්බර් 02 - තෙදින නිල සංචාරයක නිරත වූ ඉන්දීය විදේශ ලේකම් නිරූපමා රා ඕ අද පස්වරුවේ දිවයිනෙන් නික්ම ගියා ය. මෙම සංචාරයේ දී අවතැන් කඳවුරුවල ද සංචාරයක නිරත වූ ඇය ඊයේ පස්වරුවේ ජනාධිපතිවරයා ද හමුවූවා ය.

ඇණ ගැසූ හැටි ආරියවතී කියයි..

සැප්තැම්බර් 02 - තමා සේවය කළ නිවසේ හිමිකරුවන් විසින් තමන්ට ඇණ ගැසූ ආකාරය පිළිබඳ පාපෝච්චාරණයක නිරත ව ඇත. බීබීසී ලෝක සේවය වෙත ප‍්‍රකාශයක් කරමින් ඇය කියා ඇත්තේ හාම්පුතාගේ බිරිඳ තමාව තදින් අල්ලාගෙන සිටිය දී හාම්පුතා මේ ඇණ ගැසීම කළ බවයි. ඔවුන්ගේ දියණිය තමාගේ ගෙලට පිහියක් තබා තර්ජනය කළ බව ද ඇය පවසා ඇත. ඇය කියා සිටියේ එවැන්නක් සිදු නොවූ බවට සෞදි බලධාරීන් කරන ප‍්‍රකාශ සම්පූර්ණයෙන් අසත්‍ය බවයි. ඔවුන් මුණගැස්සුව හොත් සියල්ල හෙළි කළ හැකි බව ද ඇය කියා තිබේ. මිට අමතරව එරට ගුවන් තොටුපළෙන් පැමිණීමේ දී යන්ත‍්‍ර මගින් කිසියස් ශබ්දයක් ඇසුන ද කිසිවකු ඒ පිළිබඳ අවධානය යොමු නොකළ බව ඇය සඳහන් කර ඇත.

දෙමළ සන්ධානයේ තීරණය 6දා..

සැප්තැම්බර් 02 - ව්‍යවස්ථා සංශෝධනය පිළිබඳ තීරණය ලබන සඳුදා ගන්නා බව දෙමළ ජාතික සන්ධානය කියයි. එදින පැවැත්වෙන පාර්ලිමේන්තු මන්ත‍්‍රී කණ්ඩායම් රැුස්වීමේ දී මෙම තීරණය ගැනීමට අපේක්ෂිත ය.

තෙවරප්පෙරුමට ඇප..

සැප්තැම්බර් 02 - ආයුධ ළග තබා ගැනීමේ චෝදනාව යටතේ රක්ෂිත බන්ධානාගාර ගත ව සිටි එජාප පාර්ලිමේන්තු මන්ත‍්‍රී පාලිත තෙවරප්පෙරුම මහතා අද ඇප මත මුදා හැරියේ ය. ජනාධිපතිවරණ සමයේ අත්අඩංගුවට ගැණුන ඔහු මාස 9කට අධික කාලයක් රක්ෂිත බණ්ධනාගාර ගත ව සිටියේ ය.

කොටි සැහැල්ලූ ගුවන්යානා දෙකක කොටස් හමුවෙයි..

සැප්තැම්බර් 01 - මුලතිවු වෙල්ලමුල්ලවයික්කාල් ප‍්‍රදේශයේ තිබී සැහැල්ලූ ගුවන්යානා දෙකක කොටස් සොයා ගැනේ. යුධ හමුදාව පවසන්නේ ප‍්‍රදේශයේ කන්ටේනරයක සගවා තිබිය දී මෙම උපකරණ සොයා ගත් බවයි. යුද්ධයේ අවසන් අදියරේ දී මෙම කොටස් සගවන්නට ඇතැයි යුධ හමුදාව කියයි.

ෆොන්සේකා තවමත් අසනීපෙන් - යුධ අධිකරණය 03දා..

සැප්තැම්බර් 01 - හිටපු හමුදාපති සරත් ෆොන්සේකා මහතාගේ අසනීප තත්ත්වය හේතුවෙන් අද දිනයේ ද යුධ අධිකරණයට සහභාගී නොවීය. හමුදා රෝහල් නිලධාරියකු ෆොන්සේකා මහතා පිළිබඳ වෛi වාර්තාවක් ඉදිරිපත් කළ අතර දෙවන යුධ අධිකරණය ලබන 3 දා දක්වා කල් තැබිණ.

ඇණ ගැසීම බොරුවක් බව සෞදිය කියයි..

සැප්තැම්බර් 01 - සෞදියේ දී ශ‍්‍රී ලාංකීය ගෘහ සේවිකාවකට ඇණ ගැසීම පිළිබඳ චෝදනා පදනම් විරහිත බව එරට රජය පවසයි. එරට විදේශීය සේවකයන් පිළිබඳ දෙපාර්තමේන්තුවේ ප‍්‍රධානියකු මේ පිළිබඳ මාධ්‍ය වෙත පවසා ඇතැයි ඒපී වෙබ් අඩවිය කියයි. මීට පෙර ද එරට අභ්‍යන්තර අමාත්‍යංශය කියා සිටියේ මේ පිළිබඳ පැමිණිල්ලක් පවා ලැබී නොමැති බවයි.

ව්‍යවස්ථා සංශෝධනය පිළිබඳ තීරණය කථානායකවරයා වෙත..

සැප්තැම්බර් 01 - 18 වන ව්‍යවස්ථා සංශෝධනය පිළිබඳ ශ්‍රේෂ්ඨාධිකරණ තීරණය කතානායකවරයා වෙත දැනුම් දෙයි. රජයේ නිල වෙබ් අඩවිය පවසන්නේ ආචාර්ය ශිරාණි බණ්ඩාරනායක මහත්මිය ප‍්‍රමුඛ පංච පුද්ගල විනිසුරු මඩුල්ල හමුවේ එය සලකා බැලිණ.

ව්‍යවස්ථා සංශෝධනයට එරෙහිව ජවිපෙන් අත් පත‍්‍රිකා ලක්ෂ 20ක්..

සැප්තැම්බර් 01 - එක් පුද්ගලයකුට විධායක ජනාධිපති ධුරය දැරි හැකි වාර ගණන වැඩි කිරීම සඳහා ගෙන එනු ලබන ව්‍යවස්ථා සංශෝධනයට එරෙහිව ජනතාව දැනුවත් කිරීම සඳහා අත් පති‍්‍රකා බෙදීමේ ව්‍යාපාරයක් දියත් කිරීමට ජනතා විමුක්ති පෙරමුණ තීරණය කර තිබේ. එම වැඩසටහන හෙට දිවයින පුරා ක‍්‍රියාත්මක වන අතර එහිදී අත් පත‍්‍රිකා ලක්ෂ 20ක් ජනතාව අතර බෙදා හැරීමට නියමිතය. අත් පත‍්‍රිකා බෙදා හැරීමේ ප‍්‍රධාන අවස්ථාව හෙට (02* පෙ.ව. 10:00ට කොටුව දුම්රියපොළ ඉදිරිපිටදී පැවැත්වේ. එම අවස්ථාවට ජනතා විමුක්ති පෙරමුණේ නායකයෝ සහභාගි වෙති.

ව්‍යවස්ථා සංශෝධනයට එජාපය විරුද්ධයි...

සැප්තැම්බර් 01 - යෝජිත ව්‍යවස්ථා සංශෝධනයට විරුද්ධ වීමට අද රැුස්වූ එම පක්ෂයේ පාර්ලිමේන්තු කණ්ඩායම සහ කෘත්‍යාධිකාරී මණ්ඩලය තීරණය කර තිබේ. මෙම සාකච්ඡුාව සඳහා සජිත් පේ‍්‍රමදාස මහතා සහභාගී නොවූ බව වාර්තා වෙයි.

ශ‍්‍රී ලංකාව එක්දින ශ්‍රේණිගත කිරීම්වලින් තෙවන තැනට..

සැප්තැම්බර් 01 - තුන්කොන් තරගාවලිය ජය ගැනීමත් සමග ශ‍්‍රී ලංකා කණ්ඩායම ලෝක එක්දින ශ්‍රේණිගත කිරීම්වල තෙවන ස්ථානයට පත්ව සිටියි. තරගාවලියට පෙර ශ‍්‍රී ලංකාව රැුඳී සිටියේ සය වන ස්ථානයේයි.